طيوف الماضي

البارت(44)طيوف_الماضي الكاتب#احمد

تصويت ومتابعه لحتى توصلكم باقي البارتات والقصص❤
#طيوف_الماضي
بقلم #احمد
البارت_44
.
.
مصطفى: سكرت منها واحس اتصالها اجى بوقتو لان من حجيت وياها احس راحت عصبيتي كلها وارتاحت نفسيتي بسماع صوتها الي يرجع الحياة لكلبي دائما
.
.
جنى: سكرت منو وضحكت على سوالفو ياربي هالانسان مو طبيعي مجرد اسمع صوتو كأنو جرعة هدوء وامان تجتاح مشاعري واحساسي وتأكدلي ان ما انكسر بوجودو
.
.
اخذت كتاب الاحياء ودرست شوية بين ماصارت الدنيا مغرب ورحت ساعدت امي بالعشى وحاولت اركز على بابا اذا بعدو على نفس وضعو
.
.
بعدها بيومين بلشت المدارس وجان بالبداية يروح بابا لحالو لان بس تسليم كتب وتسجيل طلاب جدد بالاول ابتدائي وماما بقت بالبيت لحد ما يبدا الدوام الرسمي
.
.
وتواصلي اني ومصطفى قليل لان يتركني ادرس وهو هم مشغول ودا يحضر للعرس فما يلحك يتصل واني عاذرتو لان ماعرف ضروفو
.
.
بلشت المدارس يوم الثلاثاء بتاريخ 25/10/2012 وبابا جان بعدو من يجيه اتصال ينعزل عننا ويحجي ومرة من المرات اجاه اتصال وكالعادة اخذ تيلفونو وراح بالغرفة
.
.
وفجأة حجى بصوت مسموع وبعصبية وكال ياخي كلتلك يعرفك واني ما اتهمت عشيرتك بس جنى ما الها احد غيري علمود يكون هذا الشخص يعرفها
.
.
باوعت لماما وجان وجانت ملامح الاستغراب الي عدها ما تقل عني وثنينا مو فاهمات شي بس ماما ما تحملت وراحت على بابا
.
.
علمود تسألو وتستفسر عن هالموضوع الي شاغلو صارلو فترة من دخلت للغرفة اشرلها تطلع وكال هسا اجي وافهمكم وكمل اتصالو واجى عالصالة
.
.
رؤى: شكو علي قلقتنا
علي: بنفاذ صبر .. ماكو شي
رؤى: مو قلقتنا صارلك فترة منو الي ما يعرف جنى
.
.
علي: اكو شخص يريد يخرب العرس مال مصطفى وجنى ومن مصطفى اجل العرس فورا وصلو خبر واتصل على مصطفى ويضحك عليه لان تأجل العرس
.
.
رؤى: وليش يريد يخرب وشنو مصلحتو
علي: ماعرف بس اكيد ببالو شي
رؤى: وماعرفو مصطفى منو هو
.
.
علي: لا ما يعرفو
جنى: اني اعرفو
علي: منو وشلون عرفتيه
.
.
جنى: اكيد اسراء ماكو غيرها
علي: شنو الدليل العندج
جنى: هي حاطة عينها على مصطفى وتريدو يتزوجها
.
.
علي: الي اتصل علي رجال مو مرة
رؤى: وبعد اتصل عليك واحنا يا غافلين الكم الله
علي: رؤى ترا اني هم طالعة روحي من الموضوع
.
.
جنى: بابا تكدر ببساطة تخلي اي واحد يتصل عليكم
علي: ماكو اي دليل ضدها وفوكها .....
رؤى: فوكها شنو
.
.
علي: فوكها ..... استغفر الله ياربي
رؤى: علي لا تلعب باعصابنا احجي شكو
علي: بعصبية .. ماكدر احجي هالشي على بنتي
.
.
رؤى: جنى روحي لغرفتج
جنى: لا ماما هاي المرة اريد اعرف شحاجي علي
علي: متصل على مصطفى وكايلو جنى مو شريفة واتصل علي يكلي جنى الي وماخليكم تنطونها لمصطفى
.
