تصويت ومتابعه لحنى توصلكم باقي البارتات والقصص❤😁
#طيوف_الماضي
بقلم #احمد
البارت_17
.
.
شوية واجى سيف مبين هسا كاعد من النوم اول ما وصل الباب سحبتو بقوة وزتيتو بنص الشارع والجنود حجزو اخوانو عني كام على حيلو ويهدد
.
.
مسكتو من ياختو وضربتو بوكس وكعتو بالكاع وكعدت فوكو واستلمتو راشديات وبوكسيات الا زوركت وجهو انداريت شفت ابوه وكوة مسكوني الجنود عندو
.
.
وكلت للعميد كلهم تحبسوهم واحد انكس من الثاني واقتحمو البيوت كلها الي بالمنطقة واخذو كل الي بيها
.
.
دخلت لبيت ابو سيف لكيت مرة وخاتلات وراها بنات كلتلها جيبي بناتج والشي المهم عندكم كالت الله يخليك لا تأذي بناتي كلتلها تطمني ما اذيكم
.
.
طلعت خارج شوية واجن وخليتهن يركبن سيارتي وكلت لصاحبي النسوان ذني مسؤوليتي وهن بريئات وانت رتب موضوعهن من يمك كال مو مشكلة
.
.
ركبت سيارتي وكلتلها راح اخذج يمي بالبيت هالكم يوم بين ما نشوف شنسوي كالت اخذني لاهلي بمنطقة (......) كلتلها خلي اخذج عندي بالاول هم تطمنون عن جنى وتطمن عليكم
.
.
كالت جنى يمك كلتلها اي بقت تدعيلي وتتشكرني من وصلنا دخلتهن داخل ورجعت للمضيف وكلت لكاضم اليوم المغرب تجيبلنا فرش هنا اني وانت وشاهين وممنوع تدخلون البيت لحد ما يروحن المرة وبناتها
.
.
وتغديت ووصيت شاهين يسوون عشى للمرة وبناتها ورحت للمنطقة الي اهلها بيها جانت شوية بعيدة سألت عنهم وصلت بيتهم دكيت الباب وطلعلي ولد عمرو بالعشرين
.
.
سلمت عليه وكلتلو حجي سلمان موجود (ابو المرة) كال اي تفضل دخلت للاستقبال شوية واجى رجال جبير عمرو بال 80 رحب بي وكعد
.
.
سلمان: منو انت بلا صغيرة بيك ما عرفتك
مصطفى: اني شيخ مصطفى شيخ عشيرة (-----) وجايك بموضوع مهم واريدك باجر تجيني للبيت
.
.
سلمان: وشنو الموضوع ابني
مصطفى: مغاجأة كلش راح تحبها
سلمان: غير اعرف شنو الموضوع علمود اجي
.
.
مصطفى: بهالطريقة ماراح تكون مفاجأة
سلمان: تمام باجر باي وقت تريدني اجيك
مصطفى: الصبح
.
.
سلمان: تمام باجر بأذن الله اني يمك
مصطفى: وهسا اني اترخص
سلمان: تتعشى يمي
.
.
مصطفى: خيرك سابق عندي ضيوف ولازم ارجع
سلمان: ماطول عندك ضيوف ماكدر اجبرك
مصطفى: في امان الله
سلمان: الله وياك
.
.
جنى: طلعت من المطبخ لكيت ام سيف وبناتها كدامي ورحت ركض عليها ومو مصدكة انها كدامي كلتلها شلون وايمتى خلصتي منهم وكالت بفضل الله ثم مصطفى
.
.
سلمت عالبنات كلهن وكعدت وياها خطية جانت محرجة لان اجت من مكان قذر ومحد يصدك ان بناتها شريفات وبنفس الوقت ماتعرف اهل مصطفى وتحس باحراج عندهم
.
.
شوية واجى شاهين جايب لحم وكال لهنادي مصطفى يكول قومو بواجب المرة وبناتها وراح ورحت ويا هنادي للمطبخ اساعدها هي واماني رغم ما كالن الي بس ما احب ابقى كاعدة واجت يمنا ميلاد بس جانت شبه مقيدة
.
.
ميلاد: جنى ما لكيتي عمج
جنى: لا والله بعد
ميلاد: الله كريم
.
.
جنى: شصار وراي
ميلاد: ابوي وسيف تخبلو لان كدرتي تنهزمين
جنى: اي وشسوو
.
أنت تقرأ
طيوف الماضي
Romanceبين عثرات الحياة تضع طفلة اثار اقدامها الصغيرة لتقاوم قسوة الواقع وظلم الانسان يجرفها القدر من واقع اليم الى واقع وحشي تضيع طفولتها وسنين حياتها بين ذئاب بشرية لتكون فريسة سهلة المراد بين طمع ورغبة وظلم والم يتلألئ خيط الامل فهل تستطيع الامساك به ا...
