نور ما بعد الظلمات

Part«7»

#الڪاتبه_نَجمه

#نور_ما_بعد_الظلمات

ضحكتك مشتره اسنيني وحرز حلوات ديرتنه 🤍

لا تنسون التصويت ++
و

علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖

........................................................

«برهان»

بعد ما نادو من غرفة المنادات توجهنه انه و فرقان طبعاً فرقان ركض اريد اوگفه ماكو وصلنه و چان نشوف ميار گاعده تبچي و راس جنات بحضنه

وجه جنات أحمر و مغمضه و لا حس و لا نفس نطقت ميار وهيه تشهگ بالبچي

ميــار؛؛ والله مادري شلون اغمى عليها

فرقان اختل توازنه بعد ما حچت ميار ركضتله اسنده كضيته من ايده و حچيت

برهــان؛؛فرقان شمالك ان شاء اللّٰه مابيها شي قوي نفسك خل ناخذها للمستشفى

هز راسه و باوعلها شلون الي هستوه ادارك الموضوع راح ركضلها و انه تقربت عليه و ميار اجت وگفت بصفي جرها الحضنه و يحچي وياهه

فرقــان؛؛ حبيبتي جنتي تسمعيني

ماكو و لا بدرت منها أي ردت فعل ضرب ؏ خدها خفيف و گال

فرقــان؛؛جنات بنيتي لا تشلعين گلبي أگعدي

هم ماكو حچيت انه

برهــان؛؛فرقان كافي وكت حچي شيلها نوديها المستشفى

فرقــان؛؛اي يلا

گام شالها و طلعنه مشينه بالسوگ نريده يخلص نريد نوصل للگراج الطريق صار شطوله شفت فرقان يرجف عليها هسه هوه هم يطيح شفت ولد واگفين يأجرون عربانات للزوار گتله

برهــان؛؛ فرقان خلي نأجر عربانه نخليها بيها

فرقــان؛؛لا انه شايلها ماريدن

برهــان؛؛اي انتَ هم شوف وضعك راح تطيح

فرقــان؛؛لا ما عليه شي اهم شي نظر عيني حبيبتي جنتي تصير زينه

برهــان؛؛زين نأجر و أنتَ أگعد وياهه

فرقــان؛؛لا لا امشي وصلنه ماضل شي.

عفته بعد ما حچيت ويا لان ميفيد وره وقت وصلنه للگراج ما رضى يخليها وره وحدها صعد وياهه و خلاهه بحضنه هل حچي كله وهيه و لا صحت امرها عجيب

صحت ميار گعدت بصفي و رحنه للمستشفى الطريق كله فرقان يحچي وياهه يگعدها صار كلش اعصاب وكل شويه يصيح بيه

فرقــان؛؛ برهان خووويه استعجل

وصلنه المستشفى فرقان نزل شايلها دخلها يركض و انه حچيت ويه ميار