طيوف الماضي

البارت(57) طيوف_الماضي الكاتب#احمد

بارت بدون تعديل 😁❤
#طيوف_الماضي
بقلم #احمد
البارت_57
.
.
مصطفى: صح النوم
صاحب الشفر: صح بدنك اخذني الواهس بالقصة
علي: اهم شي عجبتكم
صاحب الشفر: كلش حلوة الله يحفظكم لبعض
علي: ويحفظك حبيبي
صاحب الشفر: يلا اني استرخص اروح اكمل شغلي
علي: مرخوص
مصطفى: كاضم خليك وياه اذا يحتاج شي
كاضم: تمام
.
.
مصطفى: راح كاضم وياه واني وعلي انتظرنا لحد ما يبرد الجو ونطلع لان جان حار كلش وبصراحة حار على كاضم بس مجبور ما يصير يبقى صاحب الشفر لحالو
.
.
جنى: اجى الشفر وبلش يشتغل بمكان بيت بابا اكو غرفة فارغة بالطابق الثاني شباكها صاير على جهة بيت بابا دخلت منها وبعدت البردة وباوعت للشفر من جان يحفر واني دا اباوع شفت كاضم مركز عالشباك واشر بايدو علمود ابعد عن الشباك ومن الخوف عفتها ونزلت اركض واني احجي عل  نفسي بسبب الموقف جنت واكفة عند الدرج ووجهي اصفر من الخوف اجى كاضم وجهو احمر من العصبية باوع علي ومبين الخوف على وجهي باوع علي كال هاي انتي مو اريد اجاوب ما اكدر بس هزيتلو راسي وهو ابتسم بس بعصبية كال ما يصير بابا لو شايفج الرجال تحطينا وتحطين نفسج بموقف مو حلو كلتلو اسفة بس حبيت اشوف شديسوي كال هاي هي المهم ما شافج ديري بالج كلتلو تمام وعافني وراح يمة بوقتها جنت خايفة خوف مو طبيعي ماعرف ليش شكد اختف من مصطفى بس بوقتها خفت من كاضم اكثر ومادري خفت منو هو تحديدا ولا خفت لا يعرف مصطفى بعدها بقيت تحت ويا البنات وهيثم وماما والحجية ومثل الدجاجة الي مضيعة بيضها كل شوية بمكان ما ابقى ربع ساعة بمكان واحد ومكضيتها لعب ومعارك ويا هيثم واركض وراه مثل الطفلة المغرب سوينا العشى واجو كاضم وشاهين اخذو الهم عالمضيف وبال 10 اخذو فراش لصاحب الشفر علمود ينام بالمضيف ويا بابا ومصطفى والي عرفتو ان مو مكمل ومصطفى ما خلاه يروح لبيتو هم يضيفو وهم باجر من الصبح يكمل شغلو وبصراحة مشتاقة الو شوق مو طبيعي صار كم يوم ما شفتو ولا سمعت صوتو كلها بالمضيف لو طالع ويا بابا صارت الساعة 12 واتصلت عليه
.
.
مصطفى: من برد الجو العصر طلعنا اني وعلي عند الشفر واجو عمامي وبقى يحفر للمغرب بس لان يحفر تقريبا مترين ومساحة هواي فما لحك يخلص وكلت لعلي خلي السرداب مترين تحت الكاع ومتر فوك الكاع وهو وافق على فكرتي علمود البيت شوية يصير مرتفع ومن صارت الدنيل ليل صاحب الشفر راد يروح وما خليتو يروح واتصل على اهلو طمنهم وكاللهم من اكمل ارجع ولان تعبان بال 10 راحو عمامي وهو نام وبقينا اني وعلي نحجي ويا بعض لل 11:30 نام علي واني بقيت كاعد وافكر وبوسط افكاري دك تيلفوني شفتو جنى طلعت خارج المضيف ورديت عليها بلهفة كلتلها هلا برويحتي
.
.
جنى: اريد احجي ماكدر فورا بجيت من شوقي الو
مصطفى: شبيج رويحتي احجي
جنى: وين انت
مصطفى: بالمضيف ليش تبجين
جنى: تعال هسا
مصطفى: جايج بس احجيلي شبيج
جنى: من تجي تعرف
مصطفى: يلا جايج اني
جنى: تمام
.
.
سكرت منو وانتظرتو لحد ما دخل عالغرفة ومبين عليه ملامح الغضب كمت من مكان وركضت عليه وهو لفني بحضنو ويمسح على راسي وباسني براسي
.
.