.
رؤى: ومصطفى مصدك حجيو مو
علي: لو مصدك حجيو جان فلش الخطبة
رؤى: لعد شكو يحجيلك
علي: هيج بدون سبب و.... جننننننننننى
.
.
مصطفى: بعد ما شاهين انطى خبر لعمامي بقى الوضع هادئ اول يوم ثاني يوم الظهر رجعت للبيت اتغدى قبل ما ادخل اجاني اتصال من رقم غريب وعرفتو نفس الشخص
.
.
الشخص: عفية عليك طلعت ذكي
مصطفى: بشنو ذكي
الشخص: بتأجيل العرس
.
.
مصطفى: ومنو كلك تأجل
الشخص: عندي مصادر قوية بس هذا ما يرضيني
مصطفى: منو كلك اني اريد ارضيك
.
.
الشخص: لان رضائي يضمن استمرار حياتك انت وحبيبتك
مصطفى: اي وشنو اليرضيك
الشخص: انو تفلش الخطبة فورا
.
.
مصطفى: وشنو تستفاد انت
الشخص: اني اخذ جنى لان اني احق منك بيها
مصطفى: بس على حد علمي ماعدها كرايب علمود تكون احق مني بيها وافلش الخطوبة علمودك
.
.
الشخص: مو ضروري اكون كرابتها علمود اكون احق منك بيها
مصطفى: لهجتك مثل لهجتي يعني انت قريب علي
الشخص: قريب وبعيد بنفس الوقت
.
.
مصطفى: شلون يعني
الشخص: اخبارك توصلني بس انت صعب توصلني
مصطفى: انطيني عنوانك وهسا اجيك
.
.
الشخص: لا تستعجل راح نلتقي ووقتها تكون راكع عند حذائي
مصطفى: هههههههههه ضحكتني كلش
الشخص: الفخر للاخر يا شيخ مصطفى
.
.
مصطفى: وهو اني انتظر الاخر علمود نلتقي
الشخص: ومنو كلك نلتقي
مصطفى: لعد منو الي جان يكول اركع عند حذائو
.
.
الشخص: اي صحيح نسيت
مصطفى: لعد اسمع هالكم كلمة ولا تنساهن
الشخص: وشنو هن
مصطفى: ما اكون الشيخ مصطفى اذا حطيت رجلي فوك راسك
.
.
سكر الاتصال ومابقى الي نفس اتغدى دخلت للبيت لكيتهم ينتظروني كلتلهم تغدو ما مشتهي وعفتهم بالصالة ورحت لغرفتي واتصلت بعلي
.
.
كلتلو عالحجي الي كالو الشخص ولاحظت من نبرة كلامو انو عصبي وعاذرو اكيد لان الموضوع مو قليل وبالاخص ان هذا دا يتهم جنى بشرفها وقريب مني
.
.
من خلصت من علي نزلت جانو شاهين وكاضم يتغدون كلتلهم كملو غداكم والحكوني عالمضيف وطلعت ورجعت عليهم كل واحد وصيتو يجيب 5 من ولد عمامي بعد الغدا وينجمعون بالمضيف
.
.
وسألوني هم وامي كلتلهم محتاجهم بموضوع ضروري ورحت للمضيف وانتظر على نار لحد ما اجو رحبت بيهم وطبعا كلهم ثقة وينشد بيهم الظهر لهذا اختاريتهم هم تحديدا
.
.
كلتلهم اكو موضوع صار هالكم يوم وماحجيتلكم عنو وهو السبب بتأجيل العرس صحيح .. جان صعب علي الحجي بس لازم احجيلهم علمود يعرفون شنو الموضوع ويكدرون يساعدوني
.
.
فكلتلهم اكو واحد دا يتهم خطيبتي بشرفها كلهم كالو يخسى وبس كوللنا منو هو علمود نشحطو الك كلتلهم حاليا ماعرفو لان دا يتصل من ارقام مو مسجلة ومدا ينطي اي معلومة عنو
.
.
