طيوف الماضي

البارت(42)طيوف_الماضي الكاتب#احمد

وصلولنا البارت 200 لايك ❤😁
#طيوف_الماضي
بقلم #احمد
البارت_42
نهاية الجزء الاول
.
.
مصطفى: ثاني يوم مشينا الفجر لبغداد علمود الازدحامات وصلنا بغداد وتغدينا بمطعم وعمامي كالو بدال ما نبقى خلي نكمل طريقنا مرة وحدة
.
.
كلتلهم يعني مو تعبانين كالو لا مو تعبانين ونروح للبيت احسن وكلتلهم لعد مثل ما تكولون وتوكلنا للبيت وصلنا ويا المغرب وكل واحد توكل لبيتو
.
.
دخلنا عالبيت اني وامي تلكانا كاضم وهو يهوس عرس الشيخ هيل وطش بالولاية ويرد وراه شاهين ويركص ويضحك مسكتو من ياختو كلتلو اعقلو مو زوجناك
.
.
كال دعوفني عوفني وعرس الشيخ هيل وطش بالولاية يلا بنات كومن كومن اركصن الشيخ تزوج كلللللللوش وهذا لعبنا ولا تكول استهتار هذا لعبنا ولا تكول استهتار
.
.
امي كعدت بمكانها ترتاح وهي تضحك عليه وهو شاهين يهوسون ومكيفين والبنات شبعن ضحك عليهم باوعت لهند ولارا كلتلهن اعذرننا زوجناكم مخابيل
.
.
وعفتهم ورحت لغرفتي اخذتلي دوش ولبست ملابسي ونزلت تعشينا ورحت للمضيف جنت كاعد واجى ابو اسراء وجهو احمر من العصبية وكعد بدون سلام كلتلو السلام لله ابو اسراء خيرك
.
.
ابو اسراء: شنو الي سويتو اليوم يا مصطفى
مصطفى: خطبت جنى ليش بيها شي هاي
ابو اسراء: واسراء شنو مصيرها
.
.
مصطفى: ليش اني قابل متزوج اسراء ومادري بنفسي
ابو اسراء: انت تدري ان ابوك حاجي بموضوعها
مصطفى: والي كدامك اني لو ابوي
.
.
ابو اسراء: بس هاي مو افعال ولد الاصل
مصطفى: ابو اسراء دير بالك تتجاوز بالكلام وانت بنفسك تعرف ابوي مو حاجي بشي والسالفة طلعتها من عندك
.
.
ابو اسراء: يعني اني جذاب
مصطفى: اني ما كلت هالشي
ابو اسراء: لعد شنو قصدك
.
.
مصطفى: قصدي ان ابوي ما حجالي عن الموضوع وجان يريد يعرف شلون وصلك الحجي وهو مو صاير واني عرفت من عمامي فلا تحاول تقنعني ان ابوي حاجي بموضوعها
.
.
ابو اسراء: بس اني ماراح اسامحك عالي سويتو
مصطفى: شتسوي مثلا تكتلني لو تسويلي جرة اذن
ابو اسراء: الايام بيناتنا وتشوف
.
.
طلع وهو زعلان واني كوة متحمل نفسي ولو ما زلمة جبير جان عرفت شحجي وياه اخير شي يجي واحد جذاب مثلو يطلعني ماعندي اصل
.
.
والي خلاني اهدأ انو المضيف فارغ وماكو احد بس اني والكهوجي خارج المضيف ومحد سمع الحوار الي صار وكلت شيريد يسوي خلي يسوي
.
.
وجنى مستحيل اتزوج غيرها والي مخليني اتطمن ان اهل جنى بعيدين وما يعرف بيتهم علمود يخرب واحنا مستحيل يكدر يسوي ويانا شي
.
.
جنى: كعدت لكيت نفسي بالمستشفى حلكي يابس وكاتلني العطش جسمي بيه خمول رفعت راسي مشكليلي مغذي وباقيلو شوية ويخلص
.
.
شوية ودخلو بابا والدكتور تحمدولي بالسلامة وكال العصر تكدر تاخذها وراح اجى بابا كعد يمي وعاتبني لان مدا اكل زين وكال هسا اليسمع يكول ابوها موتها من الجوع
.
.
رغم جان احساسي بخيانة بابا ما ينوصف بس احساسي من جان يحجي وهو مبين عليه تعبان بعد اصعب عود جنت اعاقب نفسي وعاقبت بابا وياي بدون ما ادري
.
.
بقيت للعصر ورجعت وياه من وصلت البيت جنت كلش تعبانة اخذتني ماما للغرفة وفورا نمت كعدت ثاني يوم على صوت ماما جابتلي الريوك
.
