نور ما بعد الظلمات

الـباب الـثانـي Part 1

#نور ما بعد الظلمات 

الظلام أقتحم نورنا

بقلمي انا آيات علي.

ممكن متابعة الحساب و التصويت على البارت وتعليق بين المشاهد لطفاً.

أتمنى لَكم قِرائه مُمتعه..

وخبر طش بديرتي وياريت لو چذبه الخبر
.
بـ قَلمـي...

                ☆☆☆☆☆☆☆☆☆☆☆☆☆                 
                ☆☆☆☆☆☆☆☆☆☆☆☆☆

-(في أحد مُحافظات شمال عراقنا الحبيب ❤)

-الساعه الـ6:30 صباحاً..

-فزيت على صوت المُنبه للمره العاشره، طفيته ورفعت الجهاز اشوف الساعه، طفرت من شفتها صايره 6:30 عود مؤقته المبايل بالـ5:00، بس هذا طبعي كل ما يدگ وافز اطفي وانام لحد ما يروح عليه الوقت وما اتوب من هل طبع.

-تأفأفت بملل هل سنه صارت شطولها وبعدنه بأولها، گمت رحت غسلت وتوضيت وبدلت لأن دلشاد تجي بليل تحظرلي ملابسي وترتبهم على اخر حبايه، لبست وجهزت نفسي بسرعه واخذت جنطتي بعد ما لملمت كتبي الي بالگاع  البارحه تأخرت أدرس بيهن.

-نزلت ركض واحس راح اوگع على وجهي بعدني على الدرج وصحت.

-مـسك: دڵشاد لە کوێی؟(أين أنتِ دلشاد)؟

-طلع من المطبخ مبتسمه وبيدها منشفه تمسح بأيدها ردت بالعربي.

-دلشـاد: صباح الخير حبيبتي،  اليوم مصبحه بالكردي؟

-مـسك: صباح النور، مو سمعتي الست جيهان وتعليماتها البارحه تريد نحچيه بلُغتها وما نحچي عربي، لأن بنظرها نكون نحب ابونه أكثر منها لو حچينه عربي.

-دلشـاد: اي نفذو الي تريد لا تنسون بالأخير أنتم عايشين وياهه.

-مـسك:هو هذا الي حيصير، حبابه ديدي كوب كوفي بي ما اظفر شعري.

-دزتلي بوسه بالهوى واشرت على عيونها وحچت وهي ترجع للمطبخ.

-دلشـاد:مو من عيوني، ولو صايره هوايه تشربين بس تدللين.

-أبتسمت على كلامها قبل فتره اتخربطت بالمدرسه ونقلوني للمستشفى وطلع عندي خفقان وقلبي فجأه يتعب منعوني من هوايه اكلات وشرب منهم القهوه بس بچيت يم الدكتور وتمسكنت گال اشربي بس مو بكثره هو مُجرد سمحلي صرت اشرب باليوم كوبين اني مُدمنة قهوه ماگدر بدونها.

-ظفرت شعري ورتبته وكملت اجت دلشاد خلت الكوب گدامي وراحت (دلشاد بنت مو كبيره بالعمر شابه عمرها 30 رجلها أستشهد ومن گد ما تحبه رفضت تزوج بعده وهي وابوها عايشين والماما جابتها تشتغل عدنا أعتبرها صديقة واخت و ونيس بالبيت مو شغاله وحيل احبها ومتعلقه بيها تجي من الساعه سته الصبح وترح بالسته العصر).