[Unicode]
"ချစ်လို့ လွမ်းလို့ သူ့အနမ်းတွေနဲ့နေချင်လို့"
Season 2, [Episode - 67]
*ချပ် ချပ် ချပ်*
နာရီလက်တံ၏ တချက်ချပ်မြည်သံနှင့်အတူသူမနိုးလာရ၏။ ဗိုက်ထဲမှာတစ်ချက်တစ်ချက် ခံစားမိလိုက်သည့်အထိအတွေ့ကြောင့်နိုးလာသည်ဆိုလည်းပိုမှန်ပါသည်။
တစောင်းကွေးအနေအထားနှင့် ဦးရှလက်မောင်းပေါ်မှာအုံးထားသည့် ခေါင်းကိုလှုပ်လိုက်တော့ အအိပ်ဆက်သည့်ဦးရှကချက်ချင်းနိုးလာသည်။
"အိပ်မပျော်ဘူးလားသတင်း"
"ဗိုက်ထဲကကန်နေတယ်ဦးရှ"
"ဟုတ်လား"
သတင်းဗိုက်ပူပူလေးပေါ်သူ့လက်ဖုဝါးတို့ရောက်လာပြီး...
"အထဲကသားသားလေးကငြိမ်ငြိမ်မနေဘူးထင်တယ်..မာမီသနားပါတယ်ကွာ ငြိမ်ငြိမ်လေးနေနော်"
သားသားလေးလားမီးမီးလေးလားမသိရသေးတာတောင် တယူသန်သားသားလေးလုပ်နေတာကို သတင်းကပြုံးပြီးကြည့်နေမိ၏။
"ဘာပြုံးတာလဲ"
"ဦးရှကိုသဘောကျလို့"
"သားရူး,ရူးနေပြီဆိုပြီးတော့လား"
လင်မယားနှစ်ယောက်သန်းခေါင်ကျော်နိုးလာရင်းက ပြန်မအိပ်ဖြစ်သေးပဲ...
"ဗိုက်ထဲကဘေဘီလေးကဘာလေးမှန်းမသိသေးပဲနဲ့များ"
"သားသားလေးပဲဖြစ်မှာ...ကြည့်ပါလား..သူကအထဲကနေငါကွယောက်ျားဆိုပြီးသတင်းကိုကန်နေတာ ဒီကောင်ဘောလုံးသမားဖြစ်မလားမသိဘူး"
"ပြောလိုက်ပြန်ပြီဘောလုံးသမား...ဟိုတစ်နေ့ကထမင်းလေးနှစ်ပန်းကန်စားလိုက်မိတာကျတော့ food blogger ဖြစ်မှာဆို"
"ကိုယ့်သားက ဘောလုံးသမား food blogger ဖြစ်မှာ"
ဟုတ်တော့ဟုတ်သည်။ မိုချီလေးတုန်းကအထဲကကန်ပေမယ့် ဒီတစ်ဗိုက်လောက်အကြိမ်ရေမစိတ်ပေ။ ဦးရှပြောသလို သားသားလေးဖြစ်နေမလား။
"တစ်ထစ်ချပြောလို့မရသေးပဲနဲ့ Ultrasound ရိုက်ကြည့်မှသိမှာပေါ့"
"ရိုက်စရာမလိုပါဘူး ကိုယ်ကစက်နဲ့တာယာတို့ကိုအားကျပြီး သားလိုချင်တယ်သာပြောတာ မင်းကမွေးတဲ့ကိုယ့်ဘေဘီလေးတွေသာဆိုဘာလေးဖြစ်ဖြစ်ချစ်မှာပဲ"
KAMU SEDANG MEMBACA
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romansa[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
