طيوف الماضي

البارت(25)طيوف_الماضي الكاتب#احمد

تصويت ومتابعه لحنى توصلكم باقي البارتات والقصص❤❤
#طيوف_الماضي
بقلم #احمد
البارت_25
.
.
جنى: حجينا اني وعمتي شوية بين ما عمي جاب اللحم وقبل ما اخذو واطبخو كال انتظري ام مصطفى تريد تحجي وياج واتصل على مصطفى وانطانياه
.
.
مصطفى: الو
جنى: هلا مصطفى شلونك
مصطفى: هلا بجنى اني زين انتي شلونج
.
.
جنى: اني زينة بوجود بابا وماما
مصطفى: ترا اني جنت اريد احجي وياج مو امي
جنى: هلا خالتي .. وابتعدت عن عمي وعمتي
.
.
مصطفى: خرب صرت خالتها
جنى: بصوت ناصي .. ههههههه علمود تكمل الخطة
مصطفى: تمام يابة
.
.
جنى: شوف جذبت على بابا وماما علمودك
مصطفى: مشكورة
جنى: صدك مصطفى راح اشتري تيلفون عود امانة اخذ لاماني وهنادي تيلفون علمود احجي وياهن
.
.
مصطفى: والي يجيبلهن تيلفون
جنى: ما فهمت
مصطفى: الي يجيبلهن تيلفون ما تحجين وياه
.
.
جنى: ليش منو يجيبلهن
مصطفى: خالتي الشكرة
جنى: هههههه لا ما احجي وياها خاف تاخذ بابا من ماما
.
.
مصطفى: احترك شيب الفكر يحجي وياج
جنى: هههههههههه لا خلص بس صدك منو راح يشتريلهن
مصطفى: اني ليش اكو غيري
.
.
جنى: اكو شاهين واكو عصفور البيت
مصطفى: لا يابة اني اخذلهن بنفسي واخليهن يحجن وياج
جنى: يااااااي شكرا شكرا شكرا
.
.
مصطفى: عفوا عفوا عفوا
جنى: امممممم
مصطفى: يلا بوية لازم اترخص اني
جنى: الله وياك
.
.
سكرت ورجعت التيلفون لعمي واخذت اللحم ورحت اسوي الغدا واني فرحانة انو راح احجي ويا هنادي واماني واتواصل وياهن دائما
.
.
بس للصراحة الي جان مفرحني اكثر هو اني حجيت ويا مصطفى بس ما اعرف ليش فرحت من حجيت وياه امرك غريب يا شيخ مصطفى
.
.
من دون الناس كلها من احجي وياك ارتاح شنو السبب وليش ماعرف بس إن شاء الله يكون خير كملت طبخ وجانو عمي وعمتي كاعدين يمي بالمطبخ ويحجون وياي
.
.
مصطفى: كعدت وقت صلاة الفجر ورجعت نمت وحلمت اني بمكان عبارة عن ممر الارضية والجدران والسقف لونهن ذهبي وبيه لمعة قوية
.
.
وطارف الممر بيه ضو ابيض بحيث ما اعرف شنو وراه تقدمت عليه واني محتار من المكان الغريب من وصلت الطارف لكيت نفسي بحديقة مليانة ورود ومنظرها كلش حلو
.
.
وجانت جنى كاعد بوسط الحديقة وكدامها لعبتين وحدة عريس والثانية عروس باوعتلي وابتسمت ورجعت دنكت شالت لعباتها واجت عندي
.
.
فتحت ايدي وحطت العريس بيها وكالتلي شوف وكسرت العروس والحديقة صارت سودة وفزيت من نومي فركت راسي اريد استوعب الحلم ماكو
.
.
تعوذت بالله من الشيطان واخذتلي ملابس ودخلت للحمام اخذتلي دوش واحس كلبي مثل النار ماعرف ليش نزلت تحت لكيت الحجية مثل كل يوم كاعدة قبل الكل صبحت عليها وكعدت يمها
.
.
الحجية: شو ما عاجبني وضعك هاليومين
مصطفى: ليش مو عاجبج يمة
الحجية: صاير تغيب هواي عن البيت
.
.
مصطفى: اشغال يالغالية
الحجية: إن شاء الله يكون هيج
مصطفى: لعد شنو يكون
.
.
