طيوف الماضي

البارت(33) طيوف الماضي الكاتب#احمد

تصويت ومتابعه لحتى توصلكم باقي البارتات والقصص❤

#طيوف_الماضي
بقلم #احمد
البارت_33
.
.
جنى: كلتلها ماما هو كالي ضايج مني وزعلان فدوة ماما شسوي ما اريدو يزعل مني كالت اسكتي هسا لا يجي ابوج ويسمعج كلتلها خلي يسمعني اني حيوانة زعلتهم ثنينهم
.
.
بقت عمتي يمي كاعدة وتمسح على راسي من هدات شوية رفعت راسي وباستني من راسي كالتلي ابوج مو زعلان منج ومصطفى دا يكلج هيج لان معصب
.
.
اني متأكدة هو مو زعلان ومستحيل يزعل منج بس يجوز صاير وياه شي مضوجو وحجى هيج وماكو شي ما الو حل واولها واخرها مصطفى راح يرجع يرضى وهسا نامي وارتاحي
.
.
تغطيت بفراشي وعافتني وراحت ولزمتني الشهكة ومن القهر ما ارتاحيت بنومتي طول الليل اتكلب وافز وارجع انام
.
.
مصطفى: جنت كاعد بالمضيف واجاني اتصال من جنى وطلعت خارج المضيف ومن حجت وياي حبيت اضوجها شوية بس ما توقعت ردة فعلها هيج
.
.
صحتها بالتيلفون اريدها ترد ماكو سمعت صوت عمتها يمها وهي تبجي بحركة لان كلتلها زعلان منها وكمت اسب نفسي علمودها واريدها بس تنتبه للتيلفون ماكو
.
.
وكل ما تشهك احسها تسحب روحي بشهكتها بقت شوية ويا عمتها وبعدين اسمع عمتها كالتلها نامي وصارت الغرفة هدوء وماكو بس صوت شهكاتها
.
.
رجعت لغرفتي ضايج وطالعة الدنيا من عيني واني اسمع صوت شهكاتها احس نفسي اختنكت ومن حركة كلبي ما حسيت الا اني ضارب المراية مفلشها وايدي انجرحت
.
.
شوية واجت اماني شافت المراية مكسورة وايدي كلهم دم اشرتلها تطلع وراحت شوية واجى كاضم وهو خايف دخل علي
.
.
كاضم: شبيك مصطفى
مصطفى: ماكو شي اطلع
كاضم: شو انطيني ايدك اشوفها
.
.
مصطفى: دا اكلك مابيها شي عوفني لحالي
كاضم: اقسم بالله ماعوفك شو خليني اشوف ايدك خاف داخل بيها كزاز وتلتهب
.
.
مصطفى: سحب ايدي وتأكد ان مابيها كزاز ناعم وجاب كطن ونظفها وضمدها والاتصال فصل لان مابقى عدها رصيد واني لحد ما فصل الاتصال حاط التيلفون على اذني واسمع شهكاتها وروحي تحترك ويا كل شهكة
.
.
كاضم: فهمني هسا ليش سويت هيج
مصطفى: كاضم روحي طالعة ومالي خلك احجي
كاضم: بس فهمني اني اخوك
.
.
مصطفى: باجر احجيلك
كاضم: لا باجر ولا شي كوم خلي تجي اماني تنظف الغرفة وانت تحجيلي الي صار
.
.
مصطفى: جنت اريد ارفض بس اني محتاج شخص احجلو الي بكلبي بلكي ارتاح كمت وياه نزلنا تحت جانت امي خايفة علي كاللها كاضم ماكو شي
.
.
وقبل ما نطلع راح لايمان وكاللها علمود تنظف الغرفة ومن طلعنا اخذ السويج هو وطلعنا للعمارة كعدنا بحديقة عامة وراح جابلنا عصير وجرزات
.
.
كاضم: هسا صرفت عليك 5000 احجيلي
مصطفى: باوعتلو باستهزاء
كاضم: يلا يلا احجيلي
.
