#الڪاتبه_نَجمه
#نور_ما_بعد_الظلمات
جنات تگول الفرقان..
انتِ وَصف دقيق لكُل ما هوَ حُنين 🤍
لا تنسون التصويت ++علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
........................................................
«برهان»
بعد ما فرقان انطانه خبر و رحنه نستقبله وصلنه للمكان المتفقين عليه نزلنه من السيارات و گعدنه بمكان بي في ننتظرهم يجون حچه أنمار
أنمــار؛؛ أگلك خاف السيارات متكفي
برهــان؛؛لا شكو جايبين سيارتين تكفي
أنمــار؛؛ والله انه اگول خاف متكفي و نتفشل گدام العالم
برهــان؛؛اذا ما كفت نخابر أوس يجي و يجيب سياره ويا
هز راسه و سكت مر الوقت و چان نشوف سياره إجت طبگت يمنه نزل فرقان ضحكناله و هوه هم ضحك فتح الباب مال سياره الثاني
و چان تنزل بنيه طفله يطلع عمرها 7 او 8 سنوات بس الجمال الشايلته مو طبيعي عبالك لوحه وفنان راسمها بأتقان العيون الخدود لون بشرتها كلها تجنن فرقان هم حلو مو شلون ما چان و هاي بعد زايده عليه احسها ملاك بلبسها و بجمالها ضليت اباوع شو بس همه نزلو و السياره مشت تقدم علينه و البنيه الويا بضهره تمشي و مدنجه حضن أنمار و سلم عليه و انوب اجاني هم حضني و سلم عليه گال
فرقــان؛؛شني صارلكم شگد هنا
أنمــار؛؛ من اول ما انطيتنه خبر
فرقــان؛؛تصدگون تجذبون من انطيتكم خبر هستونه طالعين
أنمــار؛؛ ما صار شي المهم وصلتو بالسلامه
فرقــان؛؛الله يسلمك
برهــان؛؛شني بس انتم جايين احنه حسبالنه فيلق جاي
ضحك و گال
فرقــان؛؛ هههه لا يمعود هوه بس انه و اختي و ردت اجيب عمتي مارضت
أنمــار؛؛ هلا بيكم
باوعت ؏ البنيه الما رفعت عينها گتلها
برهــان؛؛شلونچ عمو
رفعت عينها باوعتلي و باوعت الفرقان و ختلت وره ضهره ضحك فرقان و گال
فرقــان؛؛أعذروها تستحي
برهــان؛؛بعد عمچ ؏ شنو تستحين لو متزوج بتي بگدچ
فرقــان؛؛ هههههه لا ولك جنه عمرها 12 بس هيه هيچ تبين حيل صغيره
أنمــار؛؛ ههههه صدگ تحچي وانه ردت اشيلها العبها عبالي بعدها كلش طفله
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
