نور ما بعد الظلمات

البـاب الثـاني Part 15

#نور ما بعد الظلمات الجزء الثاني

الظلام أقتحم نورنا.

بقلمي انا آيات علي..

تصويت على البارت وتعليقات بين المشاهد لطفاً💕

حضرولكم هلهوله 😔♥♥♥

.....

يالمعلمنَي أحب ذاتي چَيتك
أحلى شَي بالدنيَا صّار ويَاي
" تعوَيض لخساراتي "

..

             ☆☆☆☆☆☆☆☆☆☆☆☆☆

«مسـك»

-متمدده على سريري وايدي جوه حنكي مبتسمه على عوض رب العالمين، الي احس غرگني بي،
العوض الي ينسينه كلشي مرينه بي وعشنا،
العوض الي يجي بعد كل شي مُر مرينه بي.

-الحُب الأهتمام الحنان أبسط التفاصيل واكبرها الي كنت مفتقدتها ، هسه صارت تجيني من كُل الاتجاهات عن منو احچي ، وشنو اگول حتى اوفيهم حقهم والسوو ويايه.

-عن الي يفوز على الكُل بكُلشي بي باهتمامه وحبه الي وحنيته عليه الشخص الي اول ما يجي يصيح بأسمي. كلمة محتاجه شي ما تنزل من لسانه،
"بُرهان" روحي أتعلقت بي بصورة مو طبيعيه بمجُرد هل فترة العشتاها وياهم الي هي قليلة حيل قليلة والي انگلبت حياتي بيها.

-"بُرهان "من اجيت لحد الان كرر أكثر من مرة كلمة
" أميرتي" يمكن هوايه يگولوها الهل كلمة بس قله الي يعنوها ويطبقوها وحتى من سمعتها من ماكنت أدرك انُ هو حينفذها بحذافيرها الدلال الشفته منه يجبرني أن اخلي هو أكثر شخص أحبه بدنيتي يجبرني أميزه على كل ناسي.

-"تـسنيم" أستحاله اكو شخص بحنيتها رغم صغر سنها لكن تحسسنه أن هي ام النه احنه البنات مو كنه النا لا خوفها حرصها حبها النا يخلينه نحترمها احترام فايق عن الاحترام المطلوب الها.

-"ميار" بهدوئها ابساطتها بروحها الحلو وبفهاوتها على كولة أوس تجنن تقربت مني بفتره قصيره صارت روحي وتشاركني واشاركها بكُلشي حتى ماعرف اضم عليها شي صرت ودائماً اخليها گدامي ان هي أختي الأكبر مني وظروري تعرف كلشي امر بي.

-"جنات" وما أدراكَ ما جَنات، ، نعم هيچ جنات شوكت ما احتاجها الكاها بأتم الأستعداد لطافتها الي تخلي الكل ينجبر يحبها نزاكتها هدوئها كلشي بيه يجنن من اضوج واريد افضفض حتى ارتاح ما احس نفسي اله گاعده يمها واحچيلها كلشي واستمع النصائحها واطبقهم جنات أذا اريد اوصفها،
فـ أگول.
"هي نسمة هواء بارده في منتصف تَموز"

-اما عن البقيه كلهم من بيبي جدو عمامي عمه سجى عمه ليلى أوس أنمار اعجز عن وصفهم وحبهم الي لو شنو ما اسوي ما اجازيهم.