[Unicode]
"ချစ်လို့ လွမ်းလို့ သူ့အနမ်းတွေနဲ့နေချင်လို့"
Season 2,[Episode - 55]
"ဒယ်ဒီ"
".........."
"ဒယ်ဒီလို့"
"ဟင် အင်း သမီးလေး ဘာလိုလို့လဲပြော"
သမီးကိုအိပ်ပျော်အောင်မနည်းချော့သိပ်ထားရတာမို့ သူ့မှာညည့်နက်မှမှေးခနဲပျော်သွားတာပါ။
နာရီကြည့်လိုက်တော့ ညဆယ့်နှစ်နာရီတိတိ။
"မိုချီ စူစူးပေါက်ချင်လို့"
"လာ"
သမီးကိုပွေ့ချီပြီးရေအိမ်ပို့ပေးရသည်။
"ဒယ်ဒီတံခါးပိတ်ထားနော်"
"အင်းပါ ဒယ်ဒီပိတ်ထားတယ် စိတ်ချလက်ချသွား"
သူ့မှာဖြေလည်းဖြေရင်း ရယ်ချင်လာတာမို့အိပ်ချင်မူးတူးကနေမျက်လုံးပြူးလာရ၏။
ရေဆွဲချသံကြားလိုက်ပြီးမကြာလိုက်ပဲ မယ်မိုချီတို့ပြန်ထွက်လာသည်။
"finish?"
"finished"
တစ်ခါပြန်ပွေ့ပြီးအိပ်ရာပေါ်တင်တော့မှသမီးကဇာတ်လမ်းစလာ၏။
"မီးမီးလေးမာမီကိုသတိရတယ်"
သတင်းကိုတလာပြီသူဘယ်လိုဖြေရမလဲ။ နားထင်ကိုတို့ခြစ်ရင်းအဖြေပေးဖို့စဉ်းစားရသည်။
"သမီးလေးမာမီကနောက်တစ်လနေရင်တွေ့ရမှာလေ"
"ဟင့်အင်း အခုတွေ့ချင်တာ မာမီ့ကိုခေါ်ပေးပါနော်"
သနားစဖွယ်မျက်နှာပေးလေးနှင့်တောင်းဆိုနေသောမိုချီ့ကိုမငြင်းချင်ပေမယ့်...
"မာမီကအခုချိန်ဆိုအိပ်နေမှာပေါ့သမီးရဲ့..မနက်ကျမှဒက်ဒီဖုန်းခေါ်ပေးမယ်လေ"
"ဟင့်အင်း"
"သမီးကလိမ္မာပါတယ်"
"ဟင့်အင်း..."
"ဒယ်ဒီပုံပြောပြမယ်လေ ခုနကပြောတဲ့ ငလက်မလေးအကြောင်းလေ"
"ငလက်မလေးကတင်းပုတ်နဲ့ထုခံရလို့ခေါင်းပြားသွားပြီဆို မိုချီနားထောင်ချင်ဘူး"
ဟုတ်ပါ့။ သူကလည်းသူပဲ။ fairy tale တွေပြောရမယ့်အစား သေတာကြေတာတွေကလေးကိုအိပ်ခါနီးပြောရတယ်လို့။
DU LIEST GERADE
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romantik[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
