[Unicode]
"ချစ်လို့ လွမ်းလို့ သူ့အနမ်းတွေနဲ့နေချင်လို့"
Season-2,[Episode - 54]
ကလေးပစ္စည်းတွေထုတ်ပိုးသိမ်းဆည်းပေးနေရင်း လက်တွေကသာလှုပ်ရှားနေတာစိတ်ကကိုယ်နဲ့မကပ်ဖြစ်နေရ၏။
"ပန်းလေး ပြီးပြီလား"
အခန်းထဲဝင်လာသည့်ဒေါ်မြတ်ထွဋ်ခေါင်ကသတင်းအခုထိမပြီးသေးတာကိုမြင်တော့ ကုတင်ပေါ်ဘေးတစောင်းဝင်ထိုင်လိုက်ကာ အဝတ်ခေါက်ကလေးတွေကို သားရေအိတ်လေးထဲကူထည့်ပေးသည်။
"ကြာနေလို့တက်လာတာ မူကြိုကကလေးကိုသူ့ဘိုးဘိုးကြီးသွားကြိုတာတောင်ပြန်ရောက်တော့မယ်"
"သတင်း မိုချီလေးကိုအပြီးပေးပစ်လိုက်ရမလိုခံစားရတယ်တီမြတ်ရယ်"
လတ်စသတ်တော့ ပစ္စည်းထည့်ပေးရင်းအချိိိန်ဆွဲနေရှာတာကို။ ကလေးအမေလေးသာဖြစ်သွားတာ ပန်းလေးဆိုတာသူမတို့အတွက်တော့ထာဝရကလေးငယ်ပဲဖြစ်လေသည်။ သူမလေးခံစားနေရတာကိုနားလည်သလို မောင်ထွဋ်စီစဉ်လိုက်တာလည်းကျိုးကြောင်းဆီလျော်တာကြောင့် ဒေါ်မြတ်ထွဋ်ခေါင်အသာကြည့်နေခဲ့တာပါ။ တကယ်ဆို သမီးယောက္ခမတော်ဖူးတဲ့နှစ်ယောက်က တံစောင်းစည်းနဲ့မျက်ချေးလိုမတည့်ကြသူတွေ။ တစ်ယောက်ကိုတစ်ယောက်ထိုးကြိတ်ရန်စောင်ရမယ့်အစား ကလေးမျက်နှာနှင့်ဒီလိုနည်းလမ်းကိုရွေးခဲ့ကြတာပဲကျေးဇူးတင်ရဦးမည်လေ။
"အကြာကြီးခွဲရမှာမှမဟုတ်ပဲကွယ် မြေးလေးပြန်လာရင်ပန်းလေးကမျက်နှာညိုနေလို့မဖြစ်ဘူးဆိုတာသိတယ်မို့လား"
"ဟုတ် သတင်းသိပါတယ် အာ့တာကြောင့်လည်းမငိုမိအောင်ထိန်းထားတာပါ"
သဲတယ်ကဲတယ်ပဲပြောပြော သမီးလေးနဲ့သတင်းကတစ်ညလေးတောင်ခွဲမအိပ်ဖူးတာကို တစ်လဆိုတဲ့ကာလကြီးဘယ်လိုဖြတ်ကျော်ရပါ့မလဲ။
"မိုချီေလးကမခွဲနိုင်မှာပဲစိုးတာပါ"
"တီမြတ်မြေးက သူ့ကိုမြင်ရင်ဒယ်ဒီဆိုတာပါးစပ်ဖျားကမချတော့ဘူး သတင်းနဲ့ခွဲစရှိသွားရင်သူ့နောက်အမြဲကပ်နေချင်သွားမှာကိုပိုစိုးရမှာ"
KAMU SEDANG MEMBACA
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romansa[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
