نور ما بعد الظلمات

بــارت هـديه

#الـڪاتبه_نَجمه

#نور_ما_بعد_الظلمات

#البارت_هديه

بنوتاتي ونجماتي لاتنسون التصويت +والتعليق بين الفقره وأخرى +ومتابعة الحساب

أتمنى ألكم قرائه ممتعه 💕

لَمَّا رَآنِي فِي هَوَاهُ مُتَيَّماً ‏عَرفَ الحَبِيبُ مَقَامَهُ فَتَدَلَّلاَ
‏فَلَكَ الدَّلاَلُ وَأنتَ بَدرٌ كَامِلٌ وَيَحِقُّ لِلمَحبُوبِ أن يَتَدَلَّلاَ

★★★★★★★★★★★

«جـنـات»

تمر الايام واحنه مستقرين بحياتنه وحياتنه الحمدلله كلش حلوه بالرغم عدنه بعض المطبات بس هذا لا يعني أنُ نعدم السعاده الي نمر بيها

وانه وعائلتي من النوع الي نحمد ربنه ؏ كلشي نوگع ونگوم ونصير بأحسن حال

اليوم عيد ميلاد اطفالي وصار عمرهم 3 سنوات وجاي نحظر من الصبح لأن انريد اسويلهم حفله چبيره هم الهم وهم قررنه نسوي عيد ميلاد رنين بنت انمار وتسنيم وياهم لأن عيد ميلادها قريب ؏ عيد ميلادهم راح يجون اطفال اصدقاء الشباب

الساعه 3 الظهر مخبوصين ونعزل وانظف وأنه استلمت الدوانيه ما خليت شي يعتب عليه بيها والاطفال عدهم غرفه ما العاب يلعبون بيها كملت تنظيف الدوانيه

طلعت بقيت صافنه هاي شنو گاعده عمه سجى وگدامها تسنيم لافه خيط ؏ رگبتها وتحف الها وميار صايره ثالثتهن و؏ صفحه بيبي وعمه ليلى گاعدات يسولفن اخذت نظره ؏ صاله السطل ؏ صفحه وبصفه الماسحه

ضليت اباوع عمه شوكت اجت وميار مو جاي تنظف بالحديقه وتسنيم عليها المطبخ شو عايفات كلشي وگاعدات صحت بحرگه

جـنـات؛؛ هاااااي شنوووو

نزت تسنيم الي مركزه بالحفافه اكثر ما مركزه بأطفالها شمرت عليه البكره وگالت

تسنــيم؛؛ و وجعه بگلب العددوو شمالچ انگرصتي

انه ما حچيت ضليت اخزر بيها رجعت باوعت بوجه عمه وأردَفت

تسنــيم؛؛ عمه هذا حاجبچ منا أنطبر من وراهه گوميلها

سـجـى؛؛ يا دهر صدگ عود

تسنــيم؛؛ اي عمه هاچ شوفي

اطتها المرايه باوعت بيها عمه شهگت وگالت

سـجـى؛؛ يااخيه بت أمي وهسه شلون شسوي

تسنــيم؛؛ گومي الجنه طيحي حضها

جـنـات؛؛تگلچ شسوي مو ليش هيچ صار تحسسيني من تگوملي راح ينبت شعر بحاجبها وبعدين شنو عايفات الشغل وگاعدات بعد ورانه كومه شغل

سـجـى؛؛ شوف شوف السانها صايره شعاره

تسنــيم؛؛ اذا معاشره برهان شتطلع