#الڪاتبه_نَجمه
#نور_ما_بعد_الظلمات
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
مو مالت وداع هستونه متلاگين
بعدها عيونه من المستحه مدنگه
💔ڪـــــسرات أبطـــالـــي💔
........................................................
«ميار»
طفرت من مكاني فازه من اندفع باب الغرفه حيل گلت خلص هاهيه اجت امه راح تكتلني ما احس اله عماد دخل وعيونه يتطاير منهن الشرار من الاخير جاي وحاط الشر بين عيونه دخل وسد الباب وضل واگف اباب الغرفه ويباوعلي بخزرات چذب اذا اگول ما خفت هم رجال غريب فجأه صار زوجي وهم خايفه يسويلي شي بس مظهري وانه واگفه گدامه حسبالك مو خايفه ولا ؏ بالي
چان لاف غتره ؏ رگبته وخرها ولسه يخوزر وانه عيني مانزلت من عينه اريد اشوفن شيسوي شمر الغتره وصاح
عـمـاد؛؛ صلفه نزلي عينچ
كتفت ايدي ورفعت حاجب وباوعتله بطريقه مستفزه وحچيت ابرود عكس النار البگلبي
ميــار؛؛ واذا ما نزلت عيني شتسوي
بمجرد ما نطقتها عيونه تشخصاً واجه ركض عليه كضني من فكي حيل كل قوته حسيته شويه وينكسر بيده گال وهوه راص ؏ اسنانه
عـمـاد؛؛ حيوانه منو انتِ وتتحديني والله ثم والله اموتچ وادفنچ ومحد يشفعلچ عدي
حطيت ايدي فوگ ايده احاول ادفعها وابعدها عني بس حاكم قبضته بقوه وانه مستمره ادفع بيها باوعلي بنظره كأن يگلي لاتحاولين متگدرين كورت ايدي وطگيت ايده حيل و حچيت
ميــار؛؛ بعد عني وشنو انتَ تهدد شني تايهتلك
نفس الايد الطگيته بيها هد فكي وكضها لواها وره ظهري حيل گلت هاهيه راح تنكسر بيده گد ما ضاغط عليها وحچه بعصبيه
عـمـاد؛؛ شوفي لچ هل مره راح اعديها الچ بس مره ثانيه مره بت امچ وابوچ بس فكري تحاولين ترفعين ايدچ بوجهي اله اسوي شي اندمچ عليه كل عمرچ وشي ثاني انتِ صرتي مرتي يعني بعد محد اله حق عليچ غيري يعني اي تايهتلي ومحد اله شي عدي مره انه ومرتي واريد خير لو گوا* يدخل
يحچي ولسه لاوي ايدي حيل للحضه حسيت راح اضعف وابچي خليت عيني بعينه بلعت ريگي وحچيت بغصه حاولت اخفيها بس ماگدرت
ميــار؛؛ ترا مو شي زين تجي تتسبع ؏ بنت مالها ذنب بكلشي صار يكفي إن انه دفعت ثمن غلطه ما ارتكبتها واتزوجتك وانه لا اعرفك ولا شايفتك وبليله ويوم انگلبت حياتي گلب لاتجي انتِ تضل تتقوه عليه لان الرجال ما يتمرجل ويبيع بطولاته ؏ عرضه وهسه مثل ماگلت انه مرتك وعرضك يعنـ
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