.
تريكت واخذت علاجي ورجعت المواعين للمطبخ ورجعت للغرفة وما جنت ادري بمصطفى جاي جان ساعدت ماما رغم مابي حيل نهائيا
.
.
تمددت بغرفتي واجى ببالي افتح التيلفون وافرغ كل قهري بمصطفى بس الصراحة خفت منو هو هسا معصب مني لان فصلتو بوجهو وارجع اتصل عليه واحجي عليه الا ينتقم مني خليني هيج احسن
.
.
بقيت للظهر بغرفتي سمعت صوت نسوان دخلن علينا توقعت من الجيران جايات يتحمدلي بالسلامة بس هذا وقت غدا مو زيارة ورن باذني صوت الحجية ام مصطفى
.
.
وبقيت محتارة اريد اعرف منو ذني وما اريد اطلع من غرفتي شوية واجت ماما كالت يلا كومي بدلي واطلعي سلمي عالنسوان كلتلها منو
.
.
كالت ام مصطفى وزوجات عمامو جايين يخطبوج فتحت عيوني على وسعهن كلتلها جايين هسا كالت اي كلتلها كوليلهم مريضة وماتكدر كالت عيب ماما ما يصير عالقليلة سلمي عليهن
.
.
كمت بانزعاج رغم مشتاقة للحجية بس ماعرف ليش ما اريد اطلع من غرفتي بدلت ملابسي وعدلت شكلي وطلعت جانن كاعدات بالصالة اول ما شافتني الحجية ابتسمت
.
.
سلمت عليهن ورحبت بيهن ورحت اساعد ماما بالغدا وهم يعرفون انو اني مريضة ولازم ماما تحط الغدا فما انزعجن لان ماكو احد يمهن
.
.
حطينا غدا للزلم ووصلتو ماما لبابا ورجعت حطت للنسوان وكعدت اكلت وياهن بس احس معدتي توجعني وما اكلت بس زلاطة لحد ما خلصن اكل هن وشلت المواعين
.
.
رغم تعبانة بس قنعت ماما وغسلت المواعين وقبل ما اخلص كالت ماما اجى الشيخ ويريد يسمع موافقتج ورحت من سألني انربط لساني وكوة كلتلو موافقة ورجعت فورا للمطبخ
.
.
كملت المواعين بسرعة بس احس مهدودة هد من التعب ورحت لغرفتي اول ما تمددت نمت ورا شوية حسيت بصوت مصطفى عندي بس مثل الحلم ورجع تكرر
.
.
فتحت عيوني لكيتو كاعد يمي وعيونو بيهن خوف علي بدون وعي كمت اضربو وابجي وهو حجى وياي وانتبهت لماما بالباب كلت هاي هي انكشفت
.
.
خلص كلامو مصطفى وطلع واني رجعت نمت كعدت المغرب طلعت ساعدت ماما بالعشى وكعدت وياها هي والنسوان لل 9 ونعست بسبب العلاج ورجعت لغرفتي نمت
.
.
ثاني يوم كعدت لكيتهم رايحين جانت الساعة 10 وبابا طالع وماما وهيثم بالمطبخ رحت صبحت عليها وكعدت يمها
.
.
رؤى: شلون صرتي
جنى: الحمدلله
رؤى: اسويلج ريوك
.
.
جنى: لا اني اسوي
رؤى: لعد كومي سويلج واحجيلي
جنى: بتوتر .. شحجي
.
.
رؤى: شنو معنى حجي مصطفى
جنى: يا حجي
رؤى: بعصبية .. جنى احجي ولا تسوين نفسج ما تعرفين
.
.
جنى: ماما غلطة وراحت
رؤى: احجي عاد لا تلعبين باعصابي
جنى: مصطفى باسني
.
.
رؤى: هاي ايمتى
جنى: بالعرس
رؤى: وليش ما حجيتي
.
.
جنى: ماعرف
رؤى: وليش ما منعتيه
جنى: ماكدرت لان هو اقوى مني
.
.
رؤى: وشنو غير البوسة
جنى: بس هاي والله
.
.
رؤى: بس كليلي هسا ادعي عليج لو على مصطفى لو ادعي على نفسي لان اخذتج وياي
جنى: والله ماما ما جنت قابلة بالي سواه
.
.
بقت تحجي علي وتلومني واني خانسة خاف احجي وتعصب علي بقت تحجي لحد ما فرغت عصبيتها بي وراحت للصالة وبقى هيثم وياي بالمطبخ
.
.
مسكت راسي وانداريت عليه وضحك كلت اي انت كضيها ضحك واني طايح حظي وين ما اندار المصايب والمشاكل تلحكني كوم روح على ماما يلا بسرعة
.
