طيوف الماضي

البارت(23) طيوف_الماضي الكاتب#احمد

تصويت ومتابعه لحتى توصلكم باقي البارتات والقصص❤
#طيوف_الماضي
بقلك #احمد
البارت_23
.
.
مصطفى: جابتلي الغدا اماني تغديت وكملت وطلعت رحت للمضيف وتناقشنا ويا عمامي بالكعدة مالت الصبح وبكعدة باجر كلتلهم باجر اخليهم يندمون
.
.
وكملنا اليوم بروتين طبيعي وكلت من يفتح التسجيل الخارجي اسجل جنى واخليها تكمل دراستها بلكي تفيدها بحياتها بدال ما تبقى هيج لا دراسة ولا تخرج
.
.
ثاني يوم مثل البارحة كعدت اخواني وقبل ما اطلع رحت لغرفة جنى جانت نايمة كعدت يم راسها ومديت ايدها وحركت اصبعي على خدها
.
.
جانت نايمة مثل الطفل وملامحها مليانة برائة وشكلها وهي نايمة كلش حلو تركتها نايمة وطلعت بسرعة علمود لا تكعد واخذت عمامي وشاهين وتوكلنا
.
.
وصلنا مضيف الشيخ اسماعيل ورحبو بينا وورانا بشوية اجو العشيرة الثانية بس شيخهم وجهو احمر من الفشلة وما يدري شيسوي يعني فعليا حط نفسو بموقف ابد مو حلو رحب بيهم الشيخ اسماعيل وكعدو
.
.
اسماعيل: شيخ برزان ممكن اعرف شنو السبب الي حاولت تقتل ضيفة الشيخ مصطفى علمودو
برزان: بقى ساكت مايعرف شيحجي

اخوه: لان الشيخ مصطفى ظلمنا من حكم بينا احنا وغير عشيرة قبل سنة تقريبا
اسماعيل: شلون ظلمكم
.
.
اخوه: احنا طلبنا 500 مليون فصل وهو قرر من عندو 450 مليون وهو ما الو حق يقرر هيج
اسماعيل: وهذا السبب يخليكم تقتلون بنت بريئة
.
.
اخوه: اني ما جنت اعرف بالي سواه برزان واعترف ان الي صار جان غلط جبير منو
اسماعيل: وهسا شراح يصير
.
.
اخوه: شتقررون احنا موافقين
اسماعيل: القرار للشيخ مصطفى
مصطفى: 500 مليون ويطلعون من العمارة
.
.
اخوه: ننطيك 450 مليون مثل ما قررت بس ما نطلع من العمارة ونترك بيوتنا واملاكنا
.
.
مصطفى: كلكم تعرفون ان الفلوس للبنت لان حاولتو تقتلوها وحقي هو طلعتكم لان ممكن باي يوم تغدرون بي مرة ثانية مثل ما سويتوها هالمرة
اسماعيل: اني ويا قرار الشيخ مصطفى
.
.
مصطفى: حاولو يغيرون قراري وما غيرتو لحد ما ملو والشيخ اسماعيل كال باجر توصلك الفلوس وترخصت منو وكالي عالغدا واعتذرت منو
.
.
وكلتلو لازم اخذ دكتورة علمود ضماد المريضة وخيرك سابق ورجعنا بالطريق اني وشاهين طلعنا بطريق وعمامي رجعو للبيت من غير طريق
.
.
ووصيتهم محد يجيب طاري الفلوس مالت الفصل بالوقت الحالي ورحت جبت دكتورة ورجعت للبيت جان اكو نسوان عند جنى خليتها تدخل للبيت ورحت اني وشاهين للمضيف
.
.
جنى: كعدت الصبح لكيت الحجية يمي جان يمي كلينكس مرطب من اول ما اجيت ومن اكعد من النوم او اريد اكل امسح ايديني ووجهي بيه علمود يتعقمن
.
.
شوية وجابن الريوك وبعد الريوك بنص ساعة اجن نسوان عمام مصطفى يسلمن علي ويتحمدلي بالسلامة وبقن ساعة وراحن واجن غيرهن وقبل الظهر اجت دكتورة
.
.
عقمتلي الجرح ورجعت ضمدتو بس ما خلصت الا اني طالعة روحي من الوجع لان بدون بنج او مخدر نظفتو
.
.
ومن خلصت اخذها شاهين وداها وراحن النسوان الي جانن موجودات وكملنا اليوم بروتين طبيعي واسراء وامها ما اجن بالليل اجى مصطفى كعد يمي
.
.
مصطفى: شلون صرتي
جنى: الحمدلله وانت
مصطفى: اذا انتي بخير اني بخير
.
.
جنى: شصار وياكم اليوم
مصطفى: اخذنا حقج وحقنا
جنى: شلون يعني
.
.
مصطفى: راح يطلعون من العمارة العشيرتين
جنى: وشلون اقتنعو
مصطفى: غصب عنهم مو بكيفهم
.
.
