#الڪاتبه_نَجمه
#نور_ما_بعد_الظلمات
.بالبدايه هلو حبيباتي نجماتي شلونكم و كل عام وانتم بألف خير وصحة وسعادة يارب واشوفكم بأعلى المراتب وتحققون كل البالكم وربي يحفضكم من كل مكروه بحق هل يوم 💖
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
.
وكت خَلة گلوبنا تنام بـ حِزنها🖤💔
........................................................
«جنات»
من ياسين أخذ المبايل مني وكسره عرفت الي ينتظرني جحيم وهل جحيم من اقرب الناس الي اولهم اخوي وما راح اعيش بسلام ولا راح ارتاح منا وهيچ ضليت بالغرفه ابچي مدري ؏ ياضيم ويا حزن ويا كسرة خاطر گاعده ابچي ؏ أمي الي عافتني قبل لا اشوفها لو ؏ ابوي الي عمره ما صارلي اب زين ولا ساواني ويه خواتي وحملني ذنب مو ذنبي لو ؏ طفولتي الضاع لو ؏ فرقان العافني بنص وحوش وراح
فرقان كسرته غير كسرته اكبر من كل وجع و اكبر من كل ضيم وقهر كسرني من خلاني بينهم وراح كسرني بفراگه الي اصعب من الموت كلها تهون وكلها تنسي اله فرقان شگد أگول هاي ارادة رب العالمين وهذا حكمه واخذه وهسه بالجنه بس مستحيل أگدر اضل عد كلامي بمجرد ما احد يحچي حچايه تهضمني او يسوي شي يكسر خاطري اريده يمي
من گد ما چان يدافعلي ويوگف بوجهم تعلمت ؏ هل شي وحتى شخصيتي ضعيفه ومو مال اوگف بوجه ياسين او بوجه انتصار مو گدهم انه انتصار ماعدها رحمه ووحده ماتخاف الله اني مامسويه شي وعمري كله ما مأذيتها ومسوده عيشتي مو انوب اسويلها شي تموتني وما تسأل عليه وهسه كلش راح يصفه الها الجو تگدر شتسوي بيه تسوي
مرت الايام انتصار تزيد ماتنقص بخباثتها وياي ؏ كلشي تخبث بالشغل تخلي عليه كلشي وانقهر انه من اشوفها تفرق بيني وبين بناتها ليش هيج تسوي لو تغلط ؏ امي او ؏ فرقان ومن ارد عليه بكملة ليش انكتل لان مسموح الها كلشي تسوي بيه وانه مامسموح كلشي اسويلها هواي تعبت من غير فكرة انه مو بنيه متعبتني اكثر ولو احد عرف شيصير بيه راح يسكتولي لو شنو
قصي صح گالي محد ايأذيج بس كلمته ماتمشي لا ؏ ياسين ولا ؏ أمه او بمجرد يشوفونه مموجود يستفردون بيه ومرات حتى من موجود اتعاقب گدامه وامه حچايتها
انتصــار؛؛وحق الله ياقصي اذا ادخلت لا انتَ ابن بطني ولا عرفك ولا تعرفني ابعد ومعليك اشرفلك
عرفت هنا بسهوله قصي يگدر يتخله عني بعد ما يسمع كلام امه مايدخل من يشوفهم يطگوني يروح الغرفته يدخل ويسد الباب ومثل ماگلتها قبل وارجع اگولها حتى لو صارو اخوان زينين ما راح يصيرون نفس فرقان وهسه همه حتى ماصارو زينين مستحيل يكسر كلمة امه علمودي
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
