#الڪاتبه_نَجمه
#نور_ما_بعد_الظلمات
فــــــراگــك.....
چَـنه ڪُــــرسي أنسحَـب وقِـت أعـدام
لا و المُشــڪـِله مَــن يــِرد مـا معَــذوُر
المحَـيرنـي شَفــت دْمـــوع بالتَضـميـد
أَثاري مـِن البَچـي ما ساڪـِت الدَڪتور
............... 💔😭
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
........................................................
«برهان»
انك تعيش وحيد فكره صعبه بس من تعيشها تتعود عليها هيچ انه تعودت امي ماتت اختي مسافره ابوي ملتهي صح اكو فرقان و أنمار بس مو بكل وقت موجودين هم عدهم حياتهم و ملتهين بيها عاذرهم
بعد تحرير الموصل رجعنه الحياتنه العاديه أنمار گبل خطب و كلش فرحان اله أخذ البنيه الي يحبها من هوه صغير و أحلى خبر اجاني ميار راح ترجع حيل حيل فرحني هل خبر و چنت منتظرها ؏ أحر من الجمر بس اريدها تجي كلش مشتاقلها
مرت فتره لا بئس بيها الكبار الي بعائلتنه كلهم راحو للعمره ضلينه بس انه و أنمار و أوس بالبيت و مريم راح عد بيت خالها رادت تخليهم مرت ابوي بس رفضنه احنه وحدنا شباب بالبيت شني تضل عدنه و جدي هم رفض فہ راحت و همه هم راحو ثاني يوم خابرتني ميار جايه بدون ما تنطيني علم قبلها حظرت نفسي حتى اروح استقبلها بالمطار
ردت اطلع الولد سئلوني وين رايح گتلهم اجيب ميار خليت و طلعت بالطريق اجت ابالي فكره اخابر فرقان يجيب أخته بس تذكرت هوه راح الاهله انوب كلت خلي اخابره اشوفه وصل لا خابرته جاوبني
فرقــان؛؛هلا برهان شلونك
برهــان؛؛الحمدلله بخير بشر وصلت لا
فرقــان؛؛ اي وصلت و هسه احنه بالنجف
برهــان؛؛انتَ مو رحت للـ*** شوداك للنجف
فرقــان؛؛اي وصلنه شفنه أبوي و رجعنه و رحنه للزياره
برهــان؛؛ها زين توصلون بالسلامه دير بالك من الطريق
فرقــان؛؛ان شاء الله خويه
برهــان؛؛أخذ راحتك
فرقــان؛؛الله وياك
سديته منه و كملت طريقي وصلت للمطار و گعدت انتظر ميار ضليت گاعد هواي طولت ضل بالي عليها ادگ ما ترد حيل قلقت گمت و صرت افتر و ادگ عليها التفتت اباوع ؏ مكان الي يجون منه شفتها جايه بتجاهي بس عينها بالمبايل و تدفع بالجنط رفعت راسها شافتني بالاول فكت عيونها بعدين الضحكه انرسمت ؏ وجها عافت الجنط و اجت تركض عليه
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
