[Unicode]
"ချစ်လို့ လွမ်းလို့ သူ့အနမ်းတွေနဲ့နေချင်လို့"
[Episode - 35]
"သတင်းက ဘယ်သူလဲ"
*ခွမ်း*
"ညီမလေး ဖန်ကွဲစတွေရှကုန်တော့မှာပဲ"
သတင်းအနားမမလေပြေကပြာပြာသလဲရောက်ချလာပေမယ့် သတင်းနှင့်သူမကြားဖန်ကွဲစတွေကစည်းခြားနေတော့ရှေ့ဆက်မတိုးသာပဲ ရှင်းလင်းရန်ပစ္စည်းကိုဟိုဒီရှာ၏။ ထိုအခါ မနေနိုင်သည့်ကိုတာယာကထလာကာ...
"ဖယ်ဖယ် သတင်းပဲရှမှာမဟုတ်ဘူး နင်ကဖန်စပြီးနေတဲ့လူစွမ်းကောင်းလား"
ဖိဟောက်ပြီးသူပဲဂေါ်ပြားနဲ့တံမျက်စည်းကိုင်လာကာဇိုးဇိုးဇတ်ဇတ်ရှင်းလင်းပေး၏။ အားလုံးဖယ်ရှားပြီးမှ ကျူးလစ်ဖြူတွေနှင့်အပြိုင်နို့နှစ်ရောင်သန်းနေသည့်လက်ဖုဝါးနုနုလေးက သူ့လက်ကိုပြေးဆွဲကာ အငိုမျက်လုံးနှင့်....
"ဦးရှ သတိရလာပြီလားဟင်"
ကင်းကအလိုမကျသည့်အကြည့်နှင့်သူမလက်ကိုဆတ်ခနဲဖယ်ချပစ်ကာ...
"ဟ မင်းဘယ်လိုမိန်းကလေးလဲ ဖယ်"
သူ့လက်ကိုရုတ်တရက်ဆွဲကိုင်လိုက်တာကိုအလိုမကျနိုင်သည့်ကင်းက သတင်းလက်ကလေးကိုနောက်ပြန်ပုတ်ထုတ်ပစ်လိုက်၏။
"သတင်းကိုစိတ်ဆိုးနေတုန်းလားဟင်"
သူမနှုတ်ခမ်းလေးတွေကွေးညွတ်ကျသွားကာ ငိုမဲ့မဲ့ကလေးမေးပေမယ့်သူ့မှဖြေစရာစကားမရှိ။ ဒီမိန်းကလေးကိုသူတကယ်မသိပါ။
"တာယာ ဘယ်သူလဲ"
တာ့ယာ့ကိုသူမေးဆတ်မေးတော့...
"ကင်းကောင်"
တာယာကအံ့ဩသွားဟန်ပေမယ့် သူ့အမေးကိုမဖြေပဲ သူ့ကိုမေးခွန်းထုတ်သည့်အကြည့်နှင့်ကြည့်နေကာ...
"အာ့တာ သတင်းလေ"
ဟုလေပြေကဝင်ဖြေပေး၏။
"ကျစ် အဲ့ဒိသတင်းကဘယ်သူလဲ"
သူ့အမေးကြောင့်သတင်းမျက်လုံးလေးတွေပြူးကျယ်ဝိုင်းစက်သွားကာ သူ့ကိုအထိတ်တလန့်ကြည့်လိုက်၏။
YOU ARE READING
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romance[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
