[Unicode]
"ချစ်လို့ လွမ်းလို့ သူ့အနမ်းတွေနဲ့နေချင်လို့"
Season 2[Episode - 65]
"ဟင်း မွှေးနေတာပဲ"
သတင်းနိုးလာတော့ဘေးမှာသူမရှိတော့တာကြောင့် ရေချိုးမျက်နှာသစ်ပြီး ညကအခြောက်ခံထားတဲ့အဝတ်တွေပြန်လဲကာ ထွက်လာလိုက်သည်။ မီးဖိုခန်းဘက်ကအနံ့တစ်ခု၏ဆွဲဆောင်မှုနောက်ပါလာတော့ ဦးရှကအေပရွန်ကြီးနှင့်စားဖိုမှူးလုပ်နေ၏။
သတင်းကိုလှည့်ကြည့်ပြီးသူပြုံးပြလိုက်ကာ...
"နိုးပြီလား...စားပွဲပေါ်မှာနွားနို့ပူလေးကျိုပေးထားတယ် အရင်သောက်ထားနှင့်"
သတင်းထမင်းစားပွဲခုံမှာဝင်ထိုင်လိုက်ပြီး နွားနို့ခွက်ကလေးကိုင်ကာ သူချက်ပြုတ်နေရာဆီလည်ပင်လေးရှည်ကြည့်ရင်း
"ဘာတွေချက်နေတာလဲဦးရှ"
"စားတော့မှကြည့်လေ ကိုယ်ပြီးတော့မယ်"
"ဟုတ်ပါပြီ"
ဟုတ်ပါပြီလို့ပြောပေမယ့် စကားနားမထောင်သည့်သတင်းကသိချင်စိတ်နှင့် သူ့နောက်နားအသာလေးကပ်သွားသည်။ ဦးရှခါးကိုသိုင်းဖက်လိုက်ကာ သူ့လက်တွေကြားထဲကနေ ဟင်းအိုးကိုခေါင်းကလေးစောင်းပြီးစပ်စုသည်။
"wow...အရောင်ကိုစုံနေတာပဲ"
"ဈေးကားသည်ကြီးကိုမှတ်မိတယ်မလား"
ကင်းကခရုဆီဖြန်းထားသည့်ရေပြောင်ဖူး၊ ခါကြက်ဥ၊ ငရုတ်ပွသီးနီနီလေးတွေကိုမွှေပေးရင်းသူမကိုစကားပြန်သည်။
"ဦးကြီးလား"
"အင်း..မနက်ကကိုယ်နိုးတဲ့အချိန် သူကလည်းဒီအိမ်မှာလူရိပ်တွေ့လို့ဝင်လာတာနဲ့ကြုံသွားတယ် အာ့တာနဲ့မင်းအတွက်လည်းမနက်စာချက်ပေးဖို့သူ့ဆီကပဲအားပေးလိုက်တာ"
"နေပါဦး...ဟင်းခတ်အမွှေးအကြိုင်တွေပါဒီအိမ်မှာအဆင်သင့်ရှိနေတာလား"
"ရှိတယ်လေ အရင်လကကိုယ်လာဖြစ်သေးတယ် အဲ့ဒိတုန်းကတစ်ယောက်တည်းစားချင်တာလုပ်စားဖို့ဝယ်ထားတာ"
"ဦးရှက ဒီအိမ်ကိုခဏတိုင်းလာတာလား"
"မင်းကိုသတိရရင်ပေါ့...ကိုယ့်ကိုဗီရိုထဲက ပန်းကန်ပြားလေးထုတ်ပေးပါလား"
YOU ARE READING
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romance[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
