#الڪاتبه_نَجمه
#نور_ما_بعد_الظلمات
لازم يصير العكس ويضيع تعبي
علمتني الدنيا من أرتاح أحط ايدي اعلى گلبي .
.
.
لـ حيدر حطاب
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
........................................................
«تسنيم»
قرار الزواج مو شي سهل لمن واحد يريد يتزوج هواي اشياء لازم يفكرلها اذا رجال
هل هوه مكون نفسه حتى من يتزوج ما يتبهذل و يبهذل عائلته ويا؟
هل هوه گد هل مسؤليه يصلح يكون زوج صالح و باچر عگبه اب زين؟
اما عن البنت من تفكرين فكري بكل شي يجي بعد الزواج الزواج مو بس صفگه و بدله و هلهوله
غلطانه الزواج مسؤليه الزواج احترام الزواج ثقه الزواج تبادل رأي تكوين عائله حياة جديده عادات مختلفه اطباع او تصرفات اول مره تواجهينها
هل انتِ گادره
تواجهين
تتحملين
تصبرين
تسكتين
فكري الف مره قبل لا تخطين هيچ خطوه فكري بالشخص الي راح تزوجي مناسب الچ راح تكونين سعيده ويا لا تفكرين بس تردين تخلصين من فد مشكله او تغيرين من حياتچ و تزوجين اكبر غلط هيچ تفكير
من تقدملي أنمار بشكل رسمي و اجني أمه و بيبيته هنا ادركت ان أنمار مچان يشاقه او يتسله بس طلع بالفعل رايدني حيل حبيت هل شي منه بعد أخر موقف ما تواصلنه ابد و لا حتى طلب يعرف ليش صيحت عليه ذبها سكتاوي ما اتصل غير لمن راد يعرف شنو جواب أمي او شوكت تردلهم خبر
امي بعد ما اجن علينه ما انطتهن كلمه گالت چم يوم و نردلكم خبر و راحن اجت حچت وياي گتلها موافقه استغربت ليش هيچ گبل وافقت گتلها
تسنيــم؛؛ انه اريد اتزوج و أخلص مليت ياهو اليجي يگلي گاعده ابيت رجل امچ و شني انتِ شابه و بيت رجال غريب انه موافقه اتزوج رديلهم الموافقه
هيــام؛؛ شني انتِ شايفه شي مو حلو من عبدالله معاملچ معامله مو زينه
تسنيــم؛؛ لا والله ما بي شي عمو رجال اصيل بس انه اخذت قراري و ياريت تحترمينه و ما توگفين بوجه قسمتي
هيــام؛؛ لا هاهيه مثل ما تردين و انه هم اعرف أنمار شنو رجال و النعم منه خلص اردلهم خبر و الله يقدم الي بي الخير
طلعت مني ما كلفت نفسها حتى تگلي كلمه حلوه ليش تزوجين انه موجودهما عاش الي يحچي عليچ اتمنى اسمعهن منها لا تحچيهن و لا تسكت اليحچون و انه گعدت اراجع حساباتي أنمار يستاهل اتخذه وسيله حتى اتخلص من هل حياة العايشتها أو أنمار نفسه يستاهلني هوه يحبني أعرف بس الحب مو كلشي و يا ترى راح أگدر احبه
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
