[Unicode]
"ချစ်လို့လွမ်းလို့သူ့အနမ်းတွေနဲ့နေချင်လို့"
Season 2, [Episode - 53]
"ဉီးထွဋ်ခေါင်"
"စူးရှလေးနက် မင်း!"
ကျဉ်းမြောင်းစူးရှသောအကြည့်တို့သာမြှားတစ်စင်းဖြစ်နေခဲ့လျင် သူတို့နှစ်ဦးလုံးကိုထိမှန်ကြမှာမလွဲပေ။
"မင်္ဂလာပါ"
နှုတ်ခမ်းထောင့်စွန်းတစ်ဖက်ကွေးရုံကွေးတက်သွားကာ ပြုံးသည်မမည်သောအပြုံးမျိုးနှင့်ကင်းကနှုတ်ဆက်သည်။
ဦးထွဋ်ခေါင်ကထိုအပြုံးကိုမီးဝင်းဝင်းတောက်နေသလိုမျက်လုံးများနှင့်စိုက်ကြည့်လိုက်ပြီး အခန်းထဲသို့ခြေတစ်လှမ်းတိုးဝင်လိုက်၏။ထို့နောက် ကင်းအင်္ကျီကော်လံကိုဆောင့်ဆွဲလိုက်ကာ...
"မင်း ငါ့အိမ်ထဲဘယ်လိုဝင်လာတာလဲ..ငါ့သမီးအခန်းထဲဘယ်အချိန်ကတည်းကရောက်နေတာလဲ"
"ဟိုပြတင်းပေါက်ကဝင်လာတာ..လွန်ခဲ့တဲ့ဆယ့်ငါးမိနစ်လောက်ကတည်းက"
ဂရုမစိုက်စွာဖြေပုံက မသိရင်ရွဲ့ဖြေနေသလိုမျိုးဖြစ်လျက် ဦးထွဋ်ခေါင်၏ဒေါသမီးကိုလေပင့်ယပ်ခပ်ပေးနေသည့်နှယ်။
"ဦးစူးရှ..."
"သူမေးတာကိုယ်ဖြေတာလေ"
"ဟေ့ကောင် မင်းကိုသိချင်လို့မေးနေတယ်ထင်လို့လား"
"ဪ သိပြီးသားကိုး"
"မင်း!"
*ခွပ်*
ကင်းမျက်နှာတစ်ခြမ်းလည်ထွက်သွားကာ ပြန်လှည့်လာတော့နှုတ်ခမ်းထောင့်စွန်းမှာသွေးစတို့နှင့်ဖြစ်၏။
"ဘိုးဘိုးကြီး"
"ဟင်..."
"မီးမီးလေးဒယ်ဒီ့ကိုနာအောင်မလုပ်ပါနဲ့နော်"
လက်သေးသေးလေးတစ်စုံသည် ဦးထွဋ်ခေါင်၏ဘောင်းဘီစကိုဆွဲထားရင်း မျက်ရည်အဝိုင်းသားလေးနှင့်တောင်းပန်တိုးသျှိုးနေရှာ၏။
မြေးမလေးငိုနေတာလား။ သူ့မြေးမလေးရှေ့မှာ စူးရှလေးနက်ကိုမဆင်မခြင်ထိုးချလိုက်မိတာပေါ့။ သူ့ပုံစံကိုမြေးကကြောက်သွားလေမလား။
أنت تقرأ
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
عاطفية[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
