#الڪاتبه_نَجمه
#نور_ما_بعد_الظلمات
لا تنسون التصويت ++
و
علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖
........................................................
«تسنيم»
مُدن تلبسلك أسود لو قرت حزنك 🤍
الانتقاله الي صارت بحياتي والتغير تزوجت ورحت يمه بس هل شي مگدر يغير بشي من غيرتي ؏ انمار بالعكس يوم عن يوم تزداد غيرتي واتمنى اقفل الغرفه عليه وماخلي يطلع ولا واحد يشوفه زهراء اذا باوعتله بالغلط اتخبل حتى مريم اذا حچت ويا لو تباوله بقصد او بدون قصد انه مدري شيصير بحالي غيرتي عليه مدمرتني والمشكله انه اعرف هاي غيره بس لا جاي اعترفله ولا ابين اضل بس احرگ بروحي حرگ
بعد عرسنه رجعنه من الفندق الكل استقبلنه بالهلاهل والمباركات والهدايه افرح حيل لمن اباوع الانمار واشوفه صافن عليه وعيونه تلمع بحب ادعي من ربي يحفظه الي وميحرمني منه. گدرت بسرعه اتئقلم ؏ عيشتي وياهم أنمار موجود اگابله واگعد خاف وحده توصله و من يطلع اروح لو يم عمه ليلى اساعدها بالشغل لان ما شاء الله الحبايب محد تحرك ساكن مخليات كلشي عليها لو اروح يم الحجيه احب سوالفها
الولد برهان اوس هادئين الدرجه ما اعرف همه بالبيت لو طالعين كل واحد عايش همه وحزنه الحاله وأنمار ضال يفكر بيهم وحتار شيسويلهم وهوه هم تعبان من الشغل من التفكير بيهم وجنات اووف ياجنات بس نريد راس خيط يوصلنه الها بس ماكو فص ملح وذاب وضالين احنه نتحرگن عليها
زهراء نادراً ماتنزل يمنه بغرفتها بس بوقت الشغل الي عليها تنزل او باوقت الاكل وأنمار ما مقصر وياهه بشي مصرف يطيها طبعاً انه اودي ماخلي هوه يروحلها وحتى من يجيبلي حلويات علاگه الي وعلاگه الها يگول مهمه يكون امانه يمنه والها حق عليه اضوج من هاي سوالفه بس من اشوفه حتى ميباوعلها اطمئن
مر ؏ زواجنه أسبوع اهتمام أنمار بيه يخليني اعشگه وفوگ كل هذا ابد ماحاول يفتح موضوع ان يتقربلي يگول هاهيه مجرد انتِ بحضني كلش كافي وانه بكل غباء مستغله هل شي ومثل ميگولون لا ارحمه ولا اخلي رحمة الله تنزل عليه يعني لا انه منطيته حق ولا اقبل يباوع الغيري وهم ارجع اگول هوه عاجبه الوضع وساكت بعد شكو اهتم انه
بيوم طلبت يوديني الاهلي ما عارض جهزت نفسي و وداني وهناك لگيت نورس موجوده كيفت عليها مشتاقتلها وگعدت أمي بغرفتي القديمه تستجوبنه ثنيناتنه شلونچن ويه عيالچن وانتِ شلونچ ويه رجلچ وانتِ خوما مزعلته اوووو گعدت فتحت ويانه تحقيق وانه طبعي لو احچي طگ بطگ لو اسكت يعني ماحب اچذب فہ حچيتلها ؏ طبيعة علاقتي بأنمار شهگت ولطمت ؏ خدها من عرفتني بعدني بنيه وگالت بعصبيه
أنت تقرأ
نور ما بعد الظلمات
Romanceبنت ولدت يتيمه الام تربت ؏ يد اخاها و واجهت الكثير و الكثير من الظلم من قبَل أُناس لا تعرف الله هل سيدوم هذا الظلم؟ و هل سيبقى اخيها محافظ عليها.؟ ام ماذا؟. الى متى سيدوم؟؟ ومن الظالم و من المظلوم؟؟ خفايه ستظهر قريبـًا..
