#نور_ما_بعد_الظلمات
#الكاتبه آيات علي
-البـارت الأخــير.
☆☆☆☆☆☆☆☆☆☆☆☆☆
«مــسك»
يساكٰت عيدهِن چلماتك يخبُلن ♥
-فزيت على أثر بوساته على خدي فتحت عيني ضحكت واني اشوفه شلون يباوعلي ويرجع يبوسني گلت.
-مـسك:صباح،
-قاطعني وهو يخلي ايده على حلكي.
-ضـرغام:صباحي انتِ لان احلى من الخير بنفسه.
-خجلت ضميت وجهي اضحك، وهو يحچي مگزگز.
-ضـرغام:اخخ يا ربي شلون بنيات عندي مال اكل والحسين.
-حضنته احچي.
-مـسك:احبك اني.
-ضـرغام:وانه هايم بيچ، يلا حبيبي گومي اليوم ورانه فره طويله.
-مـسك:ليش شكو.
-لزم ايدي سحبها گدام وجها وباس اصابعي واحد واحد ويحچي.
-ضـرغام:اول شي تگومين حتى تتريگين وتبدلين،
وانوب نروح البيت اختي نشوف امي،
وانوب نتوكل الكربلاء نزور،
ومناك نرجع للناصريه.
-مـسك:زين واني شلون؟.
-ضـرغام:شني وأنتِ غير بروحي حاطچ واخذنچ وياي وين ماروح صرتي مالتي بعد.
-حچاهه وخلا راسه برگبتي ضحكت وگلت.
-مـسك:لا أقصد شلون غير هم لازم اشوف برهان و اهلي.
-ضـرغام:شوفي هو من عادتنا ما يصير البنيه تروح الاهلها من صباحية عرسها
-گالها سكتت ما حچيت شي بس ضجت اريد اشوفهم قبل لا اروح،
هو حس عليه دغدغني وگال.
-ضـرغام:بس لاجل عيون جمارتي انعل ابو العادات، نشوف امي ونمر عليهم يلا حبيبتي گومي.
-گمت دخلت اسبح لبست فستان اوف وايت و طلعت لگيته هو مبدل نشفت شعري مشطت وبس خليت تنت ومسكارا لفيت الحجاب اخذ ايدي شال الجنطه وطلعنه،
راح سلم المفاتيح واجه رحنه تريگنه بمطعم وانوب البيت اخته،
مجرد وصلنه اول ما نزلنه صار الرمي بفلس من خوفي رجعت صعدت بالسيارة وسديت اذاني،
هو گام يصيح عليهم وگفو الرمي واجه عليه نزلني ودخلني.
-تلگونه من الباب امه واخواته وخالاته يهلهلن ويطشن چُـڪليت ضميت راسي وره ظهره لا تجي وحده بعيني،
انوب سلمنه وباركن الي،
اتقربت الاء سلمت من بعيد عليه اجت تريد تبوسه دار وجها بدون ما يحچي وياهه،
گعدني بصف امه گال.
-ضـرغام:بأمانتچ ام الضرغام.
-أم ضـرغـام: بعيوني يمه.
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
