[Unicode]
"ချစ်လို့ လွမ်းလို့ သူ့အနမ်းတွေနဲ့နေချင်လို့"
Season 2, [Episode - 60]
ငိုနေခြင်းကိုရပ်တန့်လိုက်ကာ စာရွက်ခေါက်ကလေးအား လက်ထဲဆုပ်ထားပြီးနေရာမှထသည်။
လက်ကိုင်အိတ်ကလေးပုခုံးပေါ်ဖြစ်သလိုတင်လိုက်ပြီး သူမအခန်းအပြင်သို့ေရးကြီးသုတ်ပြာထွက်၏။ လှေကားအဆင်းမှာ ယုံယုံကြီးနှင့်တိုးတော့...
"သမီးကိုကြည့်ပေးထားလို့ရမလားယုံယုံကြီး သတင်းအရေးကြီးသွားစရာပေါ်လာလို့ပါ"
"ရတာပေါ့ကွယ် ယုံယုံကြီးကြည့်ထားပေးမယ်လေ ဒါနဲ့ပန်းလေးကဘယ်သွားမှာလဲ တခြားမဟုတ်ဘူး ခြံထဲကပြန်ထွက်ရင်တောင်အကြာကြီးလေ ကားနဲ့မဟုတ်ရင်အဆင်မပြေမှာစိုးလို့"
"တောင်ကြီးကိုပါ သတင်းအဆင်ပြေသလိုသွားလိုက်ပါ့မယ်"
"လူလေးလည်းမရှိတော့ အယ်..သတိရပြီ...ယုံယုံကြီးကိုခဏစောင့်နော်"
သတင်းအလျင်လိုနေမှန်းသိတဲ့ယုံယုံကြီးကတင်ပါးဆုံကြီးတွေတတုန်တုန်နှင့်ခပ်ဖိုင့်ဖိုင့်ကိုယ်ကြီးကိုမညှာတာပဲ ခပ်သုတ်သုတ်လျှောက်ကာ အခန်းတစ်ခုထဲဝင်သွား၏။ သတင်းရပ်စောင့်နေရတာမကြာလိုက်ပဲ ပြန်ထွက်လာတော့သော့တွဲတစ်ခုကိုင်လျက်...
"ရော့ပန်းလေး"
"ကားသော့ပဲ..သတင်းမောင်းလို့ဖြစ်ပါ့မလား အေးချမ်းဖြစ်ဖြစ်..."
အရင်ကဘယ်လိုပဲရင်းနှီးပက်သတ်ခဲ့ကြပါစေ အခုချိန်မှာသတင်းကအပြင်လူသာသာပဲရှိသေးသည်။
"ဖြစ်တာပေါ့ကွယ် အာ့တာပန်းလေးအတွက်လူလေးဝယ်ထားတာ သူလည်းမစီးဘူးဘယ်သူမှလည်းမစီးခိုင်းဘူး အားတိုင်းအင်ဂျင်စစ်ရေဆေးနေလို့ အခုမှတက်မောင်းလည်းဘာမှမဖြစ်ဘူး"
ဘယ်တုန်းကတည်းကဝယ်ထားတာလဲဦးရှရယ်။
"ယူသွားလိုက်ပါ ကားကဂိုထောင်ထဲမှာပဲ အေးချမ်းလည်းတန်းလျားမှာရှိတယ်"
သတင်းတုံ့ဆိုင်းနေတာကိုလက်ထဲအတင်းထိုးထည့်ပြီး တိုက်တိုက်တွန်းတွန်းပြောနေတာကြောင့် သော့ကိုယူပြီးထွက်လာလိုက်ရ၏။
VOCÊ ESTÁ LENDO
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romance[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
