[Unicode]
"ချစ်လို့ လွမ်းလို့ သူ့အနမ်းတွေနဲ့နေချင်လို့"
Season2, [Episode - 50]
"ဟယ် ကိုမိုင်း"
"သတင်းပါလား..ဘယ်တုန်းကဘန်ကောက်ရောက်တာလဲ"
"မနေ့ကတင်လေ..ကိုမိုင်းကရော"
"ကိုယ်ကတစ်ပတ်လောက်ရှိပြီ..ဒီမှာသူငယ်ချင်းတစ်ယောက်က Senior Level နဲ့ freelance လုပ်နေတာလေသူ့ဆီလာတာ..သတင်းမှတ်မိမလားတော့မသိဘူး အစ်ကိုတို့ Batch ကမျိုးကိုကိုကျော်လေ.."
"အနောက်မှာပါလာလားကိုမိုင်း"
သတင်းကခေတ်သမိုင်းနောက်ကျောကိုဝေ့ကြည့်ပြီးလေသံတိုးတိုးနှင့်မေးသည်။
"မပါလာဘူး အစ်ကိုတစ်ယောက်တည်း Baryan Tree မှာ Seminar တစ်ခုရှိလို့လာတက်တာ သူကပြန်နှင့်ပြီ ဘာလို့လဲသတင်း"
"မမှတ်မိဘူးပြောမလို့လေ အနောက်မှာပါလာရင်အားနာလို့"
ကိုမိုင်းကပြုံးလိုက်ကာ..
"ဪ အဲ့လိုလား ဒါနဲ့..မိုချီလေးရောမပါဘူးလား သတင်းတစ်ယောက်တည်းလာတာလား"
"သမီးနဲ့လာတာ တီမြတ်ကဆိုင်ကိုပစ်ထားလို့မရလို့လိုက်မလာဖြစ်ဘူးလေ..အခုလည်းသမီးအတွက်လိုတာလေးတွေထွက်ဝယ်တာ"
အဝတ်အစားဘာညာအပိုသယ်ရတယ်ဘာမှယူမသွားနဲ့ဟိုရောက်မှအကြိုက်ဝယ်ဆိုလို့ဘာမှထည့်မလာခဲ့တာ ဘန်ကောက်ရာသီဥတုကမေလပိုင်းထဲမှာေပမယ့်အတော်ပူနေ၍ သမီးကိုခဏသိပ်ခဲ့ပြီးသူမ Central world ထဲပတ်နေတာပါ။
သတင်းလက်ထဲကအထုတ်ကြီးအထုတ်ငယ်ကိုကြည့်၍ ခေတ်သမိုင်းကကိုင်လာသည့် Mac book ကိုလက်ပြောင်းကိုင်လိုက်ကာ ကူဆွဲပေးရန်လက်လှမ်းသည်။
"ပေးပါ အစ်ကို့ကို..အခုကဘယ်မှာတည်းနေတာလဲ တစ်ခါတည်းလိုက်ပို့ပေးမယ်"
"ဖေကြီးမိတ်ဆွေတစ်ယောက်ရဲ့အိမ်မှာလေ..သူတို့အိမ်အပိုတစ်လုံးပေါ့..မနက်သွားညပြန်အိမ်အကူတစ်ယောက်လည်းလွှတ်ပေးတယ် မိုချီနဲ့ကျပြေးပြေးလွှားလွှားဆော့ကောင်းတော့ဟိုတယ်မှာထက်ပိုအဆင်ပြေတယ်လေ"
သတင်းလက်ထဲကဆွဲအိပ်တွေလျော့သွားတော့ ကိုမိုင်းကိုကျေးဇူးတင်စွာကြည့်ရင်း လက်လေးတွေဆုပ်ချည်ဖြန့်ချည်လုပ်ရသည်။
BINABASA MO ANG
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romance[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
