#الڪاتبه_نَجمه
#نور_ما_بعد_الظلمات
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
"لم نعد نلوم الغُرباء، فالمقربون فعلوا الأسوأ🖤"
........................................................
«برهان »
الصار كله صدمه بصدمه من صحت جنات قطعت وعد ؏ نفسي لو اعرف ارتكب جرايم مو جريمه مستحيل اتنازل عنها واخليها تبتعد عنه وترجع هناك بعد ماشفت حالتها و وديناها للبيت انهارت احنه هم وياها بس چذب مثلها وبعدين طلبت ناخذها للنجف صح اخاف عليها بس ماگدرت ارفض طلبها أنمار جان متردد اندخلها
المگبره بهذا وضعها اخذناها ورحنه للنجف وضلينه هناك سوينه كلشي حتى تضحك ومن اشوف ضحكتها احس ملكت الدنيا اريد اعوضها عن كلشي عاشته اريد فرقان يرتاح بگبره وهيه هم متستاهل كلشي صار وياها
يومين احنه بالنجف بثالث يوم اجه اتصال الي والانمار لازم انداوم لان صارلنه بالاسبوعين احنه مجازين وميصير نگعد اكثر هم من رحنه ندور عليها ومن جبناهه اثناء غيبوبتها ومن صحت وهسه صار يومين هنا وهذا الثالث يعني هواي گعدنه فہ أنمار حاول يحچي ويااهه من شفتها قافله متقبل ترجع ويانه وخصوصياً من گالت (بصفتي منو اگعد يمكم)
اعرف حچت هيچ بسبب كلام مريم هذيچ المره من گامت تصيح عليها ادري ضاله ابالهه هل سالفه فكرت بحل بلكت ترضى بي گلت اله
برهــان؛؛زين انه عندي حل الچ وياريت ما تفهميني غلط وتأكدي هل شي راح اسوي بس علمودچ
جنــات؛؛ شنو هوه
برهــان؛؛أعقد عليچ
گبل فتحت عينها مصدومه وأنمار خزرني وصاح
أنمــار؛؛برهااااان
قبل لا تشتد الامور وانفهم غلط بسرعه حچيت
برهــان؛؛بس افهموني انه ما اقصد اريدها زوجه الي بس تكون بذمتي گدام العالم حتى محد يجرأ يفك حلگه وياهه وحسب ماتگولين بصفتي منو راح تكونين بصفتچ مرتي بسس گدام العالم وحتى اهلچ ما يگدرون ياخذوچ لو شيصير بس بيناتنه انتِ حالچ حال ميار الله يشهد ؏ كلامي وانه لو عندي غير نيه چان ما حچيت گدام أنمار وتسنيم هاي همه شاهدين ؏ كلامي
تقدمت عليها وگفت گدامها وكملت كلامي
برهــان؛؛بنيتي قبل كلشي مستحيل اطعن واخون فرقان بأخته العافها عدنه امانه انه بس اريدچ يمنه واحافظ عليچ ومحد يگدر ياخذچ من عدنه هاا
أنمار سكت ما حچه وهيه هم بس تسنيم من شافت الوضع هادئ حچت
تسنيــم؛؛ انه اشوف هذا انسب حل جنه حبيبتي ماكو غيره احنه مانجبرچ بس هم مستحيل نعوفچ ترجعين
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
