طيوف الماضي

البارت(7) طيوف_الماضي الكاتب#احمد

تصويت ومتابعه لحتى توصلكم باقي البارتات والقصص

#طيوف_الماضي
بقلم #احمد
البارت_7
.
.
جنى: خلصت الرسالة ودموعي تجري حضنتها وانفجرت بالبجي واحس الرسالة بيها كمية حزن مو طبيعية رفعت رسالة وصحت كل صوتي ياربييييييي
.
.
شوية واندك الشباك وواحد من الحرس يصيح بيج شي كلتلو ماكو شي اتركني لحالي وتركني وراح رجعت حطيت راسي بين رجليني وابجي لحد ما احس راسي انتفخ من صار وقت الغدا ما اكلت والسيد هم ما وصى الحرس على اكلي كلت بعد احسن
.
.
رجعت افكر بكلام السيد وانو يريد يحرمني من عمي علي وكلش كرهتو بسبب هالتصرف باي حق يحرمني منهم فوك ما انحرمت من اهلي
.
.
ويمكن هو الي قتل هيثم علمود ياخذني ويمكن هو الي ياخذ البيت والمحلات بس يريد يضحك علي ويقشمرني علمود اصدكو
.
.
بقيت افتر بالبيت وفكرة تاخذني وفكرة تجيبني هواي فكرت بالهروب بس جنت خايفة من الفكرة اولا اكيد يلكيني لان منطقة مقطوعة واذا ما لكاني يجوز يصيرلي شي اسوء
.
.
فكرت اصعد للسطح ومن هناك انزل وانهزم بس كلت خلي اتأكد قبل ما يصير الليل ومن صعدت طلع باب البيتونة والشباك هم مبنيات بلوك يعني بدون فايدة خطتي
.
.
رجعت نزلت تحت وكعدة بيأس واني اشوف حياتي دا تنطفي كدامي لحضة ورا لحضة واني مو كادرة اسوي شي
.
.
بالنسبة لعمي علي من رجع من المدرسة انصدم لان ما لكاني بالبيت وطالع مثل المخبل يدور علي وسأل عني وكايليلو رجعت ويا بنت جيرانهم فراح على اهلها يسألهم
.
.
جانت هي خايفة كلش من الموقف ابوها كال لعمي انو واحد خطفني بس صديقتي ماتعرف منو لان ملثم ورجائا لا تجيب طاري بنتي لا كدام احد ولا بتحقيق لان ما اريد يتكرر نفس الشي ويا بنتي
.
.
وطالع من عندو رايح لبيت عمي ناصر ومو ملكيه هو وابنو وبعدها رايح مقدم بلاغ للشرطة وتعرفون بين ما اتخذت الشرطة الاجرات وبلشت البحث صرت اني بخبر كان
.
.
وعمي ما خلى مكان قريب ما دور بيه علي وبدون اي فايدة ومحد جان متوقع انو انخطف واكون بمحافضة كلش بعيدة عن محافضتي وفوك هاي مكان مقطوع يعني مستحيل احد يفكر بيها
.
.
عمتي جانت مكضية وقتها تبجي علي وعمي يدور وحتى دوامهم تركوه من صار الدنيا ليل اجى عمي ناصر على عمي علي وتعارك وياه علمودي
.
.
ويكول ذنب البنت بركبتك وجان المفروض تنتبه عليها مو تعوفها تنخطف وهسا الله يعلم بحالها وعمي علي ما جان يكدر يرد لان فعلا انخطفت وهو ماكدر يسوي شي
.
.
اني ما احملو المسؤولية بس الناس ما تعرف هالشي وكلهم يكولون انخطفت بسبب اهمالو بعدها بكم يوم اجى واحد من الجيران الصبح دك الباب على عمي علي
.
.
ومن فتح الباب علي علي لكى جارو وجان وياه رسالة كال واحد كالي اسلمها لايدك وراح ومبين مو منا لان اول مرة اشوفو
.
.
وكلت بلكي هالرسالة تفيدك بموضوع بنت اخوك وتشكر منو عمي ودخل داخل قراها جان محتوى الرسالة
.
.
__ السلام عليكم استاذ علي اريد اطمنك ان جنى بنت اخوك يمي وهي بخير وعافية ومو ناقصها كلشي واني جنت طرف بخطفها
.
.
بس بعد ما خطفتها وعرفت قصتها تندمت عالي سويتو بس للاسف ماراح اكدر ارجعها لان اول شي راح انسجن اني ثاني شي ممكن تنخطف مرة ثانية
.
.
واذا انخطفت مرة ثانية يجوز تموت لهذا راح تبقى يمي من توصل عمر 18 راح يتسجل البيت والمحل باسم الطرف الثاني وراح اتزوجها على سنة الله ورسوله
.
.
بس ملاحضة اذا البيت او المحل انباعن قبل هالمدة فمعناها انت قتلتها بايدك واذا تريد تكتبلها رسالة باجر بالليل تخليها كدام البيت وراح يجي شخص ياخذها واي شي يتعرضلو هالشخص راح تتأذة جنى قبلو ومع السلامة
.
.
جانت هاي الرسالة كفيلة بانها تهدئ النار الي بكلب عمي علي ويعرف ان اني بخير بس اكيد ماراح يستسلم ويعوفني بدون ما يحاول يرجعني
.
.
بعدها كتب رسالة وحطها كدام البيت وفعلا اجت سيارة اخذو الرسالة وراحو بس لان ماعندو سيارة ماكدر يلحكهم وهم خوفا علي لا اتأذة
.
.
بعدها بقى التحقيق مفتوح عند الشرطة في امل انو يلكوني وبقى مدة طويلة عمي علي عايش بحزن هو وعمتي
.
.
بس انجبرو يرجعون لدوامهم بس من تشوفهم تحس انو اجسادهم مابيها روح كانها شمعة مطفية ودائما ملامح الحزن والحسرة مرسومة على وجووهم
.
.
بالنسبة للسيد فجان متفق ويا شخص ثاني علمود يخطفني ومن ياخذون البيت والمحلات ياخذ هو قسم منهن او ياخذ مبلغ مال مقابل الي سواه
.
.
واعتقد هو مسوي هالشي من قبل اكثر من مرة لان خطة خطفي جانت متقنة والبيت مبين من زمان مسكرات شبابيكو وهذا دليل كافي على تورطو بغير عمليات خطف
.
.
بس الي انخطفو من قبل شنو مصيرهم ماعرف والسيد بعد ما خطفني وعرف كلشي عني ساعدني وتعامل وياي بشكل زين بس جنت ماعرف تعاملو ويا البقية مثلي لو لا
.
.
وهم جان يكول لباقي البنات يتزوجهن لو لا بس ما اعتقد اكو سبب يخليه يختارني من بين كل البنت مو زايدة ايد لو رجل عنهن
.
.
بس بحالة وحدة انو يكون شكلي عاجبو ويريدني اكبر علمود يتزوجني اما غير احتمال فمستبعد