.
مصطفى: منين ابلش
كاضم: اولا ليش جنت معصب
مصطفى: لان جنى جانت تبجي
.
.
كاضم: ليش تبجي
مصطفى: اني زعلتها
كاضم: احجيلي الموضوع كامل
.
.
مصطفى: حجيتلو من البداية للنهاية
كاضم: ليش كلتلها هيج اذا مو زعلان عليها
مصطفى: ما توقعت ردة فعلها وجنت اشاقيها
.
.
كاضم: طيب اعتبرني غبي وجاوبني تحبها لو لا
مصطفى: اي والله سؤالك غبي تعرفني من زمان احبها
كاضم: ليش ما تخطبها وتريح نفسك
.
.
مصطفى: خايف
كاضم: افه انت خايف
.
.
مصطفى: خايف انو ما تتقبل عاداتنا وتقاليدنا خايف انو احد يذكرها بماضيها الي انجبرت تعيشو خايف اظلمها بعد ما امنت بي وكدرت ارجعها لعمها واساعدها
.
.
كاضم: هي مو عاشت يمنا مدة طويلة
مصطفى: يا مدة طويلة هي فترة صغيرة
كاضم: اقصد مدة كافية انو تعرفها تكدر تعيش ويانا لو لا
.
.
مصطفى: اي بهالحالة وياك حق
كاضم: شفتها تقيدت لو نظام حياتها يختلف عن نظامنا
مصطفى: لا مثلنا
.
.
كاضم: لعد اخطبها وانهي الموضوع
مصطفى: من اتزوجها كل هالكلام راح يختلف
كاضم: شلون راح يختلف
.
.
مصطفى: راح كل الاضواء تتسلط عليها لان زوجة الشيخ اي غلطة صغيرة راح يمسكوها عليها ويحاولون يزعجوها بيها وانت تعرف اكو ناس بعشيرتنا شنو من اخلاق عدها
.
.
كاضم: ارجع واكلك انت شيخ واي واحد يحجي بحقك تكدر تفرك حلكو بالكاع ومن اول ما تخطبها انطيهم خبر اي واحد يجيب سيرتها بكلام مو زين تتبرى منو
.
.
مصطفى: الامور ما تنحل هيج
كاضم: ليش ما تنحل هيج
مصطفى: اني لازم احافظ عالعشيرة مو افرقها علمودي
.
.
كاضم: الي ما يحترم الشيخ طز بيه
مصطفى: افهمني هالشي ماكدر اسويه
كاضم: والحل
.
.
مصطفى: ما اعرف دا افكر بيها
كاضم: اسمع مني وما تخسر شي
مصطفى: كلتلك ما اكدر ياهو الحجى كلمة اتبرى منو
.
.
كاضم: محد راح يحجي اصلا من تكول هيج انت هم راح يخافون وما يكدرون يحجي
مصطفى: إن شاء الله
.
.
كاضم: خابرها هسا راضيها
مصطفى: خليها نايمة باجر اخابرها
كاضم: براحتك يلا خلينا نروح صرفت عليك 5 من ورا سوالف المراهقين الي ما تتركها
.
.
مصطفى: راح تذلني من ورا هال 5 انت
كاضم: ههههههه راح انصبلها عزا بالبيت
مصطفى: دمسك بس فكني من مذلتك
.
.
كاضم: باع هذا درجعهن لا ابتلي بيك
مصطفى: شو طولان لسانك
كاضم: غير علمود اكدر احجي وياك
.
.
مصطفى: يا ساقط شنو شايفني ولك
كاضم: انت اذا ما تترزل ما يفيد بيك
مصطفى: خلي نوصل البيت واني اعلمك
.
.
ضحك وركب السيارة وساق هو رجعنا للبيت وحجينا شوية بالطريق من وصلنا البيت شو اول ما نزلنا هو انهزم وتذكرت اني هددتو وهو بقت ببالو السالفة
.
.
