#الڪاتبه_نَجمه
#نور_ما_بعد_الظلمات
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
........................................................
«ميار»
هِلي وهذا العَمر مدغوش يكبّرني وغفل يَكصر .
التعب ياكل بروحي وهاد حيلي هد من كل مكان قهر وخذلان ساعه اگول الي سويته زينة العقل وساعه اگول الي سويته غلط انه شجابني شورطني واتزوجت واحد ماعرفه وضاله بين نارين بين روحي العاشت متعذبه وهسه كمل عذابها وبين اخوي وولد عمي الي اخاف يرحون من ايدي احبهم وماگدر افرط بيهم
بعد ماطگني وموتني كتل طلع اريد ارفع جسمي واگوم ما اكدر حيل متأذايه ت أحد يجي يعيني اگومن بس محد اجه ساعدت نفسي بيه مابيه نهضت اتجهت للمرايه اباوع الوجهي صاير خريطه من الطگ مالهم بالبدايه النسوان واجه هوه كمل رحت طلعت ملابس ودخلت للحمام بلكت ارتاح اذا ذبيت ؏ نفسي ماي صار حتى الماي يأذيني من يطخ جسمي
كملت لبس وطلعت وانه احلف اله اندمه لأن مد ايده عليه طلعت ولفيت شعري بلا ما امشطه مابيه حيله گعدت صافنه بحياتي وين چنت و وين صرت شلون فجأه تغيرت البارحه انه يم اخوي الي مايرضه احد يحاچيني واليوم اخته نطگت وتوجعت اوووف الله اليستر من الجاي
اندگ الباب بهدوء وانفتح دخلت مره چبيره عمرها بالثلاثين وجها بشوش گالت
؛؛ السلام عليكم حبيبه انه سناء عمة عماد
گمت الها وانه گوه عاينه روحي اوگف گلت
ميــار؛؛ هلا بيچ عمه تفضلي اگعدي
باوعتلي بحسره كأن مكسور خاطرها عليه درت وجهي عنها ماحب أحد ينقهر عليه گالت
سنــاء؛؛ عمت عيني بنيتي اعذريني چنت طالعه توني رديت شمسوين بيچ حبيبه
ميــار؛؛ معذوره عمه
گعدت وكل شويه تتحسر صارت تسولف وتسأل عني تتعرف عليه وانه هم تعرفت عليها عمرها 35 سنه مامتزوجه وگاعده هنا ويانه ومبينه گلبها طيب مو مثلهم شويه وگامت گالت
سنــاء؛؛ بنيتي انه نازله الغرفتي جوه بصف المطبخ اذا احتاجيتي شي اندهيلي
ميــار؛؛ ضلي هنا عمه يمي
سنــاء؛؛ لا يعمه اردن اصلي اخليچ ترتاحين وعماد انه اطيحلچ حضه
بس حچت هيچ خلت وطلعت قبل لا ارد عليها گمت سديت الباب وراها ورحت للحمام توضيت وصليت كملت توجهت الربي دعيت ؏ كل شخص مسببلي اذيه وانه ما مأذيته سلمته بيد رب العالمين وهوه يحاسبهم كملت ورحت تمددت ؏ چربايه ظهري ؏ باب فكرت بالصار اليوم اووف صبرك ياربي شويه وانفتح الباب عرفته هوه من گح بس ولا تحركت من مكاني من تقرب غمضت عيني ضل يحوص بالغرفه ماعرف شيسوي فتحت ؏ كيف نازع دشداشته ضال بالداخليات غمضت بسرعه من التفت الجهتي شويه وتمدد بصفي فتحت عيني من حسيت بي قريب وصدگ اول مافتحت رگبته بوجهي كلش قريب عليه مد ايده رفع وجهي وخله ايده ؏ خدي بسرعه دفعته ودرت وجهي عنه انطيته ظهري حچه بهمس
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
