#نور ما بعد الظلمات
الظلام أقتحم نورنا
بقلمي انا آيات علي.
ممكن متابعة الحساب و التصويت على البارت وتعليق بين المشاهد لطفاً.
أتمنى لَكم قِرائه مُمتعه..
وچوه مَغسُوله بوكاحه ،
و طَمع و مَكاسر غَدر و رسُوم چذابه .
☆☆☆☆☆☆☆☆☆☆☆☆☆
☆☆☆☆☆☆☆☆☆☆☆☆☆
«جـنات»
-رجعت من الدوام أتصلت بـ برهان گال بالمستشفى يم الولد تغديت وگمت عاونت البنات غسلت المواعين خذيت اطفالي ودخلت للغرفه عرفت برهان ما راح يجي،
نومتهم ونمت..
-ماعرف بعد شگد فزيت وگمت أفاطم ماكو، بس فرقان نايم ومخلي ايده على بطني، متعود من ينام يمي يحضني، اگله تعال نام بحضني، يگلب وجها ويگلي لا أنتِ تنامين بحضني واضحك أگزگز عليه وينام يمي ويحضني،
أما هذيچ الفوصه لا ماتحضني ولا احضنها تروح تنام على صدر ابوها، وتعيب عليه، وسوالفها مو مال عمرها حتى ذكيه، برهان من يحچي، يگلي.
-بـرهـان: أفاطم طالعه عليه ذكيه،
وفرقان طالع عليچ فاهي.
-وانه ارد عليه.
-جنـات: لا فرقان طالع على خاله فرقان وأذا تحب اذكرك چنت تگلي فرقان أذكه من عدنه كلنا.
-يضل يباوعلي صفح وانه اضحك ميگدر يرد عليه بعد،
بوست فرقان وبعدت أيده عني على كيف حتى ميفز، ونهضت أكيد أفاطم يم تسنيم حيل متعلقه بيها وحتى مرات ما تصيح الها عمه، تگلها ماما غسلت وبدلت لان چنت لابسه تراك، لبست ثوب عريض لفيت الحجاب، جاي أطلع بعدني اباب الغرفة وأجت ام العلوم تركض فحطانه وتحچي..
-أفاطـم: أمي أمي بابا بي اووااا.
-بـرهـان: شنو هو أبوچ وين.
-أشرت جوه سديت الباب وركضت نزلت بس بيبي گاعده بالصاله مابيها حيل تگوم، طلعت للمطبخ، شفته گاعد ويمه عمو هيثم واگف وأنمار وتسنيم على صفحه، تقربت عليهم برهان رافع راسه وعمو هيثم كاضه گصته وخشم برهان ينزف!!!
-وجعني گلبي على منظره عيونه حمر مغورگه، وجها أصفر، الشفه بيضه، باوعلي غمض، كأن ميريدني اشوفه بهيچ حاله، دموعي نزلت وماهتميت للواگفين تقربت حضنت وجها وأحچي.
-جنـات: برهان شنو صايرلك ليش هيچ.
-فتح عيونه أبتسم وحط ايده فوگ أيدي وهمس بصوت تعبان.
-بـرهـان: مابيَّ شي يا عيون برهان لا تخافين.
-عمو هيثم طگا على ايده، وگاله.
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
