طيوف الماضي

البارت (52) طيوف الماضي الكاتب #احمد

#طيوف_الماضي
بقلم #احمد
البارت_52
.
.
مصطفى: كملنا التعليلة بشكل طبيعي بس من رحنا ننام جنى كالتلي تذكرت الي صار وياها ببيت اهلها وخايفة وحجيت وياها وطمنتها انو ماكو شي وذاك ماضي وراح
.
.
وثاني يوم تريكت واتصلت على مدير تربية العمارة وكال اعذرني نسيتك البارحة كلتلو عادي ماصار شي كال تكدر هسا تروح تسجلها انطيتهم معلومات زوجتك ووصل قبولها للتربية
.
.
تشكرت منو ورحت للتربية وجان نفس الموضف موجود سلمت عليه وفورا كلي المدير يريدك وشلون اريد اطلع من الغرفة صاحني وانداريت عليه كلي منو وراك
.
.
مصطفى: انداريت وراي وحجيت باستهزاء .. منو وراي
الموظف: اقصد منو داعمك
مصطفى: محد داعمني بس اعرف اتصرف
.
.
الموظف: واذا محد داعمك يجي قبول زوجتك من الوزارة
مصطفى: توقعو يجي من رئيس الوزراء هم
الموظف: تمام
.
.
مصطفى: عفتو ومشيت رحت للمدير سلمت ودخلت كعدت رحب بي ومبين عليه خوش انسان رغم مدير مو موظف عادي بس متواضع وماعندو اي تكبر عالمقابل
.
.
المدير: البارحة تعرفنا بشكل مو حلو
مصطفى: مو مشكلة المهم محد تأذة
المدير: انت تعرف ان قبول زوجتك اجى من الوزارة نفسها
.
.
مصطفى: اعرف انو اجى قبولها بس منين طلع بالضبط ماجنت اعرف قبل ما اجي هنا
المدير: السؤال شلون كدرت تحصل قبولها من الوزارة
.
.
مصطفى: عندي معارف لان مثل ما كلتلك شيخ عشيرة
المدير: والنعم منك ومن عشيرتك
مصطفى: والنعم من اصلك
.
.
المدير: واكدر اعرف منو الشخص الي حصلك القبول
مصطفى: والله هذا السؤال تعذرني بيه لان مو مخول احجي بيه لذلك ماكدر اجاوب عليه
.
.
المدير: ماكو اي مشكلة وتفضل هذا الفايل كامل
مصطفى: بس اني اريد انقلها للعمارة
.
.
المدير: وصلنا امر تسجيلها ونقلها وكملنا كلشي والمعلومات تأكد منها قبل ما تروح علمود اذا بيها خطأ نصححو الك وتدلل شيخ مصطفى
مصطفى: ما يتدلل عليك ظالم .. تأكدت منهن كلشي تمام
.
.
تشكرت منو وطلعت كلت يلعن ابو الواسطة شكد مريحة ومكرود الماعندو واسطة بس الصراحة اني لولا المشكلة الي صارت جان ما دورت واسطة
.
.
بس صدك شلون سوولها نقل عالعمارة رجعت اتصلت على مدير تربية العمارة تشكرت منو وسألتو عالنقل كال هو انت كايلي عالنقل اول ما اتصلت كلتلو ماتذكر والله
.
.
كال بلى كلتلي اريد اسجلها وانقلها ليش خوما صارت عندك مشكلة كلتلو لا والله بس شفت النقل واستغربت على كل حال مشكور منك كلشي وجزاك الله خير وسكرت منو ورجعت للبيت فاول ما دخلت بشرت جنى واهلها
.
.
علي: كفو والله
مصطفى: شعبالك لعد نسيبك دولة
علي: صدك شنو هاي ابو هيثم
.
.
مصطفى: باستغراب .. شنو
علي: من اليوم اذا ماتكول عمي ما تروح وياك جناوي
جنى: بابا اني اكلك عمي بس المهم ما تحرمني منو
.