واني جمعتكم علمود تساعدوني ونكدر نوصلو واحد منهم كال شلون نكدر نساعدك كلتلهم هالشخص قريب مني ودا يعرف ادق التفاصيل عني
.
.
وحتى موضوع تأجيل العرس بدون ما احد يحجي هو عرف كال شاك باحد كلتلهم ماكدر اتهم بدون دليل لذلك اريدكم تساعدوني وتراقبون الوضع
.
.
اي احد غريب تشوفون عليه شي مو مريح تراقبوه او تنطوني خبر وبالاخير الا ما ينعرف بس مو معقولة نبقى ساكتين وهو دا يحجي ويخربط براحتو
.
.
واذا كدر يعرف هالمواضيع مانعرف شيكدر يسوي وانتو تتذكرون بنت ابو سجاد والي صار وياها ومانريد ينعاد الموضوع ويا وحدة من بناتنا لان ضربتين عالراس توجع
.
.
واي شي تطلبوه او تحتاجوه اني حاضر كلهم كالو تدلل ومحتاجين سلامتك وإن شاء الله نكدر نساعدك ونوصلو وراحو
.
.
بقى عندي واحد منهم اسمو سمير جان كلش ثقة والغريب يفهم الي ببالي بدون ما احجي من فرغ المضيف وبقينا بس اني واخواني وياه حجى وياي
.
.
سمير: احجيلي شيخنا بمنو شاك
مصطفى: حجيتلك قبل شوية ماكدر اتهم
سمير: ماتكدر تتهم بس تكدر تشك
.
.
مصطفى: وشنو الفايدة
سمير: كلي منو واني اراقبهم الك
مصطفى: شاك بابو اسراء
.
.
سمير: بس على حسب علمي اجتمعت بابو اسراء
مصطفى: اجتمعت وياه مو ويا اهل بيتو
سمير: فتح عيونو على وسعهن .. قصدك اهلو يسوون هيج
.
.
مصطفى: ما اكول يسوون هيج بس ما استبعد هالشي
سمير: منو كلك يسوون هيج
مصطفى: لاسباب ماكدر احجيها شاك بيهم
.
.
سمير: لعد هاي هي اني راح اراقبهم واذا شفت شي مو طبيعي عليهم اردلك خبر
مصطفى: تمام حبيبي مشكور
.
.
سمير: تدلل يلا استرخص اني
مصطفى: مرخوص
.
.
كاضم: وهسا شنو
مصطفى: هسا ننتظر لحد ما نحصل معلومة او اشارة
كاضم: واني وشاهين
.
.
مصطفى: انت وشاهين تسوون مثل ولد عمامكم وتراقبون الوضع ومن تطلعون لمكان انتبهو لنفسكم
كاضم: قابل احنا زعاطيط
.
.
مصطفى: والموضوع مو للزعاطيط
كاضم: لا تخاف علينا
مصطفى: كاضمممممم ترا روحي طالعة لا تزودها علي
.
.
كاضم: شبيك ساكت شاهين
شاهين: اذا اكلك مصطفى على حق تكلي خايف
.
.
مصطفى: سكت كاضم بس مبين مو عاجبو الحجي كلت خليه يزعل احسن ما يبقى متهور ويورطنا وياه بقيت بالمضيف واجو عمامي وحجينا شوية
.
.
بس ما حجيتلهم ليش طلبت ولد عمي اريد الموضوع يبقى بيناتنا وابو اسراء اخر مرة طب المضيف من طلبتو علمود اسألو واحسن شي سواه انو ما اجى لان مالي خلكو واحتمال نتزاعل اذا اجى وحجالو كلمة زايدة
.
.
المغرب رحت للبيت كاتلني الجوع امي حاسة انو اكو شي وسألتني كلتلهم موضوع بيني اني وولد عمي وسكتت وبصراحة هالحيوان هذا خلاني اشك باقرب الناس الي
.
.
تعشيت ورحت لغرفتي اخذتلي دوش ومن طلعت حسيت نفسي نعسان ونمت ثاني يوم كعدت الصبح تريكت ورحت للمضيف
.
