طيوف الماضي

البارت(15) طيوف_الماضي الكاتب#احمد

تصويت ومتابعه لحتى توصلكم باقي البارتات والقصص ❤😁
#طيوف_الماضي
بقلم #احمد
البارت_15
.
.
نفض نفسو بقوة من البنات ورفعني من شعري بقوة واول ما وكفت على حيلي دفرني بصدري وصرت بين رجلو والحايط وصار الضغط كلو على صدري وصوت الضلع من انكسر وصل لاذني
.
.
بس جان الوجع ما ينوصف صرخت صرخة بحياتي ما صرخت مثلها من الوجع وقبل ما ينقطع صوتي فقدت الوعي ومادري شصار بعد
.
.
كعدت لكيت نفسي بغرفة سيف ويمي دكتورة دا تشكلي مغذي جان وجع صدري مو طبيعي وكوة اتنفس كالتلي حطيتلج مسكن بالمغذي علمود يروح الوجع
.
.
ولا تتحركين زيادة لحد ما يلتأم الكسر وعافتني وراحت دموعي نزلت من الوجع والذلة الي حسيت بيها شوية وبدا مفعول المسكن ودخل علي
.
.
علي: الحمدلله عالسلامة
جنى: باوعتلو صفح .. هو انتم هم تعرفون الله
علي: ليش اكو واحد ما يعرف الله
.
.
جنى: اي انتم
علي: جان اكو درج صغر للمراية كعد عليه .. سؤال
جنى: شنو
.
.
علي: من اجيتي لهنا اذيتج
جنى: لا
علي: شفتي مني شي مو زين
.
.
جنى: لا
علي: لعد ليش تتهميني
جنى: لان لو بيك خير جان ساعدت خواتك
.
.
علي: وانتي مفكرة الموضوع بهاي السهولة
جنى: اي مو انت رجال
علي: جنى ترا اني مثلج ومثل خواتي مو راضي بالوضع
جنى: باستغراب .. شلون يعني
.
.
علي: يعني مو عاجبني اعيش هنا بس لا اكدر اخذ خواتي كلهن مرة وحدة وانهزم ولا اكدر اعوف منهن ولا وحدة لان من انهزم بالبقية راح يقتلوهن وهذا ابسط شي يسووه
.
.
جنى: ومن حطيت عينك علي شنو معناها
علي: ترا ما جنت حاط عيني عليج جنت اريد احميج منهم لان ادري راح يصير بيج هيج
.
.
جنى: ليش مو كادرة اصدكك
علي: ماعرف بس هاي الحقيقة
جنى: ساعدني انهزم منا اذا صدك
.
.
علي: واذا لزموج تعرفين شراح يصير
جنى: اذا لزموني اقتلني بنفسك قبل ما اتعذب
علي: اني مو قاتل جنى ممكن اسوي اي شي بس ما اقتل
.
.
جنى: انت دا تقتل خواتك لان تاركهن هنا
علي: اعرف هالشي بس ماكدر اخذهن واعرضهن للخطر
جنى: اي مو كلش امان هنا
.
.
علي: عالقليلة اكدر ادافع عنهن هنا
جنى: اي مبين كلش
.
.
علي: ترا بحياتي ما ضربت وحدة منهن ولعلمج ميلاد من ضربت سيف ترا اني جنت ماسكو وشفتها قبل ما تضربو ومن ضربتو خليتهم يتركوها بحجة نساعد سيف
.
.
جنى: بقيت ساكتة لان ماعرف شجاوب
علي: وازيدج من الشعر بيت من اخذنا سيف للمستشفى ليش رجعت لحالي حسب رايج
.
.
جنى: شعرفني اني
علي: رجعت قبل ما يرجعون ابوي واخواني علمود اتأكد اذا يكدرون يأذون البنات لو لا من يرجعون
.
.
جنى: اثبتلي كلامج وهزمني منا واني اقدم بلاغ للشرطة
علي: بهالحالة راح يسجنون خواتي لحد ما يتأكدون انهن ما شاركن باعمال الدعارة وتعرفين الدولة خلكها طويل وماعرف بالسجن شيصير وياهن
.