جنى: احسن هيج
مصطفى: توجعتي اليوم بتغيير الضماد
جنى: اي والله كلش يوجع
.
.
مصطفى: بس اول مرة يوجع بالايام الجاية يصير اخف
جنى: انت شلون صار جرح ايدك
مصطفى: الحمدلله احسن وهسا هم راح اغير الضماد
.
.
جنى: ياريت اكدر اغير الضماد مثلك
مصطفى: ليش
جنى: جان غيرت الضماد بنفسي
.
.
مصطفى: اني ماراح اغير الضماد لنفسي
جنى: لعد
مصطفى: كاضم او شاهين راح يساعدوني
.
.
جنى: عبالي انت تغيرو لنفسك
مصطفى: لا ماكدر لحالي
جنى: تمام .. ممكن اسألك سؤال اذا ما مستعجل
.
.
مصطفى: شنو
جنى: من اتشافى ارجع الزم عدة من جديد
مصطفى: ماعرف لازم نسأل الشيخ ونعرف
.
.
جنى: تمام
مصطفى: يلا تصبحين على خير
جنى: وانت بالف خير
.
.
راح نام هو واني هم نعست ونمت كعدت ثاني يوم ماكو احد بالغرفة وانتظرت لحد ما اجن الحجية والبنات وجايبات الريوك وياهن كعدنا تريكا وبال 10 اجن اسراء وامها وكعدن يمي واجت اماني ساعدتني علمود ارفع جسمي واشرب ماي
.
.
اسراء: ما تشرب هي ليش تساعديها
اماني: غير ارفع جسمها علمود تكدر تبلع الماي
اسراء: هو ماي
.
.
اماني: مو بكيفي هاي اوامر مصطفى
اسراء: مصطفى شدخلو بالموضوع
اماني: غير يعصب اذا ما اساعدها
.
.
اسراء: وليش يعصب
اماني: من تصوبت جنى وهو طاير بيها ويسوي كلشي علمود تكون مرتاحة وما تتعب
.
.
جنى: صارت تحجي عن تعامل مصطفى وياي واهتمامو بي واسراء وامها صارن وجوهن حمر ويريدن ياكلني بعيونهن وبال 11 راحن
.
.
وشكد حاولت وياهن الحجية علمود يتغدن يمنا وما وافقن ابد ويكولن ابو اسراء ينتظرنا ولازم نروح نسويلو غدا قبل ما يتأخر الوقت علينا وورا ما طلعن طب مصطفى ووياه جنطة حطها كدامي وكلي هذا حقج
.
.
مصطفى: كعدت الصبح تريكت وطلعت للمضيف واجى الشيخ اسماعيل سلمني المبلغ مال الفصل وراح ومن راحن اسراء وامها رحت وديت الفلوس لجنى
.
.
جنى: شنو هاي الجنطة
مصطفى: فتحتها وفريتها عليها
جنى: منيلي كل هالفلوس اني
.
.
مصطفى: هذا الفصل الي اخذناه علمودج
جنى: ترا عقلي عقل دجاجة وما يجمع فهمني شنو ذني الفلوس وشلون صارن الي
.
.
مصطفى: ذني اخذناهن من الي حاولو يقتلوج لان سوو بيج هيج وهاي تعتبر عقوبة الهم
جنى: وهاي حلال الفلوس
.
.
مصطفى: اي لان تعتبر فدية للصلح
جنى: بس ذني هواي واني مو بحاجتهن
مصطفى: اذا تريدين اشتريلج بيهن قطعة ارض واسجلها باسمج وتستفادين منها
.
.
جنى: بكيفك
مصطفى: لعد توكلنا على الله
جنى: بس نسيت شغلة انت
.
.
مصطفى: شنو
جنى: هوية ماعندي
مصطفى: لعد شلون من رفعة دعوة طلاق
.
.
جنى: انت كملتها بدون هوية ويا صاحبك
مصطفى: سهلة سهلة المهم طيبي هسا والله كريم
جنى: عمي مارجع للعراق
.
.
مصطفى: لا لحد الان
جنى: من اطيب اريد ازور اهلي
مصطفى: إن شاء الله
.
.
جنى مرت ايام وبدت صحتي تتحسن ومصطفى واهلي مداريني مثل الماي بالصينية وشنو احتاج لو اطلب منهم يجي لعندي بدون ما اتعب نفسي
.
.
بديت امشي شوية بمساعدة اماني وهنادي الجرح التأم بس لان اصابة قوية احتاج وقت لحد ما اكدر امشي مثل قبل من صارت امتحانات الدور الثاني امتحنن اماني وهنادي
.
.
وجان مصطفى ياخذهن ويرجعهن والحمدلله خلصن على خير وما صارت وياهن مشكلة وبعدها بمدة قصيرة طلعت النتائج ونجحن بمعدل 97 وجانت فرحتهن لا توصف
.
.
بحيث كامن يبجن من الفرح واني فرحت على فرحتهن وقدملهن مصطفى بكلية الطب وبعد مرور شهرين على اصابي رجعت لغرفتي وكمت اكدر اتحرك مثل قبل
.
