#نور ما بعد الظلمات الجزء الثاني
الظلام أقتحم نورنا
بقلمي أنا ايات علي
متابعه للحساب تصويت للبارت تعليقات بين المشاهد لطفاً.
....
شِلون أغفىٰ وأنهَ بهَل
ألحاِل، گلبُ متلفلِف بـ خنجَر..
☆☆☆☆☆☆☆☆☆☆☆☆☆
☆☆☆☆☆☆☆☆☆☆☆☆☆
«جـنات»
-رجف گلبي وجسمي صار ينتفض رجلي گوه واگفه عليهن وانه اشوفه واگف گدامي ويسولف ويه مصطفى ومنطلق يضحك ويحرك بأيده مصطفى گام وگف لمن شافنه وهو أندار بكل جسمه علينه تلاشت ضحكته لمن شافني لكن ضل مبتسم.
-ابتسامته حسيت مثل الفخ الي يوهمك هو امان لكن هو العكس وما بي ذرة امان بس يريدلك تأمن اله حتى ياخذ الي يريده منك وهذا احساسي من اول ما شفته، ولا نسيت كلشي سوا بيّ للحضه حسيت نفسي حقوده، بس انه مو حقوده ولا اعرف اشيل غَل او شر بگلبي على أحد.
-الى هذولي الناس الي لا خلوني اتهنى بطفولتي ولا عندي عنها ذكريات حلوه، بالعكس خلونه نتلوع انه وحبيبي فرقاني، بسببهم هواي عانينه بسببهم ايام نمنه بلا اكل، بسببهم ليليه نخلصها نبچي واحنه مالنه احد غير عمتنه الي چانت يادوب سالمه من شرهم.
-تقدم چم خطوه بأتجاهي وحچه وهو مبتسم ابتسامه يجوز بنظر العالم تكون لطيفه بس بنظري گلت الله اليستر.
-يـاسين: شلـونچ جَنـات؟
-كلمتين چانو كفيلات يهزن گلبي ويخلن الخوف يترس روحي ترس غمضت نزلت دموعي، أذكرت اخر مره لمن راد يكتلني وكال متشرفيني تكونين أختي،صديت وجهي عنه وفتحت ماريد اشوفه تأذيت بسببه وشردت من البيت. لجأت للناس الغربه الي همَّ رأفو بحالي واخوي عذبني اشد انواع العذاب.
-كضيت فرقان بأيد وأفاطم بأيد وخذيتهم ودخلت جوه وتركتهم برا لا حاچيته ولا اريد يجمعني مكان ويا رحنه على غرفة ميلاد نزعت عباتي وگعدت واطفالي بحضني حاضنتهم الصدري وابوس بيهم بس هذولي اهلي بس همَّ الي بهل الدنيا، الي اضمنهم لو شما صار ما راح يخذلون حبي الهم ولا يكسرون ثقتي بيهم.
-تمددت وهمَّ منا واحد ومنا واحد بيهم طبع من يشوفوني ابچي ما يحچون أفاطم شگد وكحه بس من تشوفني ضايجه تضل ساكته، ضلينه هيچ تقريباً نص ساعه لحد اجانه ولا احنه طلعنه لحد ما فرقان رفع نفسه يباوع الوجهي أبتسمت اله گعد تربع بصفي مد ايده مسح دموعي ورفع ايدي باسها وحچه.
-فـرقـان: أمي ناني يمت لا تدوجين(امي اني يمچ لا تضوجين)
-ابتسمت وگمت بوسته وگلت.
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