صعدت لغرفتي اماني منظفة الكزاز الي متكسر اخذتلي ملابس ودخلت للحمام بقيت تحت الدوش وافكر بيها لحد ما حسيت ببرودة الماي وطلعت
.
.
حاولت انام ماكدر تفكيري كلو بيها ولحد الان تتردد باذاني صوت شهكتها وروحي محتركة عليها بقيت لصلاة الفجر كاعد من صليت نعست كلش ونمت كعدت الساعة 10 من شفت الساعة فورا اتصلت عليها
.
.
جنى: كعدت ثاني يوم من وقت بس مالي خلك وبس واحد يكلي بخ ابجي من القهر جهزت الريوك واجت عمتي سألتني كلتلها عادي خلي يزعل اني مدخلني
.
.
جنت احجي هيج بس كلبي محترك من داخل اجى عمي تريكنا كلنا وبعدها رحت لغرفتي وبلشت دراسة بس مو كادرة اركز ادرس وبالي كلو عند مصطفى
.
.
دا ادرس الساعة 10 الصبح وفززني صوت التيلفون باوعت اسم مصطفى وتركتو ما جاوبت بس كتلني الفضول اريد اعرف ليش متصل وقبل ما يفصل اخذت التيلفون وجاوبتو
.
.
مصطفى: الو
جنى: هلا
مصطفى: شلونج جناوي
.
.
جنى: بحسرة .. الحمدلله
مصطفى: بعدج زعلانة
جنى: لا
.
.
مصطفى: لج جنت اتشاقة وياج وربي شبيج تخبلتي
جنى: لا وياك حق اني ما احترمتك ولا احترمت بابا
مصطفى: لا تكبرين الموضوع كلتلج جنت اتشاقة وياج
.
.
جنى: مو مكبرتو
مصطفى: امتحاناتج ايمتى
جنى: بعدلها اقل من شهر
.
.
مصطفى: ادرسي زين لعد وعندي الج مفاجأة كلش حلوة من تنجحين وتجيبين درجات عالية
جنى: شنو هي
.
.
مصطفى: اذا حجيت ماراح تكون مفاجأة
جنى: تمام
.
.
من سكر من الفرحة كمت اكمز بالغرفة ورحت ركض على عمتي حضنتها وكلتلها مو زعلان ماما مو زعلان هسا اتصل علي وكال جان يتشاقى وياي
.
.
رؤى: هههههه شبيج متخبلة هيج
جنى: لان مو زعلان مني
رؤى: وهالفرحة هاي كلها لان مو زعلان منج
.
.
جنى: اي ماما
رؤى: اكعدي احجيلي
جنى: شنو ماما
.
.
رؤى: من ايمتى تحبيه
جنى: انصدمت وانربط لساني ووجهي صار احمر
رؤى: شو سكتي
.
.
جنى: ما . . مو ..
رؤى: لا ما ولا مو احجيلي الحقيقة
جنى: بارتباك .. ماعرف
.
.
رؤى: زين تحبيه لو مجرد اعجاب بشخصيتو
جنى: ماعرف ماما
رؤى: زين انتي تعرفين انو راح تدمرين نفسج
.
.
جنى: ليش ادمر نفسي
رؤى: لان هو ممكن ما يتزوجج
جنى: وشنو اسوي
.
.
رؤى: ماعرف
جنى: برطمت وسكتت
رؤى: هو يحبج
.
.
جنى: اي
رؤى: باستغراب .. شعرفج
.
.
جنى: ذاك النهار حجيت وياه قبل الانفجار وعبالو سكرت الخط وجان يحجي ويا نفسو ومن حجيو عرفت انو يحبني ومن صحت بالانفجار اجى فورا
.
.
رؤى: شوفي جنى اني ماراح اظلمج مثل ما انظلمتي بالدنيا بس بنفس الوقت لازم احافظ عليج سواء من مصطفى ولا غيرو لان انتي امانة يمي اني وابوج
.
.
جنى: وشنو راح تسوين
رؤى: اذا يحبج لازم يجي يخطبج مو يكضيها اتصالات
جنى: شنو قابل اكلو تعال اخطبني
.