.
جنى: يعني من الاخر ماكو مهرب
علي: تأكد ان ماكو احد خارج الغرفة .. بلى اكو
جنى: شلون
.
.
علي: راح اطلعج لحالج من المنطقة بس بشرط
جنى: وهو
علي: من تطلعين تنسين هذا المكان وتنسين شكو شخص موجود بالبيت هذا والاهم تنسين خواتي
.
.
جنى: ليش انساهن
علي: لان هاي الطريقة الوحيدة الي اكدر اساعدهن بيها
جنى: تمام
علي: هسا طيبي وبعدها نحجي
.
.
جنى: من كال هيج رجعلي الامل كلت لعد من اطيب اخليه يثبتلي كلامو ويساعدني بس فعلا من اجيت لهنا ما شفتو ضرب لو سب وحدة من خواتو
.
.
ومن تزوجت سيف هو الوحيد الي ما يباوعلي عدا اخوانو وابوه سواء نظرة سيئة ولا عادية يجوز اني ظلمتو وما ادري بنفسي بس إن شاء الله يكون هيج
.
.
مرت الايام ببطئ ملل سيف ما اشوفو بس وقت النوم يجي مثل الحمار ينمطل وما يكوم لثاني يوم وحتى اعتذار ماكو كأنو اني الي غلطت بحقو
.
.
وجان من يريد يسكر تجي ميلاد يمي وتقفل الباب علمود ما يكدر يدخل ومو علمودي بس علمود ما اتأذة ويصرف علي فلوس
.
.
الاكل جنت اكل بس الشوربة وكل يوم او يومين اخذ مغذي علمود ما اكل شي دسم علي من حجى وياي ما شفتو وماعرف جان صادق بكلامو ان يطلعني من هالمكان لو لا
.
.
بقيت مدة شهر بعدها تحسن وضعي بس هالشهر جان مجرد راحة ولان مكسورة محد يحاجيني لو يضربني بعدها كمت اكدر اروح وارجع
.
.
ومن اتحرك احس بوجع بس مو قوي وحركتي دائما بطيئة علمود نفسي يبقى بطيئ وهم جسمي ما يتحرك هواي واحس بوجع الكسر
.
.
سيف رجع مثل قبل بالليل يرجع للبيت مايدري بالدنيا وسكران ومرات يجيب مشروب بالبيت وحسب المزاج جان مرات يضربني بسبب وبدون سبب
.
.
واكثر المرات اني ارادد وما اسكت بس رغم هذا ما اكول الو حق يضربني بالعكس لو بيدي ادفنو بمكاني جان كل يوم يمر اشبه بالف سنة واريد بس اشوف علي لو اكدر احجي وياه ماكو
.
.
واعرف انو بالبيت بس دائما يكون ويا ابوه لو بغرفتو وماكدر اروح لغرفتو لان اذا يشوفوني عندو ولحالنا يقتلني سيف وشكد ما يضربني وشكد ما انحبست صارت عندي عقدة
.
.
خواتو لان من انولدن بهذا المكان تقريبا شبه تأقلمن عالوضع بس اني اول مرة اعيش بهيج مكان نكس فماجنت اكدر اتحمل
.
.
صرت انعزالية حتى ميلاد ما احجي وياها مثل قبل اكثر وقتي بالغرفة بس اطلع اطبخ واكل وبعدها فورا للغرفة
.
.
اكثر من مرة حاولت انتحر بس ماجانت عندي الشجاعة وبنفس الوقت جنت اخاف من ربي لان الانتحار حرام واني خسرت الدنيا ليش اخسر الاخرة هم خلي اتحمل وإن شاء الله ينكتبلي اجر مقابل صبري
.
.
من اجى الشتاء جان الاب عندو قرار تشتغل صوبة وحدة بالصالة ووقت الطبخ تتشغل وحدة بالمطبخ وغيرهن ماكو لا بغرفة ولا غيرها
.