"ချစ်လို့ လွမ်းလို့ သူ့အနမ်းတွေနဲ့နေချင်လို့"
[Episode - 24]
ဖြတ်သမျှ Toll gate တွေကို ကိုညီသစ်အကူအညီနှင့်စုံစမ်းကြည့်ရသည်။ ကြွက်တက်ဆုံ toll gate ရောက်တော့မှ CCTV ထဲမှာမြင်ရသည့် အံစာတုံးကားအဖြူရောင်ထဲမှာယောက်ျားတွေချည်းငါးယောက်ပါပြီး နှာခေါင်းစည်းအုပ်ထားသည့်အမျိုးသမီးတစ်ယောက်ကဘေးကတစ်ယောက်၏ပုခုံးပေါ်မှာမှီရက်သား။ zoom in ချဲ့ကြည့်တော့...
"ရဲသွေး"
"ဒါ ရဲသွေးမဟုတ်လား ကင်း"
"အစစ်ပဲ တောက်!"
"ဒီကောင်ဘာအချိုးချိုးတာလဲ"
သူ့လူကိုယ့်ဘက်သားလုပ်သွားသည့်ရဲသွေးကိုတာယာကလည်းမကျေနပ်။
"ဒီကောင်ကသတင်းမိထွေးရဲ့မောင်ဆိုတော့ ငါထင်တာအမွေကိစ္စကြောင့်များလား"
"မင်းမှန်းသလိုဖြစ်ပါစေပဲ ဥစ္စာပစ္စည်းအတွက်ကြောင့်ဆိုရှိသမျှပုံအောပြီးလဲရဲတယ် အခုက..."
စကားမဆက်နိုင်ဖြစ်ရတဲ့အထိ ဘာဆက်ဖြစ်မလဲကြိုမပြောရဲပါ။ သူ့အတွေးနဲ့တောင်သူမလေးကိုထိခိုက်သွားမှာမလိုလား။ လီယိုပြောတာဟုတ်ပါ၏။ ကံဆိုးစွာနှင့်သူ့အချစ်အာရုံကိုလှုံ့ဆော်လိုက်တာက ဒီအခြေအနေကြီးတဲ့လား။
မျက်မှောင်ကြီးစုကျုံ့ေနတဲ့မျက်ခုံးရိုးနှစ်ဖက်အပေါ် သူ့လက်ညှိုးနဲ့လက်မတင်လိုက်ပြီး ခေါင်းငိုက်စိုက်ကျနေတဲ့ကင်းကို တာယာကပုခုံးတစ်ဖက်အားဖျစ်ညစ်လိုက်ရင်း...
"ဘာမှမဖြစ်နိုင်ပါဘူး သူကဉာဏ်ကောင်းပါတယ်"
ချစ်တယ်လို့သာတစ်ခွန်းမပြောတာ မျက်စိအောက်ကအပျောက်မခံတဲ့ကောင်ဆီကတောင်ထွက်သွားနိုင်သေးတာပဲ။ မပွင့်လင်းတဲ့ကိုယ့်သူငယ်ချင်းကိုပဲမချင့်မရဲဖြစ်ရတော့သည်။
"ဒီတစ်ခါပြန်တွေ့ရင် သတင်းကိုပြောလိုက်ဦး"
"ဘာပြောရမှာလဲ"
ကင်းကမျက်လုံးလှန်ကြည့်ပြီးမေးသည်။
"ဖြစ်ဖြစ်မြည်အောင်ချစ်နေပါတယ်လို့"
"အင်း"
ဒီတစ်ခါတော့ငြင်းသံထွက်မလာတော့ပါ။ အရင်ကသူစရင် မဟုတ်ဘူးငြင်းနေကျ။
YOU ARE READING
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romance[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
