نور ما بعد الظلمات

حرگ أحداث..

#الڪاتبه_نَجمه

#نور_ما_بعد_الظلمات

مشهد من البارت القادم

........................................................ 

نايمه وبهذا وضعي وفرقان گاعد يمي ويمسح ؏ راسي وكل شويه يدنج ؏ گصتي ويبوسها ومن أبچي يرفع اصبعه يمسح دموعي ويگول

فرقــان؛؛لا يروحي جنتي ليش هل بچي

اختنگت وحچيت بغصه

جنــات؛؛ ظلموني بدون ذنب

فرقــان؛؛الله موجود ميخلي عبد مظلوم ولا يخلي ظالم يدوم بظلمه وكل هذا أختبار من رب العالمين المطلوب منچ تصبرين

بچيت وگلت

جنــات؛؛ وأذوني

فرقــان؛؛ينوخذ حقچ منهم واحد واحد ويتحاسبون ؏ كلشي سوو بيچ

رفع راسه ليفوگ ضل يهمس نزلت دموعه مسحهن ودنج باس راسي طول هواي

رجعت من ذاكرتي وانه گاعده يم گبره مو گاعده وأنما نايمه ؏ گبره هاي اول مره اجي وتمنيت يگوم يتلگاني تالي مثل مادفنا لگينا تمنيت افتح گبره وانام بحضنه واحس بالامان الچنت احسه گبل بس كلها امنيات صعب تتحقق

تخلت ايد ؏ چتفي رفعت راسي شفت تسنيم مسحت دموعها وگالت

تسنيــم؛؛ مو كافي يلا انروح مو زين عليچ لا تطيحين

ضليت صافنه عليها سحبتني گعدت بس ضليت يم گبره و گبل لا احچي اجه صوت أنمار

أنمــار؛؛يلا بنيتي نروح كافي چم يوم واجيبچ

برهــان؛؛اي شوكت ماتردين نجيبچ يلا بويه راح تضلم

اباوعلهم عيونهم حمر من ما بدرت مني اي ردة فعل گعد أنمار گدامي مدنج رفع راسه مد ايده متردد كض ايدي ما سحبتها لان اعرف شنو انه بالنسبه الهم گال

أنمــار؛؛بنيتي امشي من تصيرين زينه شگد ماتردين تضلين هنا ضلي هسه مو زين عليچ يلا حبيبتي

جنــات؛؛ وين اروح هم ترجعوني يم انتصار و ولدها

بسرعه گعد برهان بصف انمار وكض وجهي حضنه

برهــان؛؛لا لا بعد يحلمون يشوفون خيالچ ناخذچ عدنه وتعيشين اميره مثل ماچنتي عد فرقان وهل مره لو تصير دم مانخليهم ياخذوچ

جنــات؛؛ واروح يمكم حتى هم ترجع مريم تطردني

سكتو محد حچه شويه ضلو صافنين عليه وگال برهان

برهــان؛؛اذا مريم حچت اطردها والخلقچ

جنــات؛؛ ومن وراي تصير مشكله و ؏ اي اساس وبصفتي منو حتى تطردوها علمودي ماروح عوفوني هنا شكو رايحه وياكم واهلي كلهم هنا نايمين اني هنا اضل يمهم

تسنيــم؛؛ حبيبتي جنه انتيِ بنيتنه شنو هل حچي امشي مو زين باليل وبنص المگبره يلا ياروحي

جنــات؛؛ گلتتتت ماروح اضللل هناا

من هيچ صيحت بسرعه برهان گال

برهــان؛؛هاهيه هاهيه اهدي

سكتو ضلو محتارين شيسون الي عفتهم ورجعت راسي ؏ گبر فرقان ماريد اعوفه واروح

.
.
.
.
.

........................................................ 

شلونكم بنات اخباركم عساكم ان شاء الله بخير وميصيبكم اي شر روُح روُحي انتم

عظم الله اجرنا واجركم بمصاب ابا عبدالله الحسين وال بيته عليهم افضل الصلاة والسلام

طبعاً چنت متوقفه علمود هذا السبب ميصير حادثه مفجعه ومثل هذا المصاب اگعد اكتب اني من النوع من يجي محرم كلش متأثره بهل مصيبه فہ ما اگدر اكتب هذا المشهد كتبته سريع و ان شاء الله بعد كم يوم ينزللكم البارت

ويارب بجاه الحسين عند رب العالمين النجاح والموفقيه والحياة السعيده الكم بالله العلي العظيم متروحون من بالي بأي شي ادعيلكم ويارب يريح گلوبكم الطيبه

ماريد منكم بس تدعولي ان رب العالمين يحفظلي والدي واريدكم سالمين يا احلى نجمات بحياتي

تحبكم روحي من اعماقها 💋♥

تابعوا الانستا..
a.t.2_1

واشتركو بقناة التلي البطلات حيكونون متواجدات بأذن الله..

nagmatayat
✨💖