#الڪاتبه_نَجمه
#نور_ما_بعد_الظلمات
عمري شلونكم شخباركم اعتذر جداً ؏ تأخير بس
هوايه احداث وتعبت حيل بي المهم اتمنى منكم التفاعل بگد تعبي وتقدرون هل تعب احبكم ياروحي وقرائه ممتعه
سِكة الصبر نهايتها جبرك، مَهما طالت🤍
........................................................
«ميار»
شگد حاولت اتعايش وانسه لحتى اتئقلم بحياتي الجديده الي مغطيتها غيمه سوده وباهته وكل روح مابيها بس هيهات تمر عليه لحضه انساهم كل موقف كل كلمه كلشي اذكرهم وصورتهم ابالي هواااي اكو حچي بداخلي بس المن أحچي منو راح يحس بوجعي منو احس الوجع بروحي انطبع وبعد ميروح للموت
باحد الايام الي چنت معتزله بيها عن البيت وانزل او اختلط بيهم بس بشي قليل گاعده تقره بكتاب أحاول اخلص وقتي بي وما ابچي
چنت مندمجه بالكتاب واقره بأهتمام فزيت وعدت الواقعي ؏ صوت أشعار من المبايل خليت فاصله وين موصلت وحطيت الكتاب بصفي مديت ايدي ؏ مبايل سحبته وفتحته اباوع اشعار من الفيس دخلت چان طلب صداقه بأسم (أوس الـ ***)
أخذتلي صفنه أباوع عليه طبعاً عرفته اوس ابن عمي وچنت محتاره بين اقبل او أرفض هل ثنين يدورن أبالي من جهة اذكر عماد من شاف مراسلته وياي شسوه واحس نفسي خاينته ومن جهه أگول اوس عمره ما أذاني وحتى لو اقبل شنو الراح يصير او الراح يتغير
بطريقه بارده وفوق العادي دست قبول وتركت المبايل بصفي هستوني رجعت كضيت الكتاب أجه أشعار أخر رجعت للمبايل فتحته وچانت رساله من أوس كاتب بس
💌هلو ميار
ماعرف شنو الي صار بيه بس حسيت من صدگ خاينه عماد رغم اني ممسويه شي بعده المبايل بايدي أجت رساله ثاني كاتب
💌 ها گاعده أگدر أحچي وياچ
جاوبته
💌هلا بيك اوس شلونك
💌أي گاعده اتفضل احچي
طلع جار الكتابه وتأخر هواي يلا دز
💌شلونج صحتچ شلونها ان شاء الله تكونين بخير
..
💌الحمدلله بخير انتَ شلونك وعمو شلونه
..
💌
الحمدلله بخير ونسأل عليكم
..
💌تسأل عليكم العافيه
..
💌الله يعافيچ
انوب ضلينه محد حچه شي ردت اعوف المبايل بس رجف حيلي وگلبي گام يدگ سريع من دز
💌مشتاقلچ
المبايل صرت ما اسيطر عليه طلعت من المحادثه بسرعه وحذفتها وشمرت المبايل وخايفه ؏ مرتبكه ؏ متوتره شكو يحچي هيچ وياي مو يعرف انه تزوجت وصرت الغيره بعد شكو هيچ يحاچيني
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