.
مرات احس بنغزات خفيفة ببطني بس شوية وتروح وجنت مقررة الزم عدة مرة ثانية بس منتظرة مصطفى يسأل الشيخ علمود اعرف ارجع الزم عدة من البداية لو لا
.
.
مصطفى: بعد ما تشافت جنى رحت للشيخ الي رحتلو اول مرة من شافني كال الله جابك صار هواي ادور عليك ودخلني داخل وكعد يحجي وياي
.
.
الشيخ: اني خطأت جدا ذيج المرة
مصطفى: ليش
الشيخ: البنت ما متقرب منها زوجها ابد مو
.
.
مصطفى: اي صح
الشيخ: اني عبالي متقرب منها بس قبل الزواج مبتعد وبعد مارحت انت انتبهت لنفسي وعرفت خطأي
.
.
مصطفى: وهسا شنو
الشيخ: البنت ما عليها عدة
مصطفى: اكيد
.
.
الشيخ: اي اكيد بس اني جنت متوهم
مصطفى: الحمدلله
الشيخ: وهسا احجيلي شنو سبب زيارتك
.
.
مصطفى: علمود نفس الموضوع
الشيخ: ليش شبيه الموضوع
مصطفى: البنت تصوبت بطلقة وتعرف تحقيق ومستشفى ودكاترة يعني شافوها غربة وحجو وياها
.
.
الشيخ: إن شاء الله هي بخير هسا
مصطفى: اي الحمدلله بخير
الشيخ: الحمدلله على سلامتها
.
د
مصطفى: الله يسلمك ويعافيك
الشيخ: خلص من اليوم تكدر ترتاح من الموضوع والبنت ما عليها عدة واني اسف لان اخطأت
.
.
مصطفى: الله يسامحك ويسامحنا وجل من لا يخطئ
الشيخ: آمين
مصطفى: اني اترخص هسا لازم اروح
الشيخ: مرخوص والله يحفظك
.
.
مصطفى: تشكرت منو وطلعت بس الصراحة من شفت كلامو هيج ما اقتنعت ورحت على غير شيخ وكال ما عليها عدة البنت ومذكور بالقرأن
.
.
يَا أَيُّهَا الَّذِينَ آمَنُوا إِذَا نَكَحْتُمُ الْمُؤْمِنَاتِ ثُمَّ طَلَّقْتُمُوهُنَّ مِن قَبْلِ أَن تَمَسُّوهُنَّ فَمَا لَكُمْ عَلَيْهِنَّ مِنْ عِدَّةٍ تَعْتَدُّونَهَا ۖ فَمَتِّعُوهُنَّ وَسَرِّحُوهُنَّ سَرَاحًا جَمِيلًا (49) {سورة الاحزاب الاية 49}
.
.
وحسب هاي الاية تتأكد ان البنت ماعليها عدة والزوج ينطيها شي من اموالو جبر لخاطرها ويخلي سبيلها مع الستر الجميل بدون عدة
.
.
تشكرت منو ورجعت للبيت من وصلت صعدت لغرفتها فورا دكيت الباب وفتحتلي هي جانت لابسة ملابس عادية بس مدري ليش اني اشوفها حلوة زيادة عن اللازم
.
.
جنى: شصار وياك
مصطفى: ما عليج عدة
جنى: شلون يعني
.
.
مصطفى: طلع الشيخ متوهم وما عليج عدة
جنى: وليش ما علي عدة
مصطفى: هاي تفهمج عليها امي بس جيتج بموضوع اخر
.
.
جنى: شنو هو
مصطفى: باجر راح نروح اني وياج
جنى: وين نروح
.
.
مصطفى: اكو ارض مساحتها حلوة وموقعها بعد احلى
جنى: تريد تشتريها
مصطفى: اي ولازم تجين تشوفيها
.
.
جنى: اني موافقة بدون ما اروح
مصطفى: مايصير يجوز ما تعجبج انتي
جنى: ماطول عاجبتك معناها تعجبني
.
.
مصطفى: ما اخذها قبل ما تشوفيها وبدون عناد
جنى: تمام لعد مثل ما تريد
هنادي: يلا تعالو تعشو
.
.
مصطفى: يلا جايين
جنى: يلا هسا انزل اني
مصطفى: تمام .. وتركتها ونزلت
.
.
جنى: ماعرف شعندو اصر على روحتي بس صدك ابن حلال ما يريد يشتريها بدون ما اشوفها بس علمود اذا ما عجبتني ما ياخذها الله يحفظو ويطول بعمرو
.
.
نزلت تحت تعشيت ويا البنات وبعد العشى راحو مصطفى واخوانو للمضيف واني رحت عالحجية علمود اعرف ليش ما الزم عدة
.
.
الحجية: هلا بنيتي
جنى: مصطفى كال ما الزم عدة
الحجية: اي يمة صحيح كلامو
.