.
وبما انو ولد عمي البارحة حاجي وياهم فما اتوقع يردولي خبر اليوم لهذا ما اتصلت عليهم واحس كل ساعة اتأخر بيها تأخر عني العرس وهو الشي الوحيد الي ما اتمناه يتأخر
.
.
كضيت يومين بروتين طبيعي علي ما اتصلت عليه خلال هاليومين وهو هم ما اتصل علي وبعد هاليومين اجت اول اشارة جابها الي سمير
.
.
جنت كاعد بالمضيف العصر واجى علي كال اكو شخص دا يجي يوميا لبيت ابو اسراء ويجي بوقت متأخر بحدود ال 12 بالليل والغريب فورا يدخل للبيت ومو من كرايبنا ولا من كرايب ام اسراء
.
.
كلتلو ليش تأخرت لحد ما اجيت كلتلي كال لان جنت اتأكد اذا من كرايب ام اسراء وموجود هنا بشغل لو لا وطلع مو منهم ووحدة من الثنين لو ابو اسراء متفق وياه لو اهل ابو اسراء لو هم يدرون بيه ونطلع غلطانين
.
.
كلتلو اليوم اريدك تراقبهم لحد ما يجي وانطيني خبر كال تدلل وانت لا تنام علمود اذا تأخر بالجية احصلك من اتصل عليك وبعدها راح
.
.
والسبب الي يخليني ماكدر اراقب بنفسي هو انو يعرفني واذا شافني تخرب الخطة فلازم ما ابينلو انو اعرف دا يجي لبيت ابو اسراء وصبرت كل هالمدة خلي اصبر كم ساعة بعد بلكي اكدر امسكو واعرف منو المتورط وياه
.
.
مر الوقت طبيعي بس بالنسبة الي كل ثانية عدال سنة كاملة وبالليل حتى عشى ما اشتهيت بقيت انتظر الاتصال على نار وفاتح الموبايل ومخليه كدامي وانتظر
.
.
وبال 12 وكم دقيقة اتصل سمير قبل ما يكمل الرنة الاولى جاوبتو كال الشخص هسا ببيت ابو اسراء تشكرتو وقفلت التيلفون وطلعت بدون ما احجي لاهلي
.
.
ركبت سيارتي وانطلقت وصلت بيت ابو اسراء كدامو سيارة سودة وكفت بمسافة عنو ومطفي اضائة السيارة تقريبا نص ساعة وطلع
.
.
من مشى بسيارتو انطلقت وراه وطلع خارج العمارة خليت الاضائة طافية وكلت عليك يا الله بقى يمشي بطريق بعيد واني صرت بمسافة بعيدة عنو
.
.
بس مركز ويا ضو سيارتو وين ما يتجه هو اني اتجه وراه اخير شي وصل بيت ودخل عليه حفظت مكان البيت ورجعت للبيت كلت باجر اعرف موضوعو ما اريد استعجل هسا
.
.
من رجعت لكيت كاضم وشاهين خابصين الدنيا علي ويلومون سمير لان ما كاللهم واني ناسي التيلفون بالغرفة من وصلت عليهم شوية ويضربوني من العصبية
.
.
بس ماكدر الومهم لان لو واحد منهم مسوي هيج يمكن اضربو خليتهم يتصلون على سمير ويطمنوه وكلتلهم خلي يجي باجر للمضيف وانتو نامو وباجر احجيلكم واصرو الا احجيلهم
.
.
وحجيتلهم الي صار ورحت نمت ثاني يوم انجمعنا اني وياهم واجى سمير كلتلهم اليوم بالليل لازم نمسك هذا الشخص واذا مسكناه نعرف اذا الو علاقة لو لا
.
.
سمير: بس اذا ما الو علاقة راح نتورط ويا ابو اسراء
مصطفى: ماراح نكلو منو احنا
سمير: واذا يعرفنا باشكالنا
.
.
مصطفى: ماعدنا غير هالحل واذا ما سوينا هيج ماكو فايدة من كل الي سويناه ولازم نعرف شعندو بهيج وقت يجي على بيت ابو اسراء وما يجي بالنهار
.
