ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)

Part 29: Recalling heart beat

Part 29 ကို up ပေးဖို့မေ့ခဲ့လို့ဒီမှာဖတ်နော်

[Unicode]

"ချစ်လို့ လွမ်းလို့ သူ့အနမ်းတွေနဲ့နေချင်လို့"
[Episode - 29]

"ခုမှငိုနေလို့ဘာထူးမှာလဲ ထွဋ်ခေါင် မင်းကတစ်ချိန်လုံးပျောက်နေတာလေ ပန်းလေးစပျောက်တဲ့နေ့ကတည်းကမင်းရှိနေခဲ့ရင် ဒီအခြေအနေထိရောက်သွားမှာမဟုတ်ဘူး မျက်စိရှေ့သာပေါ်မလာခဲ့ရင်မင်းကိုသေလူလို့တောင်သတ်မှတ်လိုက်ရတော့မလို့ပါလား"

မမြတ်ပြောသမျှခေါင်းငုံ့ခံဖို့ကလွဲရင်သူဘာမှမပြောသာတော့ပါ။ ယောက်ျားမတန်မယ့် မျက်ရည်ကျနေမိတာက ကိုယ့်ကိစ္စတွေနဲ့ပဲလုံးပန်းနေရင်းတစ်ယောက်တည်းရှိတဲ့သမီးငယ်လေးကိုပစ်ထားမိခဲ့တာကြောင့်နောင်တရလွန်း၍ပါ။

"ကျွန်‌ေတာ့်ကိုကြိုက်သလိုသာပြောပါတော့မမြတ်ရယ်..ဒီကြားထဲဘာတွေရှိခဲ့ခဲ့ ကျွန်တော့သမီးလေးကိုကျွန်တော်မရရတဲ့နည်းနဲ့မမြတ်ရင်ခွင်ထဲပြန်ထည့်ပေးပါ့မယ်.."

"မမြတ်ကတော့ ပန်းလေးမပျော်ရတဲ့နေရာမှာပဲမနေစေချင်တာပါ"

"ပျော်သည်ဖြစ်စေမပျော်သည်ဖြစ်စေ ကင်းဆိုတဲ့ကောင်ရဲ့ရင်ခွင်ထဲမှာတော့မဟုတ်ရဘူးပေါ့"

သမီးအတွက်လားသူ့အတွက်လားမသဲကွဲသည့်အတ္တတွေနှင့်ထွဋ်ခေါင်ကိုကြည့်ရင်း စိတ်မသက်သာစွာဒေါ်မြတ်ထွဋ်ခေါင်ခေါင်းခါမိတော့သည်။

သမီးလေးနဲ့သူကသားအဖပေမယ့်သူ့တီမြတ်ရဲ့ပြုစုထိန်းသိမ်းမှုအောက်မှာကြီးပြင်းခဲ့ရတဲ့သမီးဟာ စိတ်ထားနူးညံ့ပြီးအပြစ်ကင်းစင်တဲ့က‌ေလး..သူဘာတွေလုပ်နေခဲ့သလဲဆိုတာတောင်ဂဃနဏသိခဲ့တာမဟုတ်။ သူနှင့်ကင်းကြားမှာရှိခဲ့သည့်အစိုင်အခဲတွေဟာ အလွယ်တကူအရည်ဖျော်ချလို့ရတာမဟုတ်တာကြောင့် သမီးဟာသူ့ကြောင့်နဲ့မြေစာပင်ဖြစ်ရတော့မယ်ဆိုရင် သူ့ကိုယ်သူတစ်သက်လုံးခွင့်လွှတ်နိုင်မယ်မထင်ပါ။

"တာနော"

"ဟုတ်ကဲ့သူဌေး"

"ရှမ်းပြည်တစ်ခွင်လုံးပိုက်စိတ်တိုက်ရှာ အာ့တာမှမတွေ့ရင် မြန်မာတစ်နိုင်ငံလုံးမြေလှန်ရှာ ကြားလား"