#نور ما بعد الظلمات الجزء الثاني
#بقلمي انا آيات علي.
. تفاعلكم على البارت لطفاً.
..
شدعوه عيونك هلكد تهد الحَيل
يا محَد ناثركّ ومخضر بروحي
☆☆☆☆☆☆☆☆☆☆☆☆☆
«جنـات»
-فترة صعبه مرت علينه من صوب افاطم الي هيَّ روح ابوها يتسودن عليها ةمو انوب هذا حالها الي كل ما تبچي بشرد من البيت ويرجع عيونه جمر ويحضنها الصدرة ويحير شلون يسكتها ميت قهر عليها وانه حالي من حاله،
ومن جها ميار الي نفسيتها تعبت حيل هيّ تتمنى يصير عدها بعد طفل ويكون ولد وتسمي علي ولمن مسقطه عارفين جنس الطفل ولد تصف تصف وتبجي لحد ما تنهار عليه تربط اسقاطها بابنها المات الله يرحمه وأوس وبرهان حايرين بيها حتى للنجف خذوها وياهم تسنيم رغم وضعها بس عسى ولعل ترتاح من تروح واجه أوس ميت قهر من شايفها شلون تبجي على قبر زوجها المرحوم وما كدر يحجي وياهه غير بس يواسيها،
ومن الجها الثانيه مسك ضالة هناك يم بيت عمه وبرهان يتحرگن عليها اگله هسه هي وين بالشارع يجاوبني.
-بـرهـان:اعرف هيَّ ابيت عمي واعرف مرتاحه واعرف ما يبدر اي تقصير او كلام مو حلو لا من عمي ولا من عمتچ،
بس أختي اريدها هنا هيَّ ما ضل شي وتزوج وانه ما صارلي هواي اعرفها اريد اشبع منها مو اضل بحسرة شوفتها من تزوج.
-ويرجع صفن ويگول.
-بـرهـان:لو تخلص العمر يمي وتفارگني يوم هم راح اشتاقلها.
-وعلى هل وضع ضالين برهان اشوفه معلعل وانه اشتعل واطفه من فجأه ضغطه يصعد ويركضون بي للمستشفى وانوب يضوج من يشوفني انقهر عليه وما يرضا بس شلون.
-مرت فترة مو هواي أفاطم تحسنت رجلها فتحنا الضماد الحمدلله حتى گامت تمشي عليها وما توجعها وهذا اهم طشي،
و وضع ميار بلش يتحسن لكن فجأة تنتكس حالتها وتصعب اكثر ودوها الأئمه الاطباء وين ما يكولون طبيب زين يركضون بيها،
انه الكوابيس ابد ما فارگتني ليلية تزورني واگعد مرعوبه بس ما احچي اگول فوگ مشاكلنه اجي انه هم ازيدها عليهم،
من افز عرگانه وحسبالك چنت اركض گد ما فحطانه وشي ثگيل صاير على صدري أصلي يلا ارتاح.
-گعدنه الصبح ركض ركض بدلت وبرهان هم بدل بهدوء لا يفزون الاطفال،
ملابسنه احضرهن من الليل كملنا طلعنه طفيت الضوء وطلعت سديت الباب على كيف ونزلنا تسنيم گاعده هيَّ وأنمار صبحنه عليهم تريگنا،
و تسنيم بدون ما اوصيها اعرف ادير بالها على الاطفال وهمَّ أصلاً يضلون نايمين لحد ما اجي،
طلعت وياهم يوصلوني لأن أوس هل فترة ماخذ اجازة علمود وضع ميار ما يگدر يتركها.
-وصلنه للكلية نزلت وهُمّ راحو دخلت خلص الوقت بين المحاضرات اجت ميلاد شفتها وضلت يمي شويه نسولف لحد ما راحت وخلص الدوام،
طلعت بس أستغربت محد خابرني شني وينهم معقوله محد جايني وصلت الباب الكلية وهُمَّ ماكو محد موجود،
طلعت مبايلي أتصلت على برهان يدگ وما يجاوب رجعت اتصلت على أنمار هم ماكو،
الجامعة بلشت تفرغ والطلاب يرحون،
اجت بنت وياي بنفس القسم اسمها رفل، وياها خطيبها هم ويانه تقربت عليه حجت.
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
