မိုးကောင်းကင်အောက်မှကလဲ့စား
စာစဉ် - ၉
Chapter – 124
“ဥဖြင့်တိုက်ခိုက်ခြင်း”
(ငါ ဒီလိုမျိုး ဖြစ်လာလိမ့်မယ်လို့ ဘယ်တုန်းကမှ မထင်ထားခဲ့မိဘူး။ ငါကတော့ သူ့ကိုတောင် ကူညီနေသေးတာပဲဟာ . . .
သူသာ နည်းနည်းလောက် ကြိုးကြိုးစားစား လုပ်တာနဲ့ ဒီကမ္ဘာကိုတောင် အုပ်စိုးနိုင်စွမ်း ရှိအောင် ငါလုပ်ပေးနိုင်တယ်။
ဒါပေမဲ့ ဒီလို လုပ်ပေးဖို့ဆိုတာ ငါအသက်ရှင်နေမှ သူ့ကို လုပ်ပေးနိုင်မှာပေါ့ . . .
ဘယ်လိုပဲဖြစ်ဖြစ် ငါ့ကို သတ်ဖို့ သူဘာလို့ ကြံရတာလဲ၊ တကယ်ကြီးပဲ ကြံစည်ထားတာ ထူးဆန်းလွန်းတယ်။
ဒီကိစ္စတွေ နောက်ကွယ်မှာ မသိနိုင်တဲ့ ကိစ္စတွေ ရှိနေမှာ သေချာတယ်။ ငါသေချာ ဖော်ထုတ်နိုင်မှ ဖြစ်မယ်။ ဒီကိစ္စကို သိဖို့အတွက် တစ်သက်လုံး နှိပ်စက်ပြီး မေးမြန်းရမှာပဲ . . .)
ဂုဂျင်လုံသည် ဒေါသထွက်နေသလို စိတ်ထဲ မကျေမချမ်းလည်း ဖြစ်နေသည်။ သူသည် အများကြီး ကူညီထောက်ပံ့မှုများ ပေးခဲ့သော်လည်း လုပ်ကြံခံလိုက်ရသည် မဟုတ်ပါလား။ ထိုကဲ့သို့ စဉ်းစားမိလေလေ ပို၍ ဒေါသထွက်လေလေပါပဲ။
သူ့ကိုယ်သူ အရူးတစ်ယောက်လို ခံစားနေရလေ၏။
ဖန်ဇီလင်သည် သူ့ကို သတ်ဖြတ်ရန် အတော်ကြီး ကြိုးစားအားထုတ်ခဲ့မည် ဆိုတာကိုလည်း သူသိနေလေသည်။ ထိုရက်များအတွင်း ဖန်ဇီလင် မြို့ထဲသို့ ဝင်လိုက် ထွက်လိုက် လုပ်နေသည်မှာ ထိုကိစ္စအား ကြိုတင် ကြိုးပမ်းနေခြင်း ဖြစ်မည်ဟု ထင်သွားပါတော့သည်။
ယခု အခြေအနေမှသာ လွတ်မြောက်ပါက ဂုဂျင်လုံ အနေဖြင့် ဖန်ဇီလင်အား အလွတ်ပေးရန် လုံးဝ ဆန္ဒ မရှိချေ။
(ဒါနဲ့ သူက အခု ဘယ်လို ပျောက်သွားရတာလဲ . . . တော်တော် ထူးဆန်းတဲ့ လှုပ်ရှားမှုပဲ။ ငါတောင်မှ အဲဒီလို မလုပ်နိုင်ဘူး။ ငါကလည်း အာရုံခံအားကောင်းတဲ့ လူတစ်ယောက်ပါ။ ဒါပေမဲ့ သူဘယ်လို ပျောက်သွားတယ် ဆိုတာကို သတိမထားမိလိုက်ဘူး။ ဘယ်လိုများ လုပ်သွားတာပါလိမ့် . . .
ESTÁS LEYENDO
မိုးကောင်းကင်အောက်မှကလဲ့စား (အတွဲ ၁) မိုးေကာင္းကင္ေအာက္မွကလဲ့စား
AventuraMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
