#الڪاتبه_نَجمه
#نور_ما_بعد_الظلمات
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
بَـعد بـيَة حِزن ..
ينكَـتب مَا ينَشاف
حِزن مَحـد أضِن شَافة
وتَـعب مُستَوطِن بِرُوحي
ومُتلَفلف عَـليها لَفاف
حِزن مِثل الله ما يَنـشاف !
........................................................
«برهان»
خلصت كل شغلي هنا صارلي أسبوع بالأنبار أجيت عندي مهمه وهسه يلا كملتها وگالولي ضل بات هنا والصبح روح بس انه ماريدن اضل هنا اريد ارد للبيت زهگت روحي من هل مكان اريد ارجع للبيت كل مكان هنا الي ذكره ويه فرقان حسبالك وين مادير وجهي اشوفه فہ گلت ارجع احسن الي
طلعت الدنيا ظلمه ساعه بالوحده بليل وشتاء يعني بالسته يلا يكشف الجو وبارده الجو يصك صك بس انه عادي عندي كلهن مار بيهن بفترة الي چنه نحارب او العفو نلعب ويه الجرذان مو مال واحد يكبر من حجمهم ويگول نحاربهم هل مخانيث
طلعت والطريق هادئ كل ربع ساعه أكثر تمر سياره مني ماكو هواي ناس ولا سيارات اولاً بعدها دنيا ليل وهم طريق خارجي ومقطوع وصلت المكان وگفت ودموعي لالن بعيني من اذكرت عدنه موقف هنا انه وأخوتي فرقان وأنمار
شارع طويل وكله بساتين من الجهتين بس النخل ينشاف ما مبلط الشارع تراب
چنه ثاني مره ملتحقين اول مره اجينه ويه رتل ما اهتمينه للطريق، بس المره الثانيه اجينه وحدنه، وچنه جايين احنه التلاثه بسيارة فرقان وهوه يسوق أنمار بصفه وانه وره ، فجأه مانحس غير طلعو بوجهنه زلم لابسين دشاديش وملثمين وشايلين سلاح وعددهم بـ 15 واحد ، طوقو السياره انه بوقتها انرعبت من هول الموقف لان اعرف هل منطقه تحت سيطرة الجيش العراقي هذول منين اجو، وانوب عيونهم طالعه ويخوزرون، فرقان ضل ؏ گعدته ما بدرت منه اي ردة فعل، راد يحچي أنمار بسرعه رفع ايده من يم الگير بحيث محد يشوفه الي داير مداير السياره وحرك ايده الانمار بمعنى أهدئ وگال بهمس من بين أسنانه
فرقــان؛؛اللهمَّ أكشف كربنا كما كشفت كرب الحسين
ضل يردد هيچ واحنه ضلينه هادئين اتقرب واحد منهم من مقدمة السلاح البيده دگ ؏ جامه وأشر الفرقان ينزل الجامه فرقان نزل الجامه وهذاك گال
؛؛ ول شتسوون هين
فرقــان؛؛ انتم منو حتى اجاوبكم
؛؛ نحن من هل ديره
فرقــان؛؛ وشني اليثبت.
؛؛ دحگ علينه وشتشوف
باوعنالهم لبسهم مو مال دواعـ/ـش عادي لبسهم بحركه سريع فرقان طلع ايده من الجامه وبعد اللثام عن وجه الولد الي يحچي ويا الولد رجع ليوره وشكله عادي مو منهم اتنفسنه براحه وگال فرقان
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
