#الڪاتبه_نَجمه
#نور_ما_بعد_الظلمات
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
........................................................
«جنات»
" انه المَرت عليَّ ايام يكتِل ثكَلها 💔
تعب ارهاق ضعف مرض نفسي كلهن صابن جسدي المرهق ومحد يرحم ضعفي وقلة حيلتي كلها عليه وكلها تخلت عني شيصير بيه بعد حياتي راح تضل هيچ لو اموت احسن الي من الجاي اعاني والجاي اشوفه معقوله اخواني الي من ابوي الي لازم همه يكونون سند الي هيچ يعاملوني ليشش وشنو ذنبي معقوله ماينكسر كلبهم عليه يمكن هذا يكون اختبار من رب العالمين بس انه مو گده تعبت حيل هاي شي اكبر من طاقتي
غرفه ضلمه وسخه بيها اشكال وانوع الحشرات تعذبت بأبشع الطرق والمشكله مو بمكان غريب ابيت اهلي والي بعذبوني اخوتي صرت اتمرض واطيب وانه بهاي الغرفه اجوع اعطش احتاج حمام كله بهاي الغرفه لو يوم وجبه وحده الي لو مرات انسي محد يجيني اصلاً صرت من گد الارهاق اغيب عن الوعي واصحه وحدي
بهاي الفتره كرهت كلشي حتى الصلاة صرت اكرها اگول انه اصلي الرب العالمين وهوه مخليني بيد ناس ماترحم ما اصلي صح غلط هل شي ويعتبر كفر بس هيچ تفكيري حتى فرقان الومه ليش عافني ليشش راح مويدري كلها تريد بس تأذيني مو يدري انه ضعيفه ومو گدهم ليش خلاني بينهم وراح
مرت ايام ماعرف اشهر صرت الليل من النهار ماعرفه تمنيت لو يطلعوني اشتغل خدامه بس المهم اطلع من هل مكان الي صرت اتخيل بي اشياء مرعبه كل ما انام كابوس مختلف تعبت عقلي تعب نفسيتي بالنازل
بس سواد بسواد وظلااام دامس هيچ صارت حياتي مابيها ولا لون وكل الانوار طفت وعتمت حياتي
يمكن يجي يوم وهل ظلام ينتهي ولو ما اتوقع يجي ويمكن من هل ظلام ياخذوني الگبري واتمنه اي وحده منهن تتحقق لان خلص ماعد اتحمل مرات احس شي يصعد ؏ جسمي احاول اعيط ما اگدر بكل بساطه حتى صوتي خسرته ومحد يسمعني هههه مو اذا سمعوني راح يجون
بيوم چنت گاعده اريد بس احد يجي يفتحلي الباب اريد اروح للحمام متضايقه كلش وهم اريد اسبح ريحتي صايره تلعب النفس صار اربع ايام ممطلعيني سمعت صوت حركه بالغرفه يمي حضنت نفسي ورجعت ؏ حايط اريد ادخل بي گد ما ارتعبت
اختفه الصوت شويه ورجع وكأن واحد يهمس يم اذني صرت ارجف واخاف اتحرك حسبالك واحد يمي وبس اتحرك اطخه ضليت جامده بمكاني بس الصوت يزيد ويتقرب اكثر اخر شي حسيت مثل النفس صار برگبتي وشي يمشي عليه هنا دموعي صارت تجري انوب مثل واحد شخر بصوت قويه بعد فقدت كلش ركضت بتجاه الباب
صرت ادگ بيه حيلل وابچي واريد اعيط ماگدر ضليت ادگ بالباب گعدت ؏ ركبي وحاشكه روحي بالباب اريد بس يجون يفتحوليا ضليت الطم ؏ وجهي بلكت يطلع هل شي من خيالي واصحه بس من سمعت صوت طبه قويه بالغرفه رجعت للباب ادگ بثنين اديه ربع ساعه وانه ادگ بيه وانفتح هوه انفتح لو احس باب الجنه انفتحلي مو باب الغرفه
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
