#الڪاتبه_نَجمه
#نور_ما_بعد_الظلمات
ماينسَد مڪانڪ ، سگف بيت وطاح 💔
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
........................................................
«جنات»
أجيت من المدرسه اول ما دخلت شفت منظر گدامي انصعقت بمكاني ذبيت جنطتي و ركضت ؏ عمه الي طايحه ؏ وجها بالحديقه وصلت يمها احچي وياها متجاوب گعدت يمها بالگاع اهز بيها اريدها بس تگعد و انه ابچي مفرفحه عليها و احچي
جنــات؛؛ عمه عمه اگعدي فدوه حبابه گومي
ماكو ما بدرت أي حركه منها و انه تخبلت ما اعرف شسوي و لا اگدر اشيلها دخلت ركض ؏ غرفتي إخذت مبايلي و رجعت و انه امشي ادگ ؏ فرقان هم ما يجاوب تخبلت وين يلا جاوب گال
فرقــان؛؛ها جنه شمالچ خبصتيني عندي شغل عفته و طلعت اكو شي
جاوبته و انه گوه اخذ النفس و صارت خرخشه بصدري
جنــات؛؛ فرقان.. فرقان تعال عمه تخربطت
بس نطقتها طاح المبايل مني و گعدت ؏ الدرج التقط انفاسي گوه ركضت و بچيت بحرگه و هذني مو زين عليه اسويهن اتنفست من بعد عدة محاولات شلت المبايل مسدود الخط اخذته و گمت طلعت يم عمه بعدها هيه هيه و لا متحركه دقايق و اندفع الباب و دخل فرقان راد يدخل للبيت صحت
جنــات؛؛ فرقان احنه هنا تعال
التفت عليه فك عيونه ؏ وسعهن من شاف عمه بالگاع و اجه يركض نزل گعد ؏ ركبه و أيده ؏ خدها يهمس
فرقــان؛؛عمه تسمعيني شجارلچ احاچيچ
هم ماكو دار عليه و حچه بصوت مبحوح
فرقــان؛؛اركضي جيبي عبايتها بساااع
رحت بسرعه جبت عبايتها و أجيت لگيته موگفها و يمشي بيها گتله
جنــات؛؛ هاي العبايه
اخذ العبايه فتحت عيونها صحت
جنــات؛؛ فرقااان فتحت عمه
باوعلها تفتح و تغمض و رجعت غمضت بسرعه مشاها طلعها صعدها بالسياره و صاح عليه
فرقــان؛؛سدي الباب و تعاي
بسرعه دخلت سديت باب المطبخ و باب الشارع و صعدت وياهم بعدني بملابس المدرسه عمه امدده وره انه صعدت يمها شلت راسها خليته بحضني و امسح ؏ خدها و ابچي و فرقان معصب و يا سيطره نفوت منها بسرعه يمشونه لان لابس ملابسه العسكريه
بعد فتره وصلنه للمستشفى اجه فتح الباب شالها بس نزلها اجه واحد يركض من المستشفى جايب سديه نومها عليها و دخلها و احنه ورا نمشي
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
