"ချစ်လို့ လွမ်းလို့ သူ့အနမ်းတွေနဲ့နေချင်လို့"
Season 2, [Episode - 68]
"မာမီ မာမီ!"
မိုချီကအိမ်ရှေ့ဆင်ဝင်အောက်ကားထိုးရပ်လိုက်ကတည်းက ကားတံခါးဖွင့်လိုက်တာနှင့်အိမ်ထဲတန်းခနဲပြေးဝင်လာကာ သတင်းကိုခေါ်နေဆဲက...
"ဒီနေ့ Monday နော်"
"ဟုတ်ပါ့ရှင်"
"အာ့ဆို ဒယ်ဒီရော"
မီးဖိုခန်းထဲသမီးအတွက်ကြက်ဥပူတင်းဖုတ်ပေးရန်ပြင်ဆင်နေသောသတင်းဘေးလာရပ်ကာမျှော်လင့်ကြီးသောမျက်ဝန်းတို့နှင့်မော့မော့လေးမေးသည်။
"ရောက်သေးဘူးသမီးရဲ့..နေဦးမာမီဖုန်းဆက်ကြည့်ဦးမယ်"
ကြက်ဥပူတင်းတို့ထည့်ထားသည့် အပူခံ cup လေးအား oven ထဲထည့်ပိတ်လိုက်ကာ စားပွဲပေါ်တင်ထားသည့်ဖုန်းဆီသွားသည်။ သမီးကသတင်းနောက်ပါလာတာကြောင့်...
"ကျောင်းဝတ်စုံအရင်သွားလဲနှင့်နော်"
"မာမီကလည်း"
"အိပ်စည်းကမ်းကျောင်းစည်းကမ်းပဲနော်မိုချီ...သူ့နေရာနဲ့သူသင့်တင့်လျောက်ပတ်တဲ့အသုံးအဆောင်ကိုသုံးရစွဲရမယ်လို့ဒယ်ဒီပြောမထားဘူးလား...မာမီသမီးကုတင်ပေါ်မှာပြင်ပေးထားတယ် သွားလဲလိုက်နော်"
"ဟုတ်"
စကားနားထောင်သည့်မိုချီကကျောင်းလွယ်အိတ်ကလေးပိုက်ကာ သူမရှေ့ကထွက်သွားမှ ဦးရှဆီဖုန်းခေါ်ခြင်းအလုပ်ကိုစရသည်။
*တီ တီ တီ*
ဖုန်းကဝင်မသွားပဲ တစ်တီတီပေးသံနှင့်အတူပြန်ကျသွားသည်။ ဖုန်းလိုင်းမကောင်းလို့များလားလို့ကြည့်လိုက်တော့ တကယ်ပင် signal ပျောက်နေ၏။ ဖုန်းကိုလိုင်းရလိုရငြား airplane mode ခေတ္တ on ထားလိုက်ကာ ထမင်းစားပွဲဝိုင်းကခုံမှာပဲဝင်ထိုင်ချလိုက်၏။
"မသတင်း"
"ကိုအေးချမ်း ဘာဖြစ်လို့လဲ"
"လေးလေးကြီး မသတင်းကိုရှာနေတာ"
"ဖေဖေလား...ဘယ်မှာတုန်း"
"ဧည့်ခန်းထဲမှာစောင့်နေတယ်"
YOU ARE READING
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romance[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
