طيوف الماضي

البارت(72) طيوف_الماضي الكاتب احمد

بارت بدون تعديل وقصير لان عندي صداع لدرجة ما اكدر ارتبو بس ما حبيت اخليكم بدون بارت
#طيوف_الماضي
بقلم #احمد
البارت_72
.
.
بعد ما راح علي للبيت اني هم رجعت للبيت وحاولت اتمالك اعصابي وارجع طبيعي خلص صار الي صار والضوجة والعصبية ما تفيد بعد رجعت للبيت لكيت امي رايحة وماخذة رانية وياها بقيت كاعد بالصالة واخواني بقو ساكتين ما يريدون يحجون ويضوجوني ومر اليوم طبيعي بس جنت كلش مفتقد جنى ورانية وبالاخص جنى كل شوية اكول هسا تجي لو هسا ترجع ومو طايق البيت بدونها ياريتها حاجية شنو الي صاير وياها ومخليتنا نحل الموضوع بالتفاهم بدون ما يكبر بالليل بقيت كاعد لصلاة الفجر ومو كادر انام وهي بعيدة عني وبعد الصلاة نمت من التعب وابد ما حسيت براحة بنومتي ثاني يوم كعدت الصبح اخذتلي دوش ونزلت تريكت وطلعت للمضيف وجنت مفكر اروح لجنى بس الي منعني انو علي وزوجتو وهيثم مو بالبيت وهي والقصد من هاي مو انو عيب لا بالاول والاخير هي زوجتي وعادي كلش اروح احجي وياها بس خفت انو تعلي صوتها لو تعاند مثل البارحة وافقد اعصابي واسوي شي اندم عليه لان من اعصب كلش ما انتبه لكلامي وتصرفاتي لذلك ما رحت واجلتها وبقيت بالمضيف ومن يحجي وياي شخص كلمة اسمعها و10 ما اسمعها وتفكيري كلو عند جنى ورانية علي من رجع من دوامو تغدا ونام وما اجى للمضيف واني بقيت انتظرو حتى عالغدا ما رحت وكلت لاهلي ما اشتهي علمود ما يدزولي عالمضيف وبالحقيقة ما جان الي نفس اكل ووقت الغدا جنت لحالي بالمضيف كلت لنفسي اي يا مصطفى وحدة طولها شبر ونص تسوي بيك كل هذا انت الي شايل عشيرة كاملة على كتوفك تجي بنت وحدة تاخذ كل تفكيرك وتخليك ما تعرفك ليلك من نهارك العصر اجى علي وكلي ما حجيت وياها ولا هي جابت طاري ورغم احس نفسي اريد انفجر بس كلتلو تمام وبقيت ساكت وهو بقى بالمضيف للمغرب ورجع للبيت واجى شاهين كلي عالعشى كلتلو مو مشتهي
.
.
شاهين: ما يصير هيج يخوي لا غدا ولا عشى
مصطفى: شاهين رحمة لوالديك عوفني
شاهين: بس كلي شتستفيد
مصطفى: بس عوفني ولا تجيب اكل للمضيف
شاهين: يعني راح تبقى تعاند
مصطفى: اي يخوي راح ابقى اعاند
شاهين: تمام اني اترخص لعد
مصطفى: مرخوص
.
.
عافني وطلع ضايج واني ضايج اكثر منو من اذن العشاء صليت العشاء بسرعة ورحت لبيت ابو هيثم دكيت الباب وطلعلي هو ودخلني داخل جنى جانت كاعدة بصفحة بالصالة وحاطة رانية بحضنها حطتها بحضن امها وراحت تسوي جاي وامها جابت رانية حطتها بحضني فتحت كماطها وجنت كلش مشتاقلها حضنتها واشتميت عطرها وبيها عطر امها واحس ردتلي روحي من شميت عطرها شوية وجابتلنا الجاي جنى وماعرف وين راحت كلت لعلي شصار وياك
.
.
علي: مو كلتلك خليها ترتاح يومين يمي
مصطفى: وابقى اني يومين محتار شنو صاير وياها
علي: يعني ماتكدر تصبر هاليومين
مصطفى: يعني بشرفك لو اكدر اصبر اجي للبيت اسألك
رؤى: هسا اني اروح اسألها وافتهم منها
مصطفى: تمام
.
.
راحت ام هيثم غابت تقريبا نص ساعة ورجعت مبتسمة ومبين كاتمة ضحكتها كعدت يمنا كلتلها ها حجت كالت اي وحطت ايدها على راسها وضحك وكالت والله مخبلة هالبنية كلتلها ليش كالت تغار من رانية وتكول من اجت رانية عافني وصار يحبها هي ويهتم بيها اكثر مني واني عايفني ولا كأنو موجودة كملت كلامها وانفجرت بالضحك وعلي ابتسم واني مصدوم معقولة كل هذا علمود هيج موضوع تافه هيثم جان بالمطبخ ماعرف شيسوي طلع راسو ويصيحلي صوفي حبيبي واهلو زادت ضحكتهم كلتلها كل عقلج تحجين
.