.
اندار على لعباتو ولا كأنو دا احجي وياه كلت ماطول اكلت الرزالة خلي اكوم اسويلي شي اكلو بدال ما اتخربط واحصلي رزالة ثانية وهالمرة رزالة مزدوجة من بابا وماما
.
.
تريكت وكملت رحت للصالة مديت راسي اريد اشوف ماما وين لكيتها كاعدة على صفحة وتباوعلي وسحبت راسي بسرعة ومبين عليها معصبة
.
.
ولو تدري انو الخطة تنفذت بسبب اماني جان يمكن حتى منعتني احجي وياها لحد ما اتزوج بس همزين ماعرفت قبل الخطبة عالاقل اجى مصطفى وخطبني
.
.
بقيت بالمطبخ لقبل الغدا بديت اجهز بالغدا وهي ماكو واجى بابا راح كعد يمها واسمعهم يحجون بس لان بعيدين ماعرف شيحجون
.
.
تقربت يمهم لان خفت تحجيلو سمعتهم يحجون عن دوامهم بالمدرسة وتركتهم ورجعت كملت الغدا ومن كملت صحتهم واجو تغدو
.
.
وبابا كال مصطفى يكول هالشهر هذا اريد اسوي العرس كلتلو وانت شنو رايك كال اني ماعندي مانع اذا انتي وامج موافقات كلتلها ماما شنو رايج
.
.
كالت اي احسن اذا يستعجل خاف يصير شي لا قدر الله كلتلها لعد ماعندي مانع اني بس دراستي شلون كال حاولي تدرسين بهاي الايام قبل ما يصير وقت العرس
.
.
واذا كدرتي تدخلين وزاري راح يصير عندج وقت تدرسين بعدين ولا تنسين هذا ثالث ما يحتاج معدل كلتلو تمام بابا اذا هيج معناها سهل الموضوع
.
.
من خلصو غدا شربو الجاي وماما كالت روحي نامي واتركي كلشي وفعلا جنت تعبانة ونعسانة بسبب العلاج ورحت نمت كعدت العصر
.
.
جانت ماما كاعدة بالصالة رحت عليها بست راسها وكلتلها ماما وربي مو قصدي اسوي هيج شي لو اخالف كلامكم وربي حاولت امنعو بس انتي تعرفين هو رجال واقوى مني وماكدرت
.
.
واجى خطبني وعقد علي علمود يصحح غلطو وهي مرة ومراح تنعاد لان راح نتزوج وطول هالفترة جنت اعاقب نفسي بسبب الي صار ولان ماكدرت امنعو
.
.
وبقيت احجي وياها هواي لحد ما اقتنعت وسامحتني وكضيت اليوم طبيعي ثاني يوم رجعت لدراستي جانت المواد صعبة علي لان مو دارسة اول متوسط وثاني
.
.
بس ويا المراجعة وتدريس ماما وبابا جانت شوية تصير سهلة علي ومرات اذا موضوع مرتبط ارتباط قوي بالاول او الثاني اخلي بابا يجيبلي ملخص عن الموضوع وادرسو كامل
.
.
وقررت من كل مادة احفظ نص كتاب واترك مادتين الي هن الانكليزي والكيمياء واركز بالباقيات علمود انجح وادخل وزاري وبعد دخول الوزاري اكمل البقية
.
.
بس جان الرياضيات كلش متعبني لان اكثر مواضيعو مرتبطة بالاول والثاني ولازم ادرس الموضوع كامل علمود اكدر احل الامثلة والفيزياء نفس الحالة
.
.
مرة من المرات جنت كاعدة واجاني شعور كلش قوي انو احجي ويا مصطفى حاولت امنع نفسي وما كدرت اخير شي اخذت التيلفون لاول مرة بعد هالمدة الطويلة وفتحتو
.
.
جان شحنو قليل والخط متوقف خليتو عالشحن ورحت خابرت بابا من تيلفون ماما كلتلو يجيبلي وياه رصيد من يجي وسكرت منو ورجعت ادرس ومن اجى جابلي رصيد وياه وبعد الغدا رحت عبيت الرصيد وخابرت اول رنة والثانية فتح الخط
.
.
مصطفى: بلهفة .. جنى
جنى: هلا مصطفى
مصطفى: تنهد .. هلا يا روح مصطفى
.
.
جنى: شلونك
مصطفى: من سمعت صوتج صرت كلش زين
جنى: دوم إن شاء الله
.
.
مصطفى: يدومج الي .. ليش هيج سويتي بي
جنى: شنو سويت
مصطفى: صارلج كل هالمدة ما تسمعيني صوتج
.
.
جنى: انت السبب
مصطفى: ولج وربي خليتيني اتمنى مو عازمكم عالعرس ولا بستج ولا فكرت بهالفكرة هاي
.
.
جنى: علمود تتعلم مرة ثانية
مصطفى: ولج ما بقى احد ما حجى علي حتى امي
جنى: واني هم اكلت رزالة مرتبة
.
.
مصطفى: من منو
جنى: من ماما لان سمعتك من حجيت وياي
مصطفى: ايوا
.
.
جنى: انت سويتها سويتها دكملها واسكت علمود ما تسمعك
مصطفى: ههههههههه لا ميصير لازم تتضامنين وياي
جنى: لا ما اتضامن وياك بالرزايل
.
.
مصطفى: اتركي هاي واحجيلي
جنى: شنو احجيلك
مصطفى: شكد مشتاقتلي
.
.
جنى: هواي
مصطفى: وهاي الهواي شكد
جنى: بكد ما كلبك يحبني
.
.
مصطفى: ولج اروحلج فدوة
جنى: فداك اني
مصطفى: شو صايرة جريئة شنو القصة
.
.
جنى: علمود احرك اعصابك
مصطفى: لا مو هيج اليعاقب ترا ما اتحمل
جنى: مصطفى
.
.
مصطفى: يا روح مصطفى
جنى: احبك واعشقك واموت عليك
مصطفى: ولج ما الله يحطج يمي هسا
.
.
جنى: هههههه يلا باي لازم اروح
مصطفى: بايات يابة
.
.
جنى: سكرت منو واني شبعانة ضحك عليه خلي يحترك شوية رغم جنت ارجف من التوتر بس نبرة صوتو من تغيرت شبعت ضحك عليه ومبين كلش احتركت اعصابو
.
.
مصطفى: ابو اسراء من طلع من عندي ما سمعت عنو اي شي ولا شفتو لا هو ولا اسراء وقررت اسوي العرس واخلص منو قبل ما تصير مشكلة واذا سوا شي هو ممكن اغلط وياه
.
.
خابرت علي كلتلو ايمتى ما تروح للموصل كلي اوصلك المهر لان من رحنا الهم ما جنت ماخذ وياي وهو وافق وانطيتو خبر عالعرس وبعد ما اخذ راي جنى رجعلي خبر وكال ماعندنا مشكلة بس اهم شي جنى تكمل دراستها
.
.
وهو  مايدري ان اني اول واحد شجعها تكمل دراستها واكيد راح اوكف وياها بكل خطوة تخطوها علمود تكون مستقبلها وإن شاء الله اكون سند الها بكلشي طول العمر واكيد اي شي تحتاجو واكدر اوفرو الها راح اسويه
.
.
مرة من المرات جنت بالبيت دا اصعد الدرج واجاني اتصالها جاوبت واحس ردتلي روحي من سمعت صوتها وفوكها حركت كلبي بكلامها وغزلها واني بدون كلشي احس نار مشتعلة بي من شوقي الها
.
.
كلت بكلبي وربي لطلعها منج بس خلي نتقابل واشوفج منو الي تلعبين باعصابو وطبعا ما اسولفلكم فرحة اهلي من عرفو اني خطبتها وعقدت عليها بنفس الوقت
.
.
شاهين وكاضم عبالهم خطبة وسوولهم هوسة شكبرها من عرفو عقدت تخبلو بعد اكثر رجعت مرة بالليل لكيتهم مشغلين اغاني ويركصون هم والبنات وكاضم يهز احسن من 100 رقاصة
.
.
كلت لامي لو نشغلو بمرقص يطلعلنا خوش مربح البنات شبعن ضحك واكثر وحدة ضحكت هي زوجتو هند وما احجيلكم عن هند ولارا يكفي انهن اختيار الوالدة
.
.
حشمة واخلاق وادب صوتهن ما يعلى على احد بالبيت بالاخص بوجودي واذا نتشاقة اني واخواني ما يطبن للموضوع من يمهن يبقن بس يستمعن
.
.
ومن طبن البيت ابد ما سمعنا انو وحدة منهن اختلفت ويا البنات على شي بالعكس البيت تحس صارت بيها حركة بس حركة هادئة تخليك تتونس بالبيت
.
.
واذا الله تمملي على خير تجي جنى هم تزيد الحركة وارتاح بوجودها يمي جنت معتبر الاتصال الي صار بيناتنا مفتاح السعادة الي راح نعيشها خلال الخطبة وبعد زواجنا او هيج جنت متوقع
.
.
............ يتبع (في الجزء الثاني)
لا تقراء وترحل كافئ جهودي ولو بكلمة او لايك ❤
بيج الفيسبوك @AS413