#نور ما بعد الظلمات
الظلام أقتحم نورنا
بقلمي انا آيات علي.
ممكن متابعة الحساب و التصويت على البارت وتعليق بين المشاهد لطفاً.
أتمنى لَكم قِرائه مُمتعه..
لايگ عَلِينا الحِزن حِنه على چَف عِرسَان...
☆☆☆☆☆☆☆☆☆☆☆☆☆
☆☆☆☆☆☆☆☆☆☆☆☆☆
«مـسك»
-مو مصدومه من الي حچته او بالأحرىٰ مو مصدگه كلامها لأن دائماً چانت هيچ تحچي من يختفي أزاد تگول راح البغداد وتبلش تخوف بيَّ وأشيل همه أخر شي يطلع لو يم واحد من جماعته لو طالع التركيا بدون علمنه والجواز مالته ضامه عند اصدقائه لان ابويه كل ما يجي ينبش عليه البيت يريد يحرگه ما يلكا.
-ذبيت الجنطه على صفحه وگعدت على كرسي موجود بالطرمه واني احچي.
-مـسك: تلگي هسه يم صديقه.
-جيـهان: ولچ يا صديقه واني ما خليت واحد من جماعته ما اتصلت عليهم ويگلولي مو يمنه وما نعرف وين.
-مـسك:وشلون خمنتي رايح البغداد ولا تنسين ترا هو يخاف من بابا ومن يمچ ف ما يوصل هناك لان يعرف شنو العواقب.
-گلبت بالمبايل وطلعت محادثه شمرتلي المبايل
وقريتها.
«ماما اني رايح البغداد اشوف ابويه ليش طول هل فتره مايجي علينه، وهم أريد أتأكد من كلامه صح لو بس يضوجنه ويحچي هيچ، لا تخافين ما اطول بس اعرف شي أرجع»
-أنتفضت بعد ما قريتها وهي تهز بيدها وبنفس الوقت متوتره .
-جيـهان: عبالچ أزاد نفسچ بخزره اخوفچ واگعدچ لا حبيبتي هذا كبر وصار مُتمرد عليه وعلى ابوچ وعلى كلمن يوگف بوجها وهسه راح يجيب النه مصببه هسه لو وين ما رايح خلي بس شوددداا لبغداد حضي خو ما حضي .
-مـسك:أولاً اني ما اخاف أني أحترم وأحسب حساب الاي خطوه اخطيها اما أبنچ الدلوع ما يفكر بالي يسوي ولا يفكر بالي راح يجني بسبب سوالفه أناني من يوم يومه وهمه بس نفسه عكسي اني اشيل هم الكل .
-تقربت مني جرت ظفيرتي حيل وتحچي بعصبيه.
-جيـهان: كم مره گتلچ لا تحچين على أخوچ هيچ ولچ ليشش تكرهي شنو مسويلچ اني جبتكم من نفس البطن ليش معاديته وكأن لگطتكم كل واحد من شارع.
-حچيت واني أدفع بأيدها وأبچي من الألم.
-مـسك: اخخخخ أتركي شعري، واني ما اكرها اخويه هذا مُستحيل اكرها بس سوالفه تجبر الواحد يضوج ويتنرفز من عنده هو غير المفروظ يكون حريص علينه ويبقى بالبيت ويشيل همنه لأن بابا ما موجود وهو الرجال بغيابه ، بس أزاد ما يهتم ويسوي العكس ومو گد المسؤليه.
أنت تقرأ
نور ما بعد الظلمات
Любовные романыبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