مصطفى: احجيلي يا روحي شبيج
جنى: ليش هيج تسوي بي
مصطفى: شسويت
جنى: صارلك كم يوم حارمني منك
مصطفى: يعني هاي الدموع علمودي
جنى: لعد علمود منو
مصطفى: اروح فدوة للمشتاقتلي اني
جنى: اليوم تبقى وياي
مصطفى:  واذا كعدو وما لكوني بالمضيف
جنى: قابل منهزم لغير دولة
مصطفى: جنت اريد استفزها .. لا عيب لازم اروح
جنى: بعصبية .. وربي فلا تروح
مصطفى: جنى رويحتي ما يصير
جنى: وربي اموتك قبل ما تطلع
مصطفى: شل.....
.
.
اريد اكمل سالفتي وباستني من شفتي خلتني اني اجبرها تبقى وياي هههههههه وفوكها اني ميت شوق الها فعلا صرت ما اندل دربي بسبب البوسة الي حصلتها بقيت وياها هاي الليلة هم مشتاقلها وهم ما اريد اكسر بخاطرها واعوفها لان نعرف كلنا ان البنت ما تكدر تتحكم باعصابها او تفكر بهيج مواقف بسبب عاطفتها وممكن بعض ناس يكول شلون عاف الضيوف لحالهم بالمضيف اولا هم نايمين ثانيا اني مو مقصر وياهم النهار كلو وياهم وما عفتهم ل ما نامو وثاني يوم اروحلهم اول ما اكعد فما بيها اي شي نومتي بالبيت من كعدت الصبح رحت للمضيف اني وكاضم لكيت علي وصاحب الشفر هسا كاعدين شال الفرش كاضم وراح يجيب الريوك
.
.
علي: اي يابة صاير بيها انسحابات نص الليالي
مصطفى: هههههههه تخطيط اسرائيلي
علي: اي يابة حقك
مصطفى: اني بريئ
علي: اي كلش بريئ لا تحلف مصدكك
مصطفى: ههههههه انت لو برج مراقبة مو هيج
علي: لعد شعبالك مراقب كل حركاتك
مصطفى: همزين عرفت علمود اخذ حذري مرة ثانية
علي: اي خوية شكد باقيلك
صاحب الشفر: والله حجي إن شاء الله شغلة ساعتين
مصطفى: ترا شباب لا تكبرو زيادة
علي: راح الشباب كبرنا
مصطفى: لا يخوي بعدك شباب
علي: ما ينلام الي كال ليت الشباب يعود يوما
مصطفى: لازم مشتاق لايام النظرات ويا ام هيثم
علي: ههههههههه والله جانت احلى ايام
مصطفى: اي والله ما تنلام
.
.
تريكنا وطلع ابو الشفر كمل شغلو قبل الظهر صار المكان جاهز ومتفقين ورا الظهر توصلنا التيكلة والعصر تجي الحادلة تشتغل بيه تغدينا واجت التيكلة وابو الشفر بس فرشها وبعدها توكلو والعصر اجى ابو الحادلة حدلها ورتبها وبال 10 بالليل كمل شغلو وتوكل اتصلت على المهندس وكلتلو باجر اريد ابلش وراح اجيب بلوك كال الافضل تسوي الاساس صبو كونكريتة تكون افضل واقوى كلتلو لعد هاي تبقى عليك كال ولا يهمك ثاني يزم الصبح اجى خطط الارض حسب الغرف والملحقات ومن خلص كال باجر يبلش النجار والعصر جابو الخشب نزلوه وراحو وثاني يوم من الفجر اجو وبلشو يشتغلون بيه وعالساعة 9 سوينالهم ريوك بس الي استغربت منو رغم الحر بس ما يكعدون حتى الظهر يشتغلون مجرد تغدو ورجعو لشغلهم ورغم انو الي يجون يشتغلون بالبيت احنا نضيفو واكلهم علينا بس ابد ما حسسنا علي ولا ضجنا بالعكس جنا نفرح من يطلبون منا شي لان يعتبر فخر النا من نكرم شخص او نلبي طلبو والحمدلله الاكل الي ننطيه الهم ماراح ينقص منا شي بالعكس يزيدنا فخر ويكبرنا بعيون الناس والكريم دائما رب العالمين يبارك برزقو عكس البخيل شكد ما يجمع فلوس ويحاول يقلل بالمصرف الا ما يجيه يوم ينجبر يصرف الي جمعو كلو او ينباك الي جمعو او يروح بسبب ثاني واكيد ما جمع مال الا عن بخل او طمع والحمدلله لا بخلنا بيوم على احد ولا طمعنا برزق غيرنا بالعكس دائما نحمد الله على الرزق العدنا ونتمنى الخير للبقية تصميم بيت علي جان تصميم خليجي اول ما تدخل للبيت تلاكيك صالة جبيرة الدرج بالوسط وعاليسار مكان للكعدة وعاليمين ممر وبعدو المطبخ وخلف المطبخ الصحيات وبظهر الدرج غرفة وبظهر الصالة الغرفة الثانية ويسار البيت من الخارج موجود الاستقبال وعند الصحيات موجود باب للسرداب ويم الدرج غرفة للمونة طبعا علي جان ناوي يخلي البيت على هذا النظام بس اني جنت ناوي اخليه يكمل طابق ثاني غير السرداب علمود يطلع منظرو احلى فجنت ناوي اخليه بالطابق الثاني يسوي 3 غرف وصحيات وصالة وجان كل غرفة بيها صحيات خاصة بيها اكو بعض ناس يشوفون وجود الصحيات بالغرفة مو مقبول بس بالنسبة الي اشوفو احسن من وجودوها خارج الغرفة لان العائلة اذا جبيرة وواحد منهم يسبح الثاني ما يكدر يسبح وثانيا بالشتاء الواحد يسبح ويطلع لغرفتو فورا بدال ما يطلع بنص البيت بالبرد وما يوصل للغرفة الا هو جامد فهاي تعتبر اختصاص واذا اهل البيت نظيفين فماراح يحسون بوجودهن لان راح دائما ينظفوهن وما تطلع الهن ريحة من حلوة فهذا جان تخطيط البيت من كملو النجارين شغلهم اجت الخباطة وصبو الاساس وبقى الرش على كاضم وشاهين وقتها علي اصر يروح وشكد حاولت وياه ما قبل يكول تأخرنا هواي واخذ عيلتو وراح
.
.
جنى: من كمل الاساس بابا اصر يروح وجنت اني ضايجة بشكل مو طبيعي لان تعودت على وجود ماما وهيثم رغم انو محرومة من مصطفى بس ما حبيت روحتهم ومن راحو جانت الدنيا فجر ودعهم مصطفى ورجع عالغرفة لكاني مطنكرة تمدد وسحبني لحضنو وباسني براسي وهاي اكثر حركة احبها من يسويها
.
.
مصطفى: شبيها بنيتي الحلوة
جنى: تعودت على ماما وهيثم
مصطفى: إن شاء الله من يكملون البيت تشبعين منهم
جنى: وايمتى يخلصون
مصطفى: لو ابوج يقتنع ما يتأخرون
جنى: بشنو يقتنع
مصطفى: يقتنع انو يبيع بيتو الي هناك ويكمل هذا بسرعة او يخليني اني اكملو ومن يصير عندو ينطيني
جنى: اكلك هو مو كل شهر يحول فلوس الاجار
مصطفى: اي وشنو يعني
جنى: اريد بدون ما يدري اساعدو
مصطفى: وهن فلوس الاجار شيجيبلج
جنى: ماعرف
مصطفى: اني منطي كلمة لابوج انو ما اتدخل
جنى: عندي حاليا مليون ونص شيجيبن
مصطفى: هسا سؤال
جنى: وهو
مصطفى: لو انطيج فلوس تحطيهن ويا فلوس الاجار ونساعد ابوج يعتبر كسرت كلمتي
جنى: اي
مصطفى: طيب والحل
جنى: اني اكلك شنو الحل
.
.
كمت من فراشي وهو يباوعلي وجان حاط فلوس بالكنتور طلعت منهن شدة كلتلو ذني الي وطلعت فلوس الاجار جمعتهن كلهن كلتلو هسا كلمتك راح تبقى مثل ما هي رفع حاجبو وكال والله يابة يطلع منج بطول الشبر وتفكرين بافكار خرافية واجى اخذ الفلوس حطهن على صفحة كال عوفج من ابوج وساعديني اني كلتلو بشنو
.
.
مصطفى: اني محترك عليها وهي ملتهية تفكر شلون تساعد ابوها بالبناء كلتلها ساعديني لان عطشان واريد ارتوي منج حطت ايدها حول ركبتي وكالت بدلع وشلون ارويك لفيتها بحضني ورفعتها عن الكاع وكلتلها هيج واخذت منها بوسة واخذتها للسرير كلتلها هيج ترويني ورحنا بعالمنا الخاص وفعليا ارتويت منها وعوضت كل الايام الي ابتعدت عنها بيهن بحيث صارت الساعة 10 واحنا ما ندري معزولين عزل كامل عن العالم الخارجي بعدها اخذنا دوش ونزلنا تريكنا وخابرت ابو المعمل خليتو يجيب الفين بلوكة ورمل وسمنت وجنت كاعد ويا ولد عمامي بالمضيف كلتلهم شباب اريد نصيحتكم مثل ما تعرفون ابو هيثم دا يبني وبنتو عدها فد 14 مليون (جان الدولار وقتها ب 1250 وهي اخذت دفتر يعني 12.5 مليون وويا فلوس الاجار صارن 14 مليون) وتريد تساعد ابوها واني منطيه كلمة ان ما ابنيه بدون علمو فشنو رايكم ومنو عندو طريقة نبنيه
.
.
منير: والله يا مصطفى 14 مليون قليل كلش عالبيت
مصطفى: اني اعرف لهذا اريد رايكم
عمران: وفرلي المواد والعمال والباقي علي
مصطفى: شلون
عمران: اني اكدر ابني بس اريد عمال يساعدوني من ابني
مصطفى: اذا عالعمال حتى اني اصير عامل
ولد عمامي: كلهم كالو واحنا نشارك
عمران: من باجر الصبح كونو جاهزين
مثطفى: خوش
.
.
طبعا من نكعد اني وولد عمامي يسموني مصطفى ولقب الشيخ ما اهتملو لان بيناتنا وهم تقريبا بعمري كضيت اليوم طبيعي باحداث روتينية كلش ثاني يوم من الصبح اجى عمران وجايب وياه غراض البناء ويكول جايبهن من صاحبو واجو ولد عمامي واخواني وحتى اني وياهم وبلشنا شغلنا اول شي رفعنا الاساس بلوكتين فوك الكونكريت اشتغلنا طول النهار بحيث بالليل انتهينا لان الجو حار وما متعودين على هيج شغل وبالنسبة الي رغم جسمي خشن والبلوكة اعتبرها لا شيء بس تعبت تعب ما صاير رجعت بالليل للبيت كوة امشي صعدت لغرفتي واجت وراي جنى حطتلي ملابس بالحمام ودخلت جو الماي بقيت تحت الدوش لحد ما ارتخى جسمي وبعدها لبست ملابسي وطلعت لكيت جنى نازلة ونزلت تعشينا ورحنا للمضيف وكل ما يمر الوقت احس جسمي يتشنج شوية شوية لحد ما خلصت التعلية احس كتوفي صايرات حجر من التشنج وعظلات رجليني نفس الحالة وشكو عضلة بجسمي متشنجة ما صدكت على الله وصلت البيت ورحت فورا للغرفة لكيت جنى منتظرتني تمددت بالسرير وكلتلها دلكيلي جسمي ترا متشنج تشنج مو طبيعي وجنت متممد على بطني بلشت تدلكلي كتوفي بايديها الحلوات وبعدها نزلت على عضلات ايديني واحس لمساتها مثل المرهم الي ينزل لمكان الوجع ويخفيه رجعت انكلبت على ظهري وسحبتها لحضني كلتلها اريد اعرف شمسوي بدنيتي والله رزقني بيج حطت اصبعها على شفايفها على اساس تفكر وكالت تساعد الناس وما ظلمت احد وبار بوالديك وملتزم بصلاتك وصيامك ومن انقذتني الله زرع حبك بكلبي وحبي بكلبك ورغم الظروف خلانا نتجاوزهن كلهن وننجمع وهسا احنا سوا بستها من راسها وبقيت حاضنها لحد ما نمنا سوا وثاني يوم كعدت وهم جسمي متشنج عفت جنى نايمة ونزلت ويا اخواني وكملنا شغلنا وبال 8 تريكنا وكملنا الاساس باليوم الثاني وبقى بس نرشو وندفنو ومثل البداية الرش صار على شاهين وكاضم ثاني يوم العصر بعد ما خلص كاضم رش جنت واكف يم الاساس واجى عمران كل شبيه الحلو صافن كلتلو اتوقع غلطنا
.
.
عمران: بشنو
مصطفى: البيت لازم يكون بيه سرداب والاساس صار مرتفع ومو باقي بس متر واحد ويصير بارتفاع الارض
عمران: عادي
مصطفى: وشلون عادي
عمران: السرداب راح يرتفع مترين عن الارض مو
مصطفى: اي وبهالحالة راح يكون كلش مرتفع
عمران: تدري بيه فكرة هندسية تخبل
مصطفى: شلون
عمران: راح ترفع الحوش والحديقة متر فيبقى بين الحوش والبيت متر عالمتر هذا تخفيه بدرج يمتد من الجهة اليمين للجهة اليسار ويصير واجهة للبيت
مصطفى: منين تجيب هالافكار
عمران: كضيت ايام هواي بالعمالة خلتني اجمع هواي افكار
مصطفى: والله هاي خوش فكرة جنت محتار بيه
عمران: لا تحتار ولا شي
مصطفى: تمام
.
.
........... يتبع
حطولنا لايك وتعليق حلو مثلكم ❤