.
رؤى: جيبي تيلفونج وتعالي
جنى: رحت جبتو وجيت .. هذا
رؤى: اتصلي عليه وكليلو ماراح احجي وياك مرة ثانية لان ماما تكول عيب تحجين وياه وهو ما يقربلج
.
.
جنى: تمام
رؤى: افتحي الصوت اريد اسمع شيكول
جنى: بارتباك .. تمام .. واتصلت عليه وكلبي يرجف
.
.
مصطفى: الو
جنى: شلونك مصطفى
مصطفى: الحمدلله
.
.
جنى: اريد اكولك شغلة
مصطفى: اي كوليلي
جنى: حجيتلو كلام عمتي
.
.
مصطفى: انتي لحالج
جنى: اشرتلي عمتي .. اي لحالي
مصطفى: حظري نفسج بس تخلصين امتحانات اني واهلي وعمامي يمكم إن شاء الله
.
.
جنى: ليش يمنا
مصطفى: اجي اخطبج وكولي لامج لو تنطبك السما عالارض ما تمنعي منج مفهوم
.
.
جنى: بقيت ساكتة والمصيبة ماما سمعتو
مصطفى: الو جنى تسمعيني
جنى: لازم اروح باي
مصطفى: بايات
.
.
جنى: سكرت منو وباوعت لعمتي بس احس نار بوجهي من الخجل عمتي جانت ساكتة ومبتسمة وتباوعلي بطارف عينها على اساس مو عاجبها كلام مصطفى
.
.
كلتلها شنو كالت والله وطلع الشيخ مصطفى يتحدى ويهدد وعناد بيه بعد ما تتصلين بيه كلتلها هو اني ماعندي جراءة بعد اتصل بعد الكلام الي كالو الي
.
.
مصطفى: من كالتلي على كلام عمتها حسيت انو اذا بقيت ساكت راح اخسرها وما تحملت وحجيت هالشي بعد ما سكرت تندمت لان ماراح تركز بدراستها بسببي
.
.
رحت للبيت وتغديت ووصيت كاضم يروح لكم واحد من عمامي الي اثق بيهم ويعرفون يتصرفون بالمواقف الصعبة وكلتلو يوصيهم يجون للمضيف ورحت اني قبلهم
.
.
من اجو استقبلتهم ورحبت بيهم وخليت كاضم والكهوجي يعوفونا لحالنا وعمامي استغربو من تصرفي كلتلهم تتذكرون جنى البيت الي عاشت يمي وتصوبت
.
.
عمي: اي نتذكرها
مصطفى: اريد اخذ رايكم لان اريد اخطبها
عمي: بس انت تعرف وين جانت عايشة
.
.
مصطفى: عمي البنت طاهرة ومو لامسها بشر
عمي: شنو اليثبت كلامها
مصطفى: كلامها وكلام زوجها
.
.
عمي: وانت سألت عن عمها
مصطفى: عمها انسان ذهب ورحت عليه ونمت يمو
عمي: والله يا مصطفى احنا نتمنالك الخير دائما وبالنسبة الي ما عندي اعتراض واكيد انت تعرف تختار
.
.
مصطفى: الله يحفظك عمي .. وانتو عمامي
بقية عمامي: انت ادرى بمصلحتك واكيد اختيارك صح
مصطفى: بس عمي اذا احد حجى عليها شلون
.
.
عمي: هسا الموضوع اتركوه بيناتنا لحد ما يجي وقت الخطبة
مصطفى: ليش
.
.
عمي: من يصير وقت الخطبة نكللهم هاي صارت خطيبة الشيخ وبعد فترة زوجتو والي يحجي عليها معناها يحجي عالشيخ مصطفى وبهاي الحالة الكل يسكت
.
.
مصطفى: لعد مثل ما كلت عمي راح يبقى الموضوع بيناتنا
عمي: وهو الافضل وإن شاء الله خير
مصطفى: إن شاء الله
.