.
رؤى: والله هذا كلامها
مصطفى: شنو قابل ما اهتم ببنتي الوحيدة
رؤى: اقنعها هي بهذا الكلام
.
.
مصطفى: عفتهم ورحت عليها للغرفة دخلت عليها جانت دا تنوم رانية كعدت عالسرير وكلتلها منو الي حط هالكلام براسج وقنعج بيه
.
.
جنى: محد حط براسي كلام
مصطفى: لعد منين جبتي هالحجي
جنى: واضح من تصرفاتك
مصطفى: لج بابا لا تخبليني يا تصرفات
جنى: بعبرة .. عايفني وما تهتم بس بيها وفوك هاي صاير تنومها بحضنك واني ولا مهتم لوجودي
مصطفى: ههههههههه بالله كل عقلج انتي
جنى: بعصبية .. لا تضحك
مصطفى: كتمت ضحكتي .. خلص يابة تأمرين
جنى: ما يأمر عليك ظالم
مصطفى: اذا هيج معناها انتي ما تأمرين علي
جنى: مافهمت
مصطفى: انتي ظلمتيني
جنى: لا ما ظلمتك
مصطفى: وحق الله ظلمتيني
جنى: لا ما ظلمتك هاي الحقيقة
مصطفى: لج بابا لو ما مهتملج مو بوقت الولادة بقى بس البجي ما بجيتو عليج لان تتوجعين
جنى: اي عفت البجي علمود تبجيه لبنتك
مصطفى: شنو يعني تريدين بنتج تموت علمود ابجي عليها
جنى: لا بسم الله عمرها طويل والله يبعد عنها الموت بس قصدي انو خليت البجي الها لان هي تستاهلو اكثر مني الظاهر لان من هسا اخذت مكاني
مصطفى: لعد لكيت خوش حل
جنى: شنو هو
مصطفى: نتبرع بيها ونبقى لحالنا
جنى: مصطفى ترا مدا اتشاقة
مصطفى: ولا اني خلي ننطيها لاهلج
جنى: شيسوون بيها
مصطفى: تصير بنيتهم لان انتي صرتي بنيتي
جنى: ههههههه لا اني بنيتك وهي بنيتي واني ما انطي بنيتي مهما كان السبب
مصطفى: دكومي كومي
جنى: وين
مصطفى: كومي خلي نرجع للبيت طولتي ترا وكلش مشتاقلج
جنى: بدون فايدة حتى لو اجيت وياك لا تنسى بعدلي تقريبا شهر
مصطفى: ليش تفكيرج منحرف
جنى: يااااااا هاي اني
مصطفى: اي انتي لان قصدي بس احضنج وانام
جنى: شكد خبيث فلا اجي وياك يلا روح احضن امك ونام ما اجي وياك اريد انام بحضن بنيتي
مصطفى: هههههههه لا امي شبعت من احضان ابوي
جنى: الله يرحمو
مصطفى: ديلا كومي لا اضربج جلاق
جنى: ههههه لا يابة كايمة لعد هو اني مابي نفخة
.
.
مصطفى: انطتني رانية لان جانت نايمة وجمعت ملابسها وغراضها هي ورانية بالجنطة وبعدها اخذت رانية واني شلت الجنطة وطلعنا من شافنا ابو هيثم كال ترا مرة ثانية اذا زعلت بنيتي ما اخليك تاخذها وابقيها يمي وانت شوفلك وحدة غيرها كالت جنى اذا هيج لعد تطمن بابا ماراح ازعل تشكرت من علي وزوجتو واعتذرت انو سببنالهم قلق بمشكلتنا وبعدها مسكت جنى من ايدها ورحنا سوا للبيت ولحكنا هيثم يغني ويصفك لان تصالحنا اني واختو
.
.
جنى: من حجى وياي كأنو مدمن ولكى مخد..رات فورا هدأت وكأنو ماي بارد ونزل على كلبي وطفى النار الي جانت محتركة بيه وتحركو بنفس الوقت بعدها رجعنا للبيت واعتذرت من الحجية والولد لان من تعاركنا رفعت صوتي بوجودهم بس صدك غبية اعتذرت منهم وعفت مصطفى الي رفعت صوتي عليه هيثم كعد يم الحجية كاللها ما شفتي شصار ذبحو نفسهم جنى ومصطفى كاعدين بالغرفة ويبجون واني ادك الباب وبابا يدك الباب وماما تدك الباب وما يفتحون قافلينو ويبجون على بعض مصطفى فك حلكو ومنصدم من جذبتو باوعلي كال روحي بدلي وتعالي عازمج على عصير وانت كاضم امسكو قبل ما ينهزم هيثم كمز عليه كاضم ومسكو اني عفتهم وصعدت بدلت ورجعت لكيت مصطفى ماسك هيثم من رجلينو ورافعو وشاهين وكاضم يدغدغون بيه وصوت ضحكو واصل لسابع جار والحجية تصيح عليهم علمود يعوفوه ومو مهتمين الها من شفتهم هيج رحت اخذتو من مصطفى ونزلتو بالكاع وكعد يم الحجية وينهت من التعب سحبتو الحجية لحضنها وكالت سودة علي كطعتو نفسو خطية وراح مصطفى غسل ايديه وكال عوفي رانية عند امي ماطول نايمة وانت كاضم كوم وياي كال اني شعندي جاي وياكم كال محتاجك بشغلة كوم بسرعة واجى ويانا ورحنا للعمارة وكف عند محل عصاير وحلويات ونزلو هو وكاضم شو شوية واجى لحالو ووياه عصير وحلويات كلتلو وين كاضم كال اخذت حصتهم وتوكل كلتلو وين توكل كال يدبر نفسو حتى لو يرجع مشي ضحكت وكلتلو المهم اخذ حصتهم مدخلنا بيهم بعد كال وهو كذلك واخذني لنهر دجلة ووكف السيارة وكال تشوفين هالمكان مستحيل اضوج من شي لو تصير وياي مصائب اذا ما اجي افرغ الهم الي بكلبي بيه كلتلو ربي يبعد عنك الهم والمصائب والحزن سحب راسي وباسني بكصتي وكال تعالي كدام السيارة ونزلت وهو راح ورا السيارة شوية واجى جايب وياه كراسي ثنين من الي ينصفطن حاطهن بالسيارة وجاب وياه العصير والحلويات وبدينا نتناقش علمود رانية وهم نقضي وقت وهو يقنعني ان هي بنتو ولازم يهتم بيها علمود ما يكسب ذنب اهمالها وبنفس الوقت مستحيل اهتمامو بيها يأثر على حبنا اني وياه بالبداية ما جنت مقتنعة بكلامو بس خفت انو صدك اكسب ذنبها لهذا وافقت ورغم اني زعلت عليه ذاك النهار بس اني متأكدة يحبني بجنون وجنت محتاجة احد يشجعني انو اخليه يهتم بيها ويطمني انو ماراح ينساني وهو طمني وشجعني بنفس الوقت من صارت الساعة 10 رجعنا للبيت علمود رانية من رجعنا اول ما دخلنا باوع علينا هيثم وكال صخام اجو المخابيل
.
.
الحجية: اي والله مخابيل
هيثم: شنو رايج نطردهم
الحجية: اي نطردهم ليش لا
هيثم: شوف شوف مصطفى امك تريد تطردك
مصطفى: هسا ما فهمنا انت تحرش امي علي لو تحرشني على امي
.
.
هيثم: الاثنين سوا
مصطفى: مو غريبة عليك
جنى: هيثم يلا روح نام وراك دوام
هيثم: يلا تصبحون على خير
الكل: وانت بالف خير
الحجية: وانتي يمة ايمتى تداومين
جنى: ماعرف والله محتارة برانية
الحجية: وليش محتارة بيها
جنى: لا اكدر اخذها ولا اكدر اعوفها
الحجية: يوميا بدليلها ورضعيها وخليها يمي لحد ما ترجعين
هند: اي عوفها واني هم ادير بالي عليها ويا ليلى
جنى: مصطفى شنو رايك انت
مصطفى: خلي عوفيها عند امي وباجر اجيبلها حليب احتياط اذا تأخرتي عليها
هند: ما يحتاج اني ارضعها هالمرة او مرتين باليوم
الحجية: اي صحيح بس لازم انت وكاضم توافقون
كاضم: اني ما اوافق
الحجية: ليش
كاضم: علمود يتأدب مرة ثانية ابوها وما يعوفني بالسوك بدون سيارة
مصطفى: هاي هي لعد من باجر تبلشين بالدوام
جنى: إن شاء الله
كاضم: ترا بعدني رافض
مصطفى: اي خليك رافض
شاهين: الله يعينك يخوي
كاضم: والله يخوي ولا احد معبرني
شاهين: لك حتى هند ما حجت شي
كاضم: مو انتي ما تعرف السالفة
شاهين: يا سالفة
كاضم: هند تخوفني وجنى تخوف هند
شاهين: من صدك الله مسلط ناس على ناس
كاضم: واني اسفل السافلين
شاهين: هههههههه الي يجي يكفخ بيك
.
.
جنى: بقو يتناقشون ويصنفون على بعض واني زن كعدت رانية اخذتها للغرفة رضعتها وبدلتلها ومن اجى مصطفى خليتها بحضنو وعفتهم ونمت
.
.
........ يتبع
لايك وتعليق حلو مثلكم ❤
حطولنا ارائكم وتوقعاتكم ❤