#الڪاتبه_نَجمه
#نور_ما_بعد_الظلمات
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
اللهُم هوّن علينا ما لا يعلمُه غيرك 🤍
........................................................
«جنات»
بعد مانزلت الياسين و حچه ؏ أنمار وبرهان استغربت وما فهمت كلامه شنو قصده شعدي وياهم همه ساعدوني بعد استشهاد فرقان شبي هيچ يسأل وكأنو اكو شي عدي وياهم گتله بعدم فهم
جنــات؛؛ شتقصد مافهمت
ياسيــن؛؛ما فهمتي مو لو همه محاچيچ چان فهمتيهم لچ هذا العار صديق أخوچ يوصيني انه عليچ لچ شكو شعده وياچ
جنــات؛؛ والله ماعده شي بسس هم يخافون عليه لان فرقان قبل
ردت احچيها ما گدرت بلعت ريگي بحسره وحچيت بغصه
جنــات؛؛ فرقان قبل ما يموت موصيهم عليه ولان يحبون فرقان يخافون عليه هيچ
گالت انتصار بخبث وهيه تعوج بحلگها
انتصــار؛؛ وشمعنه أخوچ يوصيهم بيچ اله اكو شي الله اليعلم شكو
جنــات؛؛ ماكو شي والله
انتصــار؛؛ هههه اي ولازم انصدگچ ترا العرگ دساس قبل امچ لعبت واخذتلها خوش واحد والله ماخلاهه تتهنه بي وهسه انتِ من نسلها نفس الرس جاي تحومين عليهم ترديلچ وحيد منهم
تحچي بأستهزاء وياسين خازرني حيل انقهرت من جابت طاري امي هسههيه يمنه بگربانه شكو بكلشي اتحطها بالنص لو بس حتى تقهرني باوعت عليه وبچيت گلت
جنــات؛؛ والله والله چذابه ماعدي شي وياهم يعتبروني نفس اختهم
اجه عليه گبل طگني راجدي انرگع راسي بالمحجر مال درج لان چنت واگفه ؏ أخر بايه بچيت حيل من جرني من شعري قوي وگال وهوه راص ؏ اسنانه
ياسيــن؛؛ منو الچذابه لچ ساقـ** من ورا هل عارات تگولين الامي چذابه اليوم محد يخلصچ مني
عرفت رجعت للتعنيف والعذاب برجلي عرفت من هل يوم ماراح اعرف طعم الراحه وعرفت راح اموت ومحد يدري بيه كل مره من أحد يحچي وياي منهم لو يطگني يجون فرقان لو عمه سجى يخلصوني بس هسه محد منهم ولازم اتحمل
صار يجيبني منا براجدي ويوديني منا براجدي واني اشهگ بالبچي حيل اذاني ومحد كلف نفسه واجه بعده مني ضل هيچ مستمر لحد ماوگعت بالگاع وخشمي يجري دم عزت عليه نفسي لمن واگف رجال غريب يباوعلي وانه حتى الحجاب طايح مني أجه عليه قصي گومني من الگاع صاح ؏ ياسين
قصــي؛؛ ولك هاي ليش هيچ تسوي مو حرام
ياسيــن؛؛ ختولي هل ساقـ** اليوم اذبحها الچلبه تگول ؏ امي چذابه
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