الحجية: خايفة يكون افراد مو اشغال
مصطفى: لا يمة اشغال
كاضم: بالله بربك ما تستحي شيخ شكبرك شكدك تجذب
.
.
مصطفى: استلم العطلات
كاضم: ههههههه بهاي وياك حق
الحجية: بشنو يجذب
.
.
كاضم: مصطفى من راحت جنى وهو متخربط
مصطفى: كاضم عيب وحرام تحجي بالبنت بهالطريقة
.
.
كاضم: اني مدا احجي عالبنت ولا كلت بيها شي بس حتى الاعمى يخوي يكدر يلاحظ تغيرك من راحت صرت حتى البيت ما تدخلو
.
.
مصطفى: لعد اني هسا وين
كاضم: لان ماتكدر تبات بالمضيف
الحجية: مصطفى صدك حجي اخوك
.
.
مصطفى: كل عقلج انتي يمة
الحجية: اي كل عقلي لان مثل ما كال كاضم انت من راحت البنت تغيرت فاحجي الصدك
.
.
مصطفى: اصلا جوابي بالوقت الحالي مالو معنى لان البنت راحت لعمها واني سويت الي علي وهاي هي
كاضم: وتبقى هيج وجه الارملة
.
.
مصطفى: كأنك صاير قليل احترام
كاضم: عود من تروح للمضيف احترمك
مصطفى: ضربتو على علباه بس قبل ما توصل ايدي ابتعد
كاضم: لا هيج ما اتفقنا
.
.
مصطفى: البنت راحت لاهلها لا بقى الها حق علينا ولا النا حق عليها واني حتى لو مفتقدها يوميا ثلاثة وانساها فلا تنطون الموضوع اكبر من حجمو
.
.
كاضم: براحتك بس انت الخسران
مصطفى: قابل تجارة واني الخسران
كاضم: تشوف
.
.
مصطفى: خلصت ريوك وطلعت خارج البيت واتصلت عل عم جنى كال خارج البيت كلت لعد اخذلي فرة بالسوك بين ما يرجع للبيت هو
.
.
من وصلت السوك اتصل علي عمها وكفت السيارة واول ما رديت عليه اجاني صوتها واكثر شي ضحكني من تكول هلا خالتي
.
.
من خلصت كلامي وياها حسيت براحة مو طبيعية نزلت اخذت تيلفونات ثنين للبنات وخطوط وياهن ولزكات وغلاف ولان ذاكرتهن ضعيفة اخذتلهن كل وحدة ميموري
.
.
وحطيتلهن فيديوهات واغاني وتأكدت منهن ان ما بيهن شي بشكل سريع  لان بعض فيديوهات تكون مو مناسبة يكون بيهن قلة ادب او ايحائات مو مناسبة للبنات
.
.
ومن رجعت اخذت التيلفونات وصعدت لغرفتي وحطيتهن عالشحن وما كلت للبنات علمود اسويلهن مفاجئة وجانن هسا نازلات التيلفونات اللمس
.
.
رحت للمضيف وكضيت الوقت للغدا رجعت لكيت التيلفونات ثنينهن 100 سجلت ارقام اهلي بيهن وقفلتهن وحطيتهن بجيبي
.
.
جانن لونهن ابيض ثنينهن جنت اريد اخذ ابيض واسود بس كلت خاف الاسود ما يعجبهن واحتار بيهن فخلي ثنينهن نفس اللون
.
.
بس الكفرات اخذت واحد احمر وواحد ذهبي بس كلش حلوات من خلصت غدا صبولنا جاي وجانن البنات بالمطبخ صحتهن واجن كلتلهن اختارن
.
.
اماني: شنختار
مصطفى: تريدين الاحمر لو الاصفر
اماني: غير اعرف لشنو اختار
.
.
مصطفى: اختاري وبعدين تعرفين
هنادي: اصفر
اماني: احمر
.
.
مصطفى: طلعتهن من جيبي وحطيتهن عالطاولة
البنات: يااااااااااااااا
مصطفى: فتحتلهن حضني وكمزن علي واخواني يضحكون على ردة فعلهن
.
.
شاهين: شعجب اخذتلهن تيلفونات
مصطفى: يستاهلن بنياتي بس اكيد استخدام التيلفون يكون تحت شروط محددة وممنوع تتخالف
اماني: شنو هن
.