.
سمير: والله ماعرف بس مثل ما تريد
مصطفى: اذا ما تريد تشارك براحتك والي سويتو ما انسالكياه طول ما خشمي يشم الهوا
.
.
سمير: لا شلون ما اشارك وياك للموت
مصطفى: كفو منك
سمير: كفواك الطيب
.
.
مصطفى: مثل البارحة من يجي تخابرني
سمير: صار
مصطفى: راح نخلي شاهين وكاضم يحصرون سيارتو واني وياك نهجم عليه ونمسكو
.
.
سمير: إن شاء الله بس لازم ننتبه خاف مسلح
مصطفى: جيب سلاحك وياك
سمير: تمام لعد اتفقنا
.
.
مصطفى: راح سمير وانتظرنا لليل جهزنا اسلحتنا والسيارات ومن اتصل علينا سمير رحنا وانتظرناه من طلع حصروه اخواني بالسيارات ورفعت سلاحي بوجهو
.
.
جانو كاضم بسيارتي وشاهين بسيارتو ووكفو واحد وراه وواحد كدامو ورفع سلاحو من شافنا اني وكاضم واخواني رافعين اسلحتنا بوجهو نزل سلاحو
.
.
ونزل من السيارة وراح كاضم جتفو واخذناه ويانا للمضيف ومبين الخوف بعيونو كلتلو اي احجيلي منو انت
.
.
الشخص: شدخلك
مصطفى: تحجي بالحسنة لو اشوفك وجهي الثاني
الشخص: اعلى ما بخيلك اركبو
.
.
مصطفى: البيت الي رجعتلو البارحة الك مو
الشخص: بصدمة .. اي بيت
مصطفى: تعرف كلش زين اي بيت
.
.
الشخص: لا ماعرف شي
كاضم: احجي ابن النعال لا اشك حلكك
.
.
مصطفى: عوفو كاضم وروح انت وشاهين اجمعولي الشباب كلهم دنكت عليه كلتلو واذا اكو نسوان بالبيت ذاك فراح اسوي الشي الي اتهمت خطيبتي بيه
.
.
الشخص: اني ما دخلني اني مجرد عبد مأمور
مصطفى: هسا انت عيني كمل
.
.
الشخص: اني مجرد اجي اخذ معلومات من البيت الي جنت بيه واوصلهم للي اشتغل يمو واخذ فلوس على هالشغلة هاي وغير هالشي مدخلني ولا اعرف
.
.
مصطفى: والي تشتغل يمو موجود بذاك البيت
الشخص: اي يوميا يجي بالليل ومن ارجع انطيه المعلومات وينام وثاني يوم يروح
.
.
مصطفى: وين يروح
الشخص: ماعرف ما يحجيلنا اي شي عنو
مصطفى: وشلون تشتغل ويا هيج شخص
.
.
الشخص: لان متزوج ومحتاج فلوس علمود اوكل جهالي
مصطفى: وتوكلهم فلوس حرام
الشخص: اني جنت حارس عالبيت لا اكثر
.
.
مصطفى: ومنو بالبيت حاليا غير الي تشتغل يمو
الشخص: وياه شخص ثاني وثنينهم مسلحين
مصطفى: خوش حجي
.
.
كلت لكاضم وشاهين وسمير يروحون يجمعولي شباب العشيرة وكل واحد يجيب سلاحو وياه وخلال نص ساعة تجمعو وحجيتلهم وتوكلنا
.
.
وجنت خايف ان الي يشتغل يمو هذا يشك بالوضع لان تأخر وينهزم بس إن شاء الله الحك عليه ومن تقربنا من المكان طفيت الاضوية والي وياي هم طفو الضو
.
.
وبقينا قريبين من بعض ونمشي على ضو القمر علمود ما يشوف الاضوية وينهزم ومن تقربنا حاصرنا البيت ومن نزلت ضربت طلقتين بالهوا علمود يعرف ان احنا خارج
.
.
............ يتبع
حطولنا لايك وتعليق ❤😁