.
غيرنا الموضوع ورجعو دخلو كاضم والكهوجي وبقيت وياهم بس جنت طاير من الفرح لان احس خطيت اول خطوة تجاه انجماعنا اني وجنى بالمستقبل
.
.
جنى: مرت الايام مصطفى ما حجيت وياه بعد ذيج المرة بس بقى كلامو دائما ببالي وجنت كوة اركز بدراستي لان من ادرس اكون لحالي والملل يخليني اتذكرو
.
.
بابا ما يعرف بالموضوع ولا اني اكدر احجيلو ولا ماما تكدر تحجيلو لان تخاف لا يعصب علي لو يعصب على مصطفى وكالت من يجي الوقت راح يحجي وياه مصطفى احسن ما نحجيلو احنا
.
.
بيت اهلي نسيت الموقف الي صار وياي بيه ومن ذاك اليوم ما رجعتلو ولان قربت الامتحانات تركت شغل البيت على عمتي واهتميت بدراستي
.
.
صار اغلب وقتي اكضيه بالدراسة ودائما يشجعوني بابا وماما ومن يصعب علي شي اخليهم هم يساعدوني
.
.
وهيثم حبيبي تعلقت بيه هواي ومرات اخليه ينام يمي ومن اتعب من الدراسة واخذ استراحة اجيبو يمي بالغرفة والعب وياه لحد ما يتعب وارجعو لعمتي وارجع اني ادرس وهو يعوف عمتي ويلحكني
.
.
بقيت بهذا الروتين لحد ما قربت الامتحانات ونشرو الجدول وبدا وقت الجد وكأنو دا ادرس لسادس علمي مو ابتدائي
.
.
واول يوم نشرو الجدول جنت كاعد بالغرفة واجاني اتصال من مصطفى جنت ما اريد اجاوب بس تملكني الفضول وحبيت اعرف شنو السبب الي خلاه يتصل علي وجاوبتو
.
.
مصطفى: الو
جنى: هلا مصطفى
مصطفى: شلونج
.
.
جنى: الحمدلله وانت
مصطفى: الحمدلله
جنى: دوم
.
.
مصطفى: نبضج .. صدك اكلج
جنى: كول
مصطفى: ترا اليوم نشرو الجدول
.
.
جنى: اي اعرف بيه وجابو الي بابا
مصطفى: عود شدي حيلج علمود تخلصين منو
جنى: إن شاء الله
.
.
مصطفى: امتحانج وين
جنى: بالموصل
مصطفى: جهزتي نفسج للامتحان مو
.
.
جنى: ما يحتاج عندي ملابس للامتحانات وعندي اقلام وقرطاسية كاملة يعني كلشي كامل
مصطفى: اكول
.
.
جنى: كول
مصطفى: منو يمج
جنى: محد كاعدة لحالي بالغرفة دا ادرس
.
.
مصطفى: بخت
جنى: ليش
مصطفى: لان الكتب يشوفن عيونج واني محروم منهن
.
.
جنى: بقيت ساكتة
مصطفى: جنى
جنى: ها
مصطفى: احبج
.
.
جنى: سكرتو بوجهو وقفلت التيلفون وتمددت بالفراش وغطيت نفسي حتى راسي غطيتو وكلبي يدك بسرعة مو طبيعية اول مرة يدك بهالسرعة هاي
.
.
بقيت يمكن نص ساعة لحد ما اختنكت من الحر رجعت طلعت راسي وافكر بردة فعلي ليش سويت هيج وليش تغطيت هو كال احبج اي كالها بنفسو ونطقها
.
.
يا يمة حيوكف كلبي يا يمة يخرب بيتك يا مصطفى على هالسالفة شلون راح اتحمل سوالفك هاي واذا يريد يحجي وياي بايام الخطوبة الا يوكف كلبي بسوالفو خرب
.
.
............ يتبع
لا تقراء وترحل كافئ جهودي ولو بكلمة او لايك ❤
بيج الفيسبوك @AS413