"ချစ်လို့ လွမ်းလို့ သူ့အနမ်းတွေနဲ့နေချင်လို့"
[Extra]
သီတင်းကျွတ်အခါသမယမို့ မန္တလေးမြို့ကဖေကြီးနဲ့တီမြတ်ကိုကန်တော့ဖို့ရာ သတင်းတို့မိသားစုလေးခရီးထွက်လာကြခြင်းဖြစ်သည်။
"မာမီ..စူးလေးအိပ်သွားပြီ ချိုလိမ်ဖြုတ်လိုက်ရမလားဟင်"
ကားနောက်ခန်းမှာခြေကားလက်ကားအိပ်နေသည့်သားငယ်လေးစူးရှထက်မြတ်ကို မိုချီလေးကအမကြီးအမိရာပီပီသသစောင့်ကြည့်ပေးသည်။
"ဖြုတ်ရင်သမီးမောင်မောင်လေးကအဲ့ခနဲထအော်မှာပေါ့..ဒီတိုင်းထားလိုက်နော်"
"ဟုတ်"
သမီးလေးကစူးလေးကိုတအားချစ်တာသိသာသည်။ ဘယ်သွားသွားသူ့မောင်မောင်လေးကိုမျက်စိအောက်ကအပျောက်ခံတာမဟုတ်။ ကျောင်းသွားတဲ့အချိန်ဆိုရင်ေတာင် မောင်မောင်လေးကိုလွမ်းလို့စာကောင်းကောင်းမလုပ်နိုင်ပါဘူးတဲ့။
ကားစီးတာတောင်မောင်မောင်လေးနဲ့နောက်ခန်းမှာတူတူစီးချင်တယ်ဆိုတာကြောင့် ခြောက်လသား,သားသားအဆင်ပြေအောင် baby seat လေးကိုဦးရှကသေချာလေးစီစဉ်ပေးရသည်။ ကလေးတွေကသူ့ဟာနှင့်သူအဆင်ပြေကြသော်ငြား သတင်းဘေးကကားမောင်းနေသည့်လူကြီးကိုတော့ နားချစရာရှိတာကြိုတင်နားချရ၏။
"ဦးရှ..ဖေကြီးနဲ့စကားပြောရင်အနိုင်လုမပြောရဘူးနော်...ဖေကြီးဘာပြောပြောသည်းခံပေးပါဦးရှရယ်နော်"
"ကိုယ်ကြိုးစားမှာပါ"
သတင်းမျက်နှာလေးကိုငဲ့ကြည့်လာပြီး မယုတ်မလွန်ပြောကာကားကိုရှေ့ဆက်မောင်းသည်။ ချောမြဲချောနေသည့်မတည်မပြံုးသူ့မျက်မှာဘေးတစောင်းကိုကြည့်ရင်း သတင်းနှုတ်ခမ်းလေးစူသွားရကာ...
"အဲ့ဒိအဖြေကမလုံလောက်ဘူးနော် ဦးရှ"
"ကဲ..ဘယ်လိုဖြေရင်လုံလောက်မှာလဲသခင်မရယ်..နှုတ်ခမ်းကြီးကလည်းစူနေပြီကွာ"
သူကရယ်မြူးရိပ်ေတွနှင့်ပြောကာ သတင်းပါးလေးကိုလက်တစ်ဖက်နှင့်လှမ်းဖျစ်တော့ ဆူနေသည့်နှုတ်ခမ်းလေးကထော်လာရ၏။
YOU ARE READING
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romance[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