.
علي: هههههههههه غفه ولج بسرعة بعتيني
رؤى: من لكى احبابو نسى اصحابو
مصطفى: والله ما تنلام غير تحبني
.
.
جنى: هو كم مصطفى عندي هو واحد
مصطفى: اروحن فدوة لمريتي
رؤى: بضحكة .. شوف شوف الوكاحة تغازل رجلها كدامنا
.
.
مصطفى: ام هيثم ما تتذكرين علي شصار بيه من بقيتي ويا جنى بالعرس
علي: اي والله شوية وابجي
.
.
مصطفى: ههههههههههه لعد تلوم جنى
علي: لا يابة الله يلوم الي يلومها
مصطفى: المهم جناوي حظري نفسج باجر نروح إن شاء الله
.
.
جنى: تمام
علي: شعندكم مستعجلين
.
.
مصطفى: والله يا ابو هيثم من قبل ما نجيكم عمامي عزموني بس اجلتها علمودكم ونجيكم إن شاء الله
علي: لعد على راحتكم
.
.
جنى: راحت جنى حظرت كتبها والاشياء الي تاخذهن وياها وكملنا اليوم طبيعي ويا اهلها ثاني يوم الفجر تريكنا وودعنا اهلها وتوكلنا اني وجنى
.
.
ويا المغرب وصلنا البيت بس تعبانين كلش سلمنا عليهم وتعشينا ونمنا كعدت ثاني يوم تريكت ورحت للتربية مالت العمارة سلمتهم الفايل مال النقل علمود تتسجل يمهم وكملتلها
.
.
ومريت للمدير سلمت عليه وتشكرت منو عالي سواه وبال 10 رجعت للبيت وامي كالت عمك من سمع بيك رجعت انت وجنى سوالكم غدا اليوم كلتلها تمام
.
.
ورحت للغرفة وطلعت جنى من الحمام وجها احمر ومنظرها يضحك وحطتلي ملابس ودخلت سبحت ومن طلعت لكيتها كاعدة كدام المراية وتحط مكياج وصرت وراها ومديت ايدي كدامها دا البس ساعتي
.
.
جنى: يعني من كل هالغرفة الا تلبس ساعتك هنا
مصطفى: غير البسها براحتي
جنى: واني شدخلني
.
.
مصطفى: انتي راحتي
جنى: انداريت عليه .. ومنو يكول اني راحتك
مصطفى: اني اكول
.
.
جنى: انت تجاملني
مصطفى: لعد شجابرني البس ساعتي يمج
جنى: امممممم اثبتلي بغير طريقة
.
.
مصطفى: شلتها بحضني اخذتها للسرير
جنى: لا لا فدوة والله صدكت
مصطفى: لا لازم اثبتلج
.
.
جنى: هههههه لا والله صدكت امزح وياك
مصطفى: هالمرة العزيمة شفعتلج لان راح نتأخر بس مرة ثانية لو يعزمنا جدي ما تخلصين مني
.
.
جنى: هاي هي توبة بعد
مصطفى: ليش اني احبج هالكد
جنى: لان اني اعشقك
.
.
مصطفى: ليش اني هايم بيج
جنى: لان اني اموت بيك
مصطفى: بوياي موش مرة حلغوم
.
.
جنى: ههههههه ابو الحلغزم راح نتأخر
مصطفى: خلي نبقى هنا مانريد العزيمة
جنى: لا عيب منهم لازم نروح
.
.
مصطفى: تمام يا بطة
جنى: ههههههه صرت بطة
مصطفى: واحلى بطة هم
جنى: تمام يا روح البطة انت
.
.
بعد عني وكملت مكياجي بس حطيت مكياج خفيف وهو لبس ملابسو وجانو عازمين البيت كلو لهذا رحت ويا الحجية والبنات والجناين هم احسن الي لان ما متعودة عليهم