#نور ما بعد الظلمات الجزء الثاني
الظلام أقتحم نورنا.
بقلمي انا آيات علي.
.
تفاعل على البارت لطفاً.
....
چاِ إنه الثگيل المايهزنٕي ريح
هيج عيونكَ من الگاعٌ شلعني
..
☆☆☆☆☆☆☆☆☆☆☆☆☆
☆☆☆☆☆☆☆☆☆☆☆☆☆
«جـنات»
-فزيت بفزع من نومي مخروعه گعدت اتنفس سريع احس شي ثگيل على صدري غمضت عيوني وفتحت عدة مرات اريد الغواش يروح لان صرت كل ما انام واكعد يصير غواش بعيني فتره يلا يروح لمن توضح كلشي سحبت نفس قوي وزفرته اريد بس اهدء حطيت ايدي على صدري وقريت اية الكرسي والمعوذات اريد اطرد كلشي شفته بالحلم.
-هل حچي كله واني گاعده بس ما منتبها على اي شي اجيت ارجع اتمدد وتلمست مكان برهان ماكو ما موجود گلت اكوم اشرب ماي واشوفه.
-گمت لبست دشداشه على لبسي ولفيت الحجاب وطلعت نزلت وبعدني اباب المطبخ ما داخله وما منتبها فجأه صار بوجهي فززني صرت اتنفس سريع وهو كضني ويرفع براسي گلت.
-جنـات:شعندك هنا برهان؟
-بـرهـان:حبيبي نزلت اشرب ماي أنتِ المن نازله.
-جنـات:ادور عليك.
-بـرهـان: يلا امشي نصعد.
-جنـات:بس اوگف.
-رحت جبت ماي وصعدنه بس هو فرحان رغم لا ضاحك لا مسوي شي بس هيچ احساسي يگول صاير شي مفرحه،
رجعنه لفراشنه تمدد سحبني اله گلت.
-جنـات:برهان صاير شي؟
-بـرهـان: لا حبيبي شصاير مثلاً.
-جنـات:مادري احس عندك شي او صاير وياك شي.
-رفعني اكثر الحضنه وحاوطني بأثنين ايدي دفن وجهي بصدره بوس راسي وحچه.
-بـرهـان: لا وليدي ما صاير شي ارتاح ونام يلا حبيبي شگعدك مو چنت نايم نومه تخبل.
-رفعت راسي اله وگلت.
-جنـات:تحلمت حلم يخوف وگعدت وأنتَ ماكو .
-رجع شعري وره اذاني وگال وهو يمسد على شعري.
-بـرهـان:حبيبي ماكو شي كابوس هذا يولي وهذا انه يمچ نامي يلا .
-هزيت راسي وشويه وغفيت گعدت الصبح اليوم عندي دوام گعدت قبله رحت غسلت وطلعت ملابس للاطفال حطيتهن على السرير هُمَ نامو متأخرين اكيد يتأخرون يلا يگعدون بس خاف يگعدون احضر ملابسهم حتى تسنيم تبدل الهم رحت طلعت ملابس الي وگعدت برهان راح للحمام وانه بدلت ولفيت الحجاب جهزت نفسي ونزلت لگيت تسنيم وانمار وأوس گاعدين صبحت عليهم وگعدت يمهم شويه ونزل هو ويا مسك شايل جنطتها ويحچي وياها وهم ينزلون صبحو وگعدو گال برهان.
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
