[Unicode]
"ချစ်လို့ လွမ်းလို့ သူ့အနမ်းတွေနဲ့နေချင်လို့"
Season-2,[Episode-64]
"မေမေကဆီကြော်တွေအစားများသွားတာလေ...အစားအသောက်ရှောင်ပြီးအငတ်ခံရတာလူအလုပ်မဟုတ်ဘူးတဲ့ စားချင်တာစားပြီးသေသွားလည်းသေပျော်တယ်တဲ့လေ"
"လူကြီးတွေအသက်အရွယ်ရလာပြီဆို ခံတွင်းပျက်ကြတာများတယ်..သူတို့အရသာတွေ့တာလေးဆိုလည်း မရှောင်နိုင်ကြတော့ဘူး"
"ဟုတ်ပါ့ သတင်းရယ်..တော်သေးတာကအချိန်မှီဆေးရုံတင်လိုက်နိုင်လို့ပေါ့ နဲနဲဗျာများသွားတာပဲရှိတာ"
မမလေပြေ၏အမေကိုလူနာသတင်းမေးပြီး သတင်းတို့ပြန်ထွက်လာတော့ မမလေပြေကအောက်အထိလိုက်ပို့သည်။သတင်းနှင့်မမလေပြေကရှေ့မှာ စကားဖောင်ဖွဲ့ရင်းတွဲလျှောက်လာကြသလို ဦးရှနှင့်ကိုတာယာလည်းအနောက်မှာအတူပါလာကြ၏။
"နင်လည်းအန်တီ့အတွက်ရော မိသားစုအတွက်ရောအလုပ်များနေမှာပဲ ကိုယ့်ကျန်းမာရေးကိုဂရုစိုက်ဦး"
"အဲ့ဒိအတွက်ကတော့ ငါတစ်ယောက်လုံးရှိပါတယ်ကွာ"
ပုခုံးချင်းဖက်ကာပြောနေသည့်တာယာ့ကို...
"အဲ့ဒိတစ်ယောက်လုံးကဂရုစိုက်နေတာမြင်သားပဲ လေပြေကသူ့ကိုယ်သူမညှာတတ်လို့သတိပေးတာ"
"ကြားတယ်နော်လေပြေ ကင်းတောင်ပြောနေပြီ"
"အင်းပါ"
ငယ်သူငယ်ချင်းကနေအိမ်ထောင်ဖက်ဖြစ်လာကြသည့် သူတို့နှစ်ယောက်ဟာအခေါ်အဝေါ်တွေမပြောင်းနိုင်ကြသေးသော ငယ်ကျွမ်းဆွေစစ်စစ်တွေဖြစ်ကြ၏။
"အပြင်မှာမိုးရွာနေပါလား"
"ဟုတ်ပါ့မိုးကြီးနေတာပဲ...အချိန်လည်းနောက်ကျနေပြီ ကလောအထိကားမောင်းလို့အဆင်ပြေပါ့မလားကင်းရဲ့"
"ပြေပါတယ် ဒီမိုးကခဏလောက်နဲ့တိတ်မှာပါ"
ကင်းကအလွယ်လေးခန့်မှန်းလိုက်ကာ နာရီငုံ့ကြည့်လိုက်ပြီး...
"ရှစ်နာရီပဲရှိသေးတာ ဖြေးဖြေးမှန်မှန်မောင်းရင်ရပါတယ်"
"ဖြစ်ပါ့မလားကင်း"
DU LIEST GERADE
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romantik[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
