#الڪاتبه_نَجمه
#نور_ما_بعد_الظلمات
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
........................................................
«تسنيم»
صحينه وهز گلبنه الضيم
وأسمك جان عامينه
أتخاذ قرار مصيري مو سهل شي حيل صعب شگد كابرت شگد حاولت ردت ماگدرت ابتعد عنه گد ما انه قويه ومحد يگدرلي بس من توصل السالفه تخصه اكون ضعيفه اي اعترف تسنيم القويه ضعفت گدام أنمار وتنازلت عن هواي اشياء الخاطره اعشقه الدرجه مستعده اسوي كلشي علموده حابته رغم الجرح الي سببه الي اعترف الهل لحضه انه حابته ماگدرت اتخطاه روحي معلگه بي صارت
بعد تفكير عميق وبكلشي فكرت بحياتي وبكلام امي وبكلام أنمار قررت وخلص هل قرار عسى مايدمر حياتي بعد اخذته ولازم يتنفذ سحبت المبايل وبدون تراجع وبدون تردد اتصلت ؏ أنمار اول دگه مجاوب بالثانيه جاوب واجاني صوته ملهوف
أنمــار؛؛ هلا حبيبتي شلونچ
غمضت عيني اجمع قوتي بلعت ريگي وبدون مقدمات گلت
تسنيــم؛؛ أنمار انه موافقه
سكت شويه وگال
أنمــار؛؛ ؏ شنو موافقه
سكتت وضليت اكل بشفتي توترت من اسمع صوت نفسه عالي رجعت حچيت بهدوء وكلمه كلمه
تسنيــم؛؛ أنمار انه موافقه نتزوج
أنمــار؛؛ عليچ العباس
تسنيــم؛؛ اي بس شوف مو عبالك نسيت سوايتك
أنمــار؛؛ ان شاء الله تنسين تنسين هسه أهم شي وافقتي زين شوكت تردين نتزوج
تسنيــم؛؛ مادري بكيفك انتَ شوف الوقت المناسب
أنمــار؛؛ انه هم ماعندي شي وگتلچ قبل فتره عرس ماسوي تردين انتِ سويلچ حفله وانه حاضر أي شي تردي يصير بس عرس اعذريني
اعرف ميريد يسوي العرس علمود فرقان گلت
تسنيــم؛؛ هاهيه براحتك ومعذور وانه راح ابلش بجهازي وشوكت ميكمل اطيك خبر وانتَ حدد شوكت
أنمــار؛؛ هاهيه
ضلينه ساكتين شويه محد من عدنه حچه حمحمت وگلت
تسنيــم؛؛ يلا انمار تصبح ؏ خير راح انام
اجيت اسده اتوقفت من گال بصوت هايم
أنمــار؛؛ أحبچ تسنيمي وراح يتصلح كلشي خرب ونعيش عيشه نستحقها
تسنيــم؛؛ الله كريم
سديته منه وانه ارجف شمالني بكمله منه يصعدني السابع سما ليش هيچ وبهل سرعه عشگته عشگ ماصاير وهاي انه الچنت مبتعده كل البعد عن سوالف الحب والارتباطات شصار وفجأه حبيته طلبت الصبر من رب العالمين ويخليني اكمل بهذا القرار الي اختاريته بعد ماشفته القرار المناسب
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