.
مصطفى: اولا ممنوع يتسجل رقم غير الي بيه حتى لو ابدل رقمي ممنوع يتسجل الجديد وتوازنن بين الدراسة والتيلفون واي شي ما تعرفن بيه تجن تسألني عليه مفهوم
.
.
اماني: من عيوني
هنادي: تدلل
مصطفى: وهسا روحن اخذن الكارتونات من غرفتي
.
.
اخذن التيلفونات وباسني كل وحدة من جهة وتشكرني وراحن فوك وحجت وياي امي
.
.
الحجية: متأكد من الي سويتو
مصطفى: ليش يمة
الحجية: انت تدري ان التيلفونات ما وراهن غير الفساد
.
.
مصطفى: اعرف يمة بس البنات كبرن واستخدامهن للتيلفون تحت عيونا وهن مستحيل يكسرن ثقتي بيهن
الحجية: اني هم اعرف بناتي بس ما اريد شي يخربهن
.
.
مصطفى: حقج تخافين يمة بس تطمني اماني وهنادي عاقلات ويعرفن يتصرفن واكيد ما راح يخربهن التيلفون لان راح يكون مجرد تقضية وقت بالبيت
.
.
كاضم: لعد ليش حطيت بيهن خطوط
مصطفى: وشلون يتصلن علينا اذا احنا طالعين
كاضم: تيلفون امي بيه خط
.
.
مصطفى: احترت شنو اكول كاضم وكعني بورطة بلسانو
شاهين: شو سكتت شيخنا ههههه
مصطفى: جنى تريد تحجي وياهن
.
.
كاضم: ويجي واحد راسو مربع يكول شلون لاحظت تغير مصطفى من راحت جنى لعمها
مصطفى: دنجب لك غير كالت لعمها وهو كالي وما حبيت اخجلها وبنفس الوقت افرح خواتي
.
.
كاضم: اطلع غبي وابن غبي اذا الحجي وصلك من عمها
مصطفى: بعصبية .. شقصدك
كاضم: الحجي وصلك من جنى نفسها
.
.
مصطفى: احترم نفسك كاضم ترا هواي تجاوزت
كاضم: لا يخوي ما تجاوزت دا احجي الحقيقة
.
.
مصطفى: كمت ومسكتو من ياختو من كدام وكلتلو تنجب لو شلون وياك انت شفتو استغرب من ردة فعلي وباوع لايدي ورجع باوعلي بتحدي
.
.
كاضم: نزل ايدك
مصطفى: واذا ما نزلتها .. وامي وشاهين يفرقونا عن بعض
كاضم: راح تنزلها لان ماتكدر تضرب
.
.
مصطفى: من كال هيج ضربتو بوكس الا وكعتو بالكاع
كاضم: هههههههه واخيرا
مصطفى: عفتو ومشيت
.
.
كاضم: مصطفى
مصطفى: وكفت قبل ما اطلع من الباب
.
.
كاضم: كافي عناد كول انك تحبها والاعتراف فضيلة ترا
مصطفى: كاضمممممم ترا اجي اكمل عليك
كاضم: انت مو كد فراكها لا تظلم نفسك يخوي
.
.
مصطفى: عفتو وطلعت واكفر بيني وبين نفسي ليش ضربتو بس هو زود بالكلام ولحضة هو شلون عرف جنى حجت وياي معقولة جان مفضوح امري لهالدرجة
.
.
الحجية: ارتاحيت هسا
كاضم: يمة ترا الولد راح يتخبل مو شايفتو انتي
الحجية: شايفتو بس اريدو ينساها مو يتذكرها
.
.
كاضم: وليش ما يتزوجها بدال ما ينساها
الحجية: مستحيل يتزوجها
كاضم: باستغراب .. شنو المانع
.
.
الحجية: انت نسيت منين اجت وويا منو عاشت ويا ترى تكدر تتخيل كمية الحجي الي راح يطلعوه عليها الناس وبالاخص الي يعرفون ماضيها
.
.
كاضم: يمة ترا كلنا نعرف جنى شريفة وكلنا نعرف محد لامسها فشتريدون بعد اكثر من هالاثبات
الحجية: وانت شعرفك
.
.
كاضم: اعرف وهاي هي
الحجية: دا اكلك منين عرفت
كاضم: مو مهم
.
.
الحجية: سودت وجهي الله يسود وجهك
كاضم: لحضة لحضة يمة شبيج
شاهين: دنجب واحجي شلون عرفت
.
.
الحجية: جنت تريدها ولك مووووو
كاضم: يمة دخيل ربج شايفتني ناقص لهالدرجة هاي الموضوع انتشر اول ما تطلكت ولان ساكنة يمنا سكتو عنها الناس
.
.
الحجية: شنو حجو عنها
كاضم: من اعترف رجلها انتشر الموضوع لان غريبة تطلع بنت من ذاك المكان بدون ما ينكسوها بنكاستهم
.
.
الحجية: لهذا دا اكلك مستحيل ياخذها مصطفى لان محد يصدك انها شريفة
كاضم: يمة دا اكلج هم يكولون شريفة
.
.
الحجية: من ياخذها مصطفى راح يتغير حجيهم
كاضم: قسم بالله انتي تحيرين الواحد
.
.
مصطفى: كعدت احجي ويا عمامي بالمضيف بس عقلي شارد بين جنى وكاضم وكلامو وبوضعي ووين راح اوصل بهالوضع راح ابقى هيج لو ارتاح
.
.
بس احس كلام كاضم خلى اثر بنفسي كانو دا يكلي راح تروح منك اذا بقيت هيج دا نحجي اني وعمامي بالمضيف وطبو شاهين وكاضم
.
.
شاهين&كاضم: السلام عليكم
الكل: عليكم السلام
عمي: ها كاضم سلامات شبيه وجهك
.
.
كاضم: والله عمي وكعت بايد واحد عاشق
عمي: وليش يضربك هالعاشق
كاضم: لان ادري بيه عاشق وهو ينكر
.
.
عمي: ومنو هذا العاشق
كاضم: عمي هو بيناتنا الحجي وصار هيج وجهي اذا احجي هنا باجر تزوروني بالنجف
.
.
عمي: ههههههه مخوفك هالعاشق
كاضم: تعرفني عمي ما اخاف بس خطية زوجتي المستقبلية تترمل من هسا ترضاها انت
.
.
عمي: بهاي وياك حق
كاضم: عمي اريد اسألك سؤال
عمي: اي كول
.
.
كاضم: اذا تعشق بنت شنو تسوي
عمي: اذا سمعتها وسمعت اهلها زينة اخطبها
كاضم: هذا الشخص لا يعترف ولا يخطبها
.
.
عمي: زين شنو السبب
كاضم: والله يا عمي ماعرف لو ما اعرفو جان كلتلك خايف
عمي: انت شنو رايك مصطفى
.
.
مصطفى: ها العفو عمي شنو جنت تكول
عمي: وصل رايك يابة .. اكول كاضم
كاضم: هههههه كول عمي
.
.
عمي: العاشق انكشف بس المعشوقة منو
كاضم: وتتوقع اكدر احجي
عمي: شوف الرسالة .. ودزلو رسالة عالتيلفون
.
.
كاضم: مكتوب بالرسالة جنى .. اي عمي صح لسانك
عمي: عوفوني ويا مصطفى لحالنا عندي حجايتين وياه
كاضم: تدلل عمي .. وطلعو
.
.
عمي: اي يابة ليش ما تحجي
مصطفى: شنو احجي عمي
عمي: انت رايدها بنت الحلال لو لا
.
.
مصطفى: عمي كل عقلك مصدك حجي كاضم
عمي: اي مصدك لان كلشي واضح مثل الشمس
مصطفى: عمي هي يومين ثلاثة وانساها لا تهتم للموضوع
.
.
عمي: لعد بهالحالة راح اخذها لمحمد لان ما سمعنا عنها الا كل خير
مصطفى: مستحيل يصير هالشي
.
.
عمي: بضحكة خباثة .. ليش مستحيل
مصطفى: عمها ما يقبل تتزوج هنا
.
.
حط ايدو على رجلي وكلي القوي مو الي ينسى القوي الي يحصل وعافني وكام ورجعو دخلو كاضم وشاهين باوعت لكاضم بعصبية وهو يضحك بوجهي
.
.
شكبرني شكدني صرت مضحكة لكاضم بسبب جنى ثنينهم اصغر مني وحدة ماخذة عقلي وكلبي والثاني مفور دمي 24 ساعة
.
.
بقيت وياهم للمغرب بالمضيف ورجعنا للبيت تعشيت وخلصت ورحت اغسل وسمعت صوت تيلفوني دك وكاضم صاحني كال رقم غريب كلتلو رد عليه
.
.
جنى: كملت الغدا الظهر عمي يكول مبين من الريحة الاكل طيب كلتلو لعد شعبالك غير بنيتك طباخة ماكو مثلها ضحك وكال الله يخليلنا هالطباخة
.
.
اخذت هيثم من عمتي وكلتلها الباقي عليج انطتنياه وراحت صبت الغدا ضاك اول لكمة عمي كال عاشت ايدج والله طبخ درجة اولى واني طرت من الفرح بكلامو
.
.
وعمتي هم مدحت طبخي تغدينا ويا بعض وجنت اريد اشرب هيثم من المرك بس عمتي كالت ثكيل على معدتو من خلصنا غدا كام يغفي انطيتو لعمتي تكمطو وكلت لعمو بابا اريد تيلفون
.
.
علي: شتسوين بيه
جنى: اتواصل ويا اماني وهنادي والحجية
علي: هذا تيلفوني وتيلفون امج
.
.
جنى: اريد واحد الي
علي: من عيوني تدللين
جنى: شكرا بابااااا .. وحضنتو
.
.
علي: العفو يابة
جنى: ايمتى تجيبو الي
علي: بكيفج
.
.
جنى: اليوم
علي: لعد شربيني جاى علمود اجيبلج
جنى: ياااااااي
.
.
كمت ركض حطيت الجاي عالنار وعمي وعمتي يضحكون علي ومن شربنا جاي راح عمي للسوك شوية واتصل عاى عمتي وجاوبتو وانطتني التيلفون
.
.
علي: شنو اللون الي تريديه
جنى: شنو الالوان
علي: اكو ابيض واكو اسود
.
.
جنى: اريد اسود
علي: وتريدين احطلج بيه مقاطع واغاني لو لا
جنى: حطلي بس اذا يصير حطلي قران وخليه معزول عن الاغاني ويكون صوت القارئ حلو
.
.
علي: تمام بنيتي تدللين
جنى: ما يتدلل عليك ظالم
علي: والباقي راح اخذلج على ذوقي
.
.
جنى: سكرت منو بس لهفتي لا توصف وانتظر على نار نص ساعة واجى جابلي التيلفون من شفتو تخبلت عليه جان عبارة عن شاشة ومن تحت 3 دكم وبالصفحة اليمين دكمة وبالصفحة اليسار دكم الصوت
.
.
كال اشحنيه لا تنضرب البطارية وبعدين اعلمج عليه اخذتو للغرفة حطيتو عالشحن وكعدت عندو واباوعلو وكل شوية اشغل الشاشة واشوف شكد وصل الشحن
.
.
جان حاطلو كفر ابيض وبيه رسمة بنت ويتغلف بيه الجهاز من كدام ومن ورا مو مثل الكفرات الحالية اجى عمي وكال من يوصل 100 خليه فد نص ساعة وبعدين استعمليه
.
.
كلتلو هواي كال علمود ما تخرب بطاريتو ورجعت انتظر وخرب واهسي هسا بيه 70 واحس النقطة تتأخر سنة لحد ما تصعد وفوكها نص ساعة بعد ال 100
.
.
من وصل 100 طرت من الفرح انتظرت 30 دقيقة بالضبط ما خليتو يتأخر دقيقة ورحت على عمي وكلتلو اريد رقم مصطفى علمود اخذ رقم البنات والحجية منو وانطانياه
.
.
بالنسبة لعمي اكيد حريص علي بس لان يعرف مصطفى ويعرفني مستحيل اغلط ولان هم جنت عايشة وياه ما جان يمنعني اني احجي وياه ولو غير واحد مستحيل يسمحلي احجي وياه كلمة وحدة
.
.
اتصلت على مصطفى بس بقيت ويا عمي وعمتي بالصالة علمود ما يشكون بشي من اروح لحالي بس صدمني صوت كاضم من فتح الخط
.
.
.......... يتبع
لايك وتعليق حلو مثلكم ❤
حطولنا ارائكم وتوقعاتكم ❤
بيج الفيسبوك